Հայաստանի Անվտանգության խորհրդի նորանշանակ քարտուղար Ալեն Սիմոնյանն այսօր Բիշքեկ…

Հայաստանի Անվտանգության խորհրդի նորանշանակ քարտուղար Ալեն Սիմոնյանն այսօր Բիշքեկում հանդիպել է Ադրբեջանի նախագահի օգնական Հիքմեթ Հաջիևին։
Ըստ Անվտանգության խորհրդի գրասենյակի՝ Սիմոնյան-Հաջիև բանակցությունները հաջորդել են վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպմանը։ Նրանք շարունակել են խաղաղության օրակարգի շուրջ քննարկումները։ Այլ մանրամասներ հայկական կողմը չի հայտնում։
Փաշինյանն ու Ալիևն երեկ Բիշքեկում քննարկել էին խաղաղության գործընթացը՝ ընդգծելով մեկ տարի առաջ ստորագրված Վաշինգտոնյան հռչակագրի և նախաստորագրված խաղաղության պայմանագրի «պատմական նշանակությունը»։ Խաղաղության համաձայնագրի ստորագրման հնարավոր ժամկետի մասին, սակայն, պաշտոնական հաղորդագրությունում ոչինչ չի ասվում։