Author: Suren Surenyants

Քանի դեռ չենք գիտակցել, որ Նիկոլ Փաշինյանի քաղաքականությունն աղետաբեր է երկրի ու ժողովրդի համար, վճարելու ենք մեր որդիների արյան գնով:
Լույսերի մեջ մնաք, տղերք…

21, հա 21: 1996-ի ապրիլ, ուսանողական ցույցեր ու հացադուլ. այստեղ կարող եք գտնել 21-ամյա Սուրեն Սուրենյանցին ու Էդուարդ Շարմազանովին ու մեր երկուսիս գրեթե 30 տարվա ընկերությունը:

Կարծում եմ՝ հետաքրքիր հարցազրույց է ստացվել:

Ալիևն ու ընտանիքի անդամները քվեարկել են Ստեփանակերտում:
Էս կարգի ստորացում, նվաստացում հնարավոր չէ մարսել, էլ չեմ զարմանա, որ մի օր էլ Արցախի շղթայված ղեկավարներին վանդակի մեջ առած բերեն Ստեփանակերտի հրապարակ:
Մեզ պատուհասած էս ստորացումը մի անուն ունի՝ Ազգակործան պատուհաս, որը դաջվել է բոլորիս, պետության ճակատին, որովհետև մենք նրան հեռացնելու արժանապատվություն չունենք:

Իմ ունեցած հավաստի տեղեկությունների համաձայն՝ իշխանության ռեպրեսիվ գործողությունների ու «շռայլության» հետևանքով, «Հանրային ձայն» խմբակցության երեք անդամներ վաղը մասնակցելու են Երևանի ավագանու նիստին, ինչը հնարավոր կդարձնի Հայկ Մարությանի և չորս այլ ընդդիմադիր գործիչների լիազորությունների կասեցումը:
Այ, այսպիսի «արևմտամետ» դավանանք ունեն ՔՊ և «Հանրապետություն» կուսակցությունները:

LiveNews-ի հարցազրույցում համոզմունք եմ հայտնել, որ Սահմանադրությունը փոխելու Փաշինյանի ջանքերը տապալվելու են:

Մարդ մնացեք, «Նիկոլ» չդառնաք
Մարդիկ, հստակ պետք է տարբերվել այսօրվա իշխանությունից, որը քաղաքական, բարոյական տաբուներ չունի:
Հայտնի կոռուպցիոն գործով կալանավորվել են անչափահաս երեխաներ ունեցող երկու կանայք(նրանցից մեկն Ալենի եղբոր կինն է):
Դա ոչ միայն անմարդկային է, այլ նաև անօրինական, որովհետև բացակայում է ծայրահեղ անհրաժեշտության բաղադրիչը:
Նիկոլը վաղուց է ընտանիքներ մտել՝ սեփական քաղաքական օրակարգը սպասարկելու նպատակով
Սկզբում դա «նախկինների» կամ իր մյուս ընդդիմադիրների ընտանիքներն էին, հիմա հերթը հասել է յուրայիններին, վերջում՝ գուցե սեփական ընտանիքին դարձնի քավության նոխազ:
Ասածս այն է, որ մարդ մնացեք, «Նիկոլ» չդառնաք:
Երբ Նիկոլն ընդդիմադիրների ընտանիք էր թիրախավորում, Ալենը ծափահարում և ցինիկ հետևողականությամբ աջակցում էր այդ այլանդակություններին:
Բայց նույնիսկ այս պարագայում ես պնդում եմ՝ Ալենի եղբոր կնոջ հանդեպ անարդար ու անմարդկային են վարվում: