Author: Suren Surenyants

Հայաստանի իրական դաշնակիցն այն երկիրն է լինելու, ով կօգնի հաղթահարել բանակցային փակուղին ու այդպիսով կնպաստի պայմանագրի ստորագրմանը Հայաստանի ու Ադրբեջանի միջև:

Փաշինյանը գերադասում է ոչ թե ցավոտ բանակցային լուծումը, այլ զիջումն՝ արյունով
Երկու մոլորություն մեզ սխալ ելակետով վերլուծություն անելու գայթակղության առաջ է կանգնեցնում:
Չգիտես՝ ով և ինչու մեզ համոզել է, որ խաղաղության պայմանագիրն Ադրբեջանին է պետք ու, որ ժամանակն աշխատում է մեր օգտին:
Ավելորդ է ասել, որ այս վարկածի կողմնակիցները որևէ փաստարկ չեն բերում:
Որպես կանոն, խաղաղության պայմանագիրն, առաջին հերթին, պարտվող կողմին է պետք, որի միջոցով նա կարողանում է կասեցնել պարտության հետևանքների խորացումը ու ինստիտուցիոնալ խաղաղության միջոցով՝ նախադրյալներ ստեղծել զարգացման համար:
Ալիևը հազար պատրվակ կարող է փնտրել՝ խաղաղության գործընթացը տորպեդահարելու համար. նա «սողացող պատերազմի» միջոցով ուժեղացնում է իր բանակցային դիրքերը:
Ֆրանսիայի Սենատը տվեց նման առիթ ու Ալիևը հրաժարվեց բանակցել Մակրոնի միջնորդությամբ:
Ինչո՞ւ բանակցային գործընթացի վիժեցման բեռի տակ մտավ նաև Փաշինյանը՝ «խրոխտ» հայտարարելով, թե առանց Մակրոնի բանակցությունների չի մասնակցի:
Ընդ որում, Երևանի դիրքորոշումը աջակցության չարժանացավ ոչ Բրյուսելում, ոչ անգամ՝ Փարիզում:
Ասել եմ ու կրկնում եմ՝ Փաշինյանը գերադասում է ոչ թե ցավոտ բանակցային լուծումը, այլ զիջումն՝ արյունով, մեր տղաների արյան հաշվին…
Հենց դրա համար է նա վերադարձել նախապատերազմյան «հայրենասիրական» նարատիվին:

Էրդողանը հայտարարել է, թե առաջիկայում չի բացառում հարաբերությունների կարգավորումը Սիրիայի հետ: Նման հեռանկարի մասին գրել եմ ամիսներ առաջ:

Պատկերացնո՞ւմ եք՝ ինչքան անպատասխանատու պետք է լինել, որպեսզի Գերմանիայի պես ուժեղ հավաքականին հաղթելուց հետո, պարտվել «իսպանական ցեղասպանության» ենթարկված Կոստա-Ռիկային: Հենց նման «տաղանդ» ունեցավ Ճապոնիայի հավաքականը, որը փլեյ-օֆֆի ուղեգիր չի նվաճի, եթե Գերմանիան այսօր գոնե չպարտվի Իսպանիայի հավաքականին: Չնայած, նույնիսկ այսօր գերմանացիների հնարավոր պարտությունը չի երաշխավորում, որ ճապոնացիները հայտնվելու են փլեյ-օֆֆում:

Շիրակի մարզպետ Նազելի Բաղդասարյանը, չգիտես ումից, բողոքում է, թե իր անմեղ եղբորը բերման են ենթարկել «շոուի էլեմենտներով»: Այ հարգելի, ձեր իշխանությունն ու էժան շոուն հոմանիշներ են:

Բելգիան հաղթեց, Կանադան տպավորեց:

Քոչարյանը հեռանում է, տարոսը՝ Փաշինյանին…
Այն բանից հետո, երբ «Պատիվ ունեմ» դաշինքը դադարեց գոյություն ունենալ, հարցազրույցներիցս մեկում կանխատեսել էի, որ ինստիտուցիոնալ փոշիացման գործընթացն ավելի մեծ ազդեցություն է գործելու «Հայաստան» դաշինքի վրա: Այսօր հայտնի դարձավ, որ այդ դաշինքի մաս կազմող «Վերածնվող Հայաստան» կուսակցությունն, ըստ էության, փլուզվել է:
Սակայն սա վերջը չէ:
Մինչև նոր տարի «Հայաստան» խմբակցությունն, ըստ էության, դադարելու է գործել՝ որպես մեկ միասնական միավոր:
Ի՞նչ էր «Հայաստան» դաշինքը:
Դա, ըստ էության, Ռոբերտ Քոչարյանի քաղաքական ամբիցիաների բավարարման հարթակ էր:
Հիմա ստացվում է՝ այդ ամբիցիաները կամ չկան, կամ էլ՝ այլևս դրանց չի հավատում թիմը:
Քոչարյանը հեռանում է, տարոսը՝ Փաշինյանին…