Author: Suren Surenyants

Այսօր, ժամը 21:30-ին, Mediahub TV-ի եթերում կլինի Media Post Factum-ը՝ նոր տաղավարից և նոր լուծումներով:
Անպայման դիտեք:

APA գործակալությունը տեղեկացնում է, որ ԱՄՆ պետքարտուղարությունը արտոնել է Թուրքիային F-16 կործանիչների, դրա մոդերնիզացայի կոմպլեկտների հնարավոր վաճառքը 23 միլիարդ դոլարի չափով: Ինձ դնում եմ մեր պսևդոարևմտամետների տեղում և մտածում եմ՝ ոնց որ Վաշինգտոնը «շատ ուժեղ ճնշեց» Թուրքիային:

«Մեր անվտանգությունը պաշտպանելու համար նոր գործընկերներ ենք փնտրում, նախկինը չաշխատեց»
Արարատ Միրզոյան
● Միրզոյանի այս հայտարարությունը կարելի է տեղադրել list.am-ում, բրոկերները վստահաբար կօգնեն)))

Մեզ պետք են նիկոլյան գրեր, նիկոլյան այբուբեն, նիկոլյան պատմություն…
Կառավարությունն առաջարկում է դպրոցական «Հայոց պատմություն» առարկան վերանվանել ու դարձնել «Հայաստանի պատմություն»։
Երկար- բարակ այս անհեթեթությունը մեկնսբանել չեմ ուզում. կեղծ պետականամետության, մեր ժողովրդի պատմության առանձնահատկությունների չիմացության հետևանք է:
Ուրացումը Նիկոլի մեջ դրած ամենամեծ վիրուսն է: Սրա իրական նպատակն այն է, որ ցույց տա, թե մինչև 2018-ը իրական հայոց պատմություն կամ ինչպես ինքն է սիրում ասել՝ լեգիտիմ պատմություն չի եղել, այլ խոսքով՝ հայոց պատմության առնվազն նորագույն շրջանը կամ՝ եթե կուզեք Հայաստանի պատմության «լեգիտիմ» շրջանը սկսվում է 2018-ից:
… Շուտով մի աննախադեպ արշավ է սկսվելու Մեսրոպ Մաշտոցի դեմ: Նա էլ է «նախկին» ու «մեղավոր»՝ ոչ լեգիտիմ գրեր ստեղծելու համար: Մեզ պետք են նիկոլյան գրեր, նիկոլյան այբուբեն, նիկոլյան պատմություն…

Աշխատանքային շաբաթը սկսվեց Civilnet-ին տված հարցազրույցով:

Փաշինյանը անոնսավորում է փոքրացող Հայաստանը
«Հայաստանը կարիք ունի նոր Սահմանադրության, ոչ թե Սահմանադրական փոփոխությունների»,- ասում է Նիկոլ Փաշինյանը:
Թերևս, նրա խոսքի խորքային իմաստը շատերը չհասկանան:
Նոր Սահմանադրությունը ենթադրում է նոր Հանրապետություն: Եթե դա տեղի ունենար պետականության հիմնադրույթների շուրջ քաղաքական, հանրային քննարկումների արդյունքում, թերևս՝ կարելի էր խոսել պետականության զարգացման ինչ-որ հանգրվանի մասին:
Բայց նոր Սահմանադրություն Նիկոլին պետք է Ալիևի վավերացրած «կադաստրի վկայականին» «համաժողովրդական փաթեթավորում» տալու համար:
Նոր Սահմանադրությունը Փաշինյանին պետք է՝ Հայաստանի Անկախության հռչակագիրը «խմբագրելու», նոր «կադաստրի վկայականով» «լեգիտիմ» սահմաններ հաստատելու համար:
Փաշինյանը անոնսավորում է փոքրացող Հայաստանը, որի համար «պատմական հայրենիք» է դառնալու 29800-ը:
Հ.գ- Որպեսզի ասածս մերկապարանոց չհնչի, ևս մեկ հատված Փաշինյանի այսօրվա խոսքից. «Հարց է ծագում, իսկ ո՞րն է Հայաստանի Հանրապետության տարածքը: Իրականում ես նորից ուզում եմ ընդգծել, որ մենք այս հարցին ոչ թե պետք է պատասխան գտնենք, այլ պետք է ուղղակի դարակներից հանենք և սեղանին դնենք գոյություն ունեցող պատասխանը»:
Դարձյալ Երրորդ հանրապետության, նրա տարածքային ամբողջականությունը ապալեգիտիմացնելու փորձ:

Ընդդիմադիր գեներալին կարելի է պատժել, նրա ձերբակալության նվաստացուցիչ կադրերը իշխանության մեդիայով տարածել, բայց ՔՊ-ական քաղաքապետը, որը կտրող գործիքով հարձակվել է քաղաքացու վրա՝ անպատիժ է:Media Post Factum-ի անդրադարձը:

Փաշինյանի «պատկերացումը» խաղաղության մասին
«Ես կարող եմ ուրիշ առաջարկ անել՝ եկեք սպառազինությունների վերահսկման վերաբերյալ պայմանագիր կնքենք, որ Հայաստանն ու Ադրբեջանը սպառազինությունների հետ կապված կոնկրետ պայմանավորվածություններ ձեռք բերեն և մեկը մյուսի պայմանավորվածությունների կատարումը վերահսկելու հնարավորություն ունենա»։
Նիկոլ Փաշինյան
● Սա էլ անօգնական հավաստիացում է Ալիևին առ այն, որ Հայաստանը սպառազինվելու կամ ուժային դիսբալանսը փոխելու ցանկություն չունի: Սա է Փաշինյանի պատկերացումը խաղաղության մասին: Չզարմանաք, որ այս կետին Ալիևի «հայելային» պատասխանը դառնա պահանջը, որպեսզի պայմանագրով արձանագրվեն ՀՀ ԶՈւ առավելագույն թվաքանակը կամ սպառազինության թույլատրելի տեսակները: