Author: Suren Surenyants

«Տարբեր տեղերից հնչում են Հայաստանում հեղաշրջում իրականացնելու կոչեր»,- ասում է Նիկոլ Փաշինյանը՝ մատնելով իրեն: Փաստորեն, Արցախը գտնվում է կործանումից «5 րոպե պակաս ռեժիմում», սրա դարդ ու ցավն իր աթոռն է:

«Նոյյան տապան»-ին տված հարցազրույցում անդրադարձել եմ ընտրությունների արդյունքներին, ինչպես նաև արտաքին քաղաքականության առանցքային հարցերին:

Անկախ այն բանից, թե ով կընտրվի Երևանի քաղաքապետ՝ Նիկոլ Փաշինյանը շառաչյուն ապտակ ստացավ. նրա իշխանության հեռացման ժամանակացույցը միացված է: Media Post Factum-ի հերթական թողարկումը:

Վաղվա ընտրություններում իմ քաղաքական շահը մեկն է՝ վարչական ռեսուրսի շարաշահումը, ընտրակեղծիքները բացառելը, ՔՊ իշխանության ապօրինի վերարտադրության կանխումը: Այդ պարագայում՝ համոզված եմ, որ կունենանք քաղաքային նոր իշխանություն:
Վաղը իմ հեղինակային Media Post Factum հաղորդումը MediaHubTV յութուբյան ալիքում կաշխատի արտակարգ ռեժիմով:
Media Post Factum-ը եթերում կլինի ժամը 12:30-ին, 15:30-ին, 18:30-ին, 21:30-ին, 00:30-ին: Ընդդիմադիր շտաբներին ու մեր քաղաքացիներին հորդորում եմ՝ ընտրախախտման ցանկացած դեպքի առթիվ տեղեկատվությունն օպերատիվ փոխանցել ինձ:
Համատեղ ուժերով կարող ենք հաղթել:

Ընտրություններում երկու խնդիր պետք է լուծենք՝ կանխել կեղծիքները ու թույլ չտալ ՔՊ հաղթանակը: Media Post Factum-ի անդրադարձը:

Դարձյալ՝ աշխարհաքաղաքական կոնսենսուսի մասին
Երբ մի քանի օր առաջ գրել էի, թե Աղդամի ճանապարհի բացման հարցով կոնսենսուս գոյություն ունի աշխարհաքաղաքական կենտրոնների միջև, մի քանի «հաստիքային» արևմտամետներ «թռան դեմքիս»:
Դե հիմա, դատեք ինքներդ:
Ռուսները հումանիտար օգնություն մտցնում են Աղդամի ճանապարհով, ինչից հետո նրանց «ոխերիմ բարեկամ» Եվրամիությունն արձանագրում է Աղդամի ճանապարհով Արցախ ռուսական մարդասիրական օգնության առաքումը և ակնկալում, որ դա կխթանի տեղի բնակչության համար մարդասիրական կանոնավոր մատակարարումների վերսկսումը:
Դե, իհարկե, այս փաստը մեր «արևմտամետները» չեն ցանկանում «նկատել», այսօր այլ բան է տրենդային՝ «քլնգել» ռուսներին ու Արցախի մի քանի օրվա կյանք ունեցող իշխանությանը:

Բանակում ոչ կանոնադրական հարաբերությունների հետևանքով զոհերի թիվն աճում է, բայց ՊՆ նախարարը, ԳՇ պետը, ՌՈ պետը շարունակում են պաշտոնավարել՝ հիմնավորելով, որ բանակը խժռող «ներքին թշնամին» մեկ անուն ունի ու այդ անունը Նիկոլ Փաշինյան է:

Պսևդոհեղափոխության վարագույրը փակվեց…
Տեսեք՝ երկիրը գտնվում է անվտանգային մարտահրավերների թիրախում, Նիկոլ Փաշինյանը հայտնվում է Հանրայինի եթերում, մի քանի նախադասությամբ անդրադառնում է գլոբալ խնդիրներին, հետո սկսում է փառաբանել Երևանի ընտրություններին մասնակցող իր կուսակցությանը, նրա թեկնածու Տիգրան Ավինյանին, փիառում է իրենց հանրահավաքը, տգեղ ձևով հակաքարոզչություն է անում ընդդիմադիր թեկնածուների դեմ:
«Կան ուժեր, որոնք կարծում են, որ Երևանի ավագանու ընտրությունների համատեքստում հնարավոր կլինի Հայաստանում անկայունություն մտցնել»,- ասում է Փաշինյանը։
Իրենց ընդդիմախոսների մասին նման հայտարարություն անում են բոլոր ավտորիտար առաջնորդները, ովքեր սեփական փնթի իշխանությունը նույնացնում են պետության հետ:
Նույնիսկ պատրանքային ժողովրդավարությունը Հայաստանում մեռնում է:
Պսևդոհեղափոխության վարագույրը փակվեց…