Author: Suren Surenyants

«Միակ դրական բանը հանդիպման, մարտավարական, կարճաժամկետ հաջողությունն է Փաշինյանի համար՝ պոկեց այդ Մոսկվայի հանդիպումը։ Մեծ հաշվով, տեսեք՝ ինչ իրավիճակ է՝ դաշնակցային հարաբերությունների մոդելը փլուզվել է հայ-ռուսական հարաբերություններում։ Ընդ որում, սա ենթադրություն չէ, սա քաղաքագիտական գնահատական չէ։ Վերցրեք Հայաստանի կառավարության 2026-2031 թվականների ծրագիրը»,– @ArmeniaSputnik–ի մամուլի կենտրոնում ասաց Սուրեն Սուրենյանցը։

Դատարանի բակում պատասխանել եմ ArmLur-ի հարցերին
https://youtu.be/8hbIWMUxi2A?si=Xr_5nTU3sv3LJYh2

Հրատապ հարցազրույց հարգելի 168TV-ին` Փաշինյան-Պուտին հանդիպման հետքերով
https://www.youtube.com/live/OcT6PSrhjX8?si=GxKq5zcotwQAa5u5

Հարցազրույց Euromedia24 TV -ին
https://youtu.be/1xY-Jw46X5Q?si=SAslR78FHafa8j6x

Ժամը 19:00-ին, դիտեք իմ անդրադարձը Գագիկ Ծառուկյանի շուրջ տեղի ունեցող զարգացումներին՝ հետաքրքիր շեշտադրումներով:
https://youtu.be/morVcVYzrqg?si=ca_Vvcgya5NHBiis

❗️❗️❗️Չոր փաստեր
✔️2025 թվականին Հայաստանի ֆիզիկական անձինք բանկային համակարգի միջոցով արտերկրից ստացել են շուրջ 5,98 միլիարդ դոլար։ Դրանցից մոտ 3,88 միլիարդ դոլարը եկել է Ռուսաստանից։
✔️2025 թվականին Հայաստան է այցելել շուրջ 2,26 միլիոն զբոսաշրջիկ, որոնցից 921 հազարը ժամանել են Ռուսաստանից։ Սա ամբողջ զբոսաշրջային հոսքի մոտ 41 տոկոսն է։
Օտարերկրյա այցելուների ծախսերի վերջին մանրամասն հետազոտության համաձայն՝ ռուս զբոսաշրջիկը Հայաստանում մեկ ուղևորության ընթացքում միջինում թողել է մոտ 860 դոլար։ Եթե այս ցուցանիշն օգտագործենք որպես ուղենիշ, 2025 թվականի զբոսաշրջային հոսքի համար, ստանում ենք մոտ 790 միլիոն դոլարի գումար։
✔️ԵԱՏՄ-ի հետ ազատ առևտրի համաձայնագրերից դուրս գալու դեպքում Հայաստանը կկորցնի արտահանման մինչև 25–27 տոկոսը։
✔️Հայաստանի գյուղատնտեսությունը 2026 թվականի առաջին կիսամյակում կրճատվել է 15,5 տոկոսով: Սա հետևանք է դեպի Ռուսաստան արտահանումների սահմանափակումներով:
Այս չոր փաստերը համադրեք Նիկոլ Փաշինյանի արկածախնդիր քաղաքականության հետ:

‼️ Պուտին–Փաշինյան հանդիպում.  ճգնաժամի կառավարում՝ բեկման փոխարեն
Վլադիմիր Պուտին–Նիկոլ Փաշինյան առաջիկա հանդիպումը Բիշքեկում տեղի է ունենալու հայ-ռուսական հարաբերությունների թերևս ամենախոր ճգնաժամերից մեկի պայմաններում։
Երկու երկրների հարաբերություններում գրեթե չեն մնացել ուղղություններ, որտեղ հնարավոր է արձանագրել շոշափելի քաղաքական արդյունք կամ վստահության վերականգնում։
Հանդիպման օրակարգի վերաբերյալ ՌԴ նախագահի օգնական Յուրի Ուշակովի հայտարարությունները ցույց են տալիս, որ Մոսկվան պատրաստվում է Երևանի հետ քննարկել ոչ միայն երկկողմ հարաբերությունները, այլև Հայաստանի արտաքին քաղաքական ընտրության հարցը։
Ուշակովը հայտարարել է, որ քննարկվելու են Հայաստանի՝ Եվրամիությանն անդամակցելու ձգտումը և ԵԱՏՄ-ին անդամակցության հետ դրա համատեղելիությունը։ Մոսկվայի դիրքորոշումը բավական կոշտ է․ Հայաստանը, ըստ ռուսական կողմի, չի կարող միաժամանակ ձգտել ԵՄ անդամակցության և շարունակել օգտվել ԵԱՏՄ շրջանակում համագործակցության տնտեսական առավելություններից։
Սա նշանակում է, որ Բիշքեկում Փաշինյանը կանգնելու է մի հարցի առաջ, որի պատասխանը Երևանը երկար ժամանակ փորձում է հետաձգել՝ խոսելով արտաքին քաղաքական «հավասարակշռման» և «այլընտրանքների ձևավորման» մասին։
Պուտին–Փաշինյան հանդիպման օրակարգը միայն արտաքին քաղաքականությամբ չի սահմանափակվելու։
Ուշակովը բաց տեքստով հայտարարել է, որ Մոսկվայում «մեծ մտահոգություն» են առաջացնում Հայաստանում ընդդիմադիր գործիչների ձերբակալությունները՝ հատկապես առանձնացնելով նրանց, ովքեր հանդես են եկել հայ-ռուսական ավանդական հարաբերությունների վերականգնման օգտին։
Այս հայտարարությունը կարևոր է երկու առումով։
Նախ՝ Մոսկվան Հայաստանի ներքաղաքական զարգացումների վերաբերյալ իր դժգոհությունը բարձրացնում է պետության առաջին դեմքերի բանակցությունների մակարդակ։
Երկրորդ՝ Հայաստանում քաղաքական ռեպրեսիաների թեման աստիճանաբար ձեռք է բերում նաև արտաքին քաղաքական բաղադրիչ՝ դառնալով հայ-ռուսական հարաբերությունների օրակարգի հարց։
Այս ամենին նախորդել է Փաշինյանի վերջին ճեպազրույցը, որի ժամանակ նա, ըստ էության, արձանագրել է, որ Հայաստանի և Ռուսաստանի հարաբերություններն այլևս չեն համապատասխանում դաշնակցային հարաբերությունների տրամաբանությանը՝ կրկին հղում անելով 2022 թվականի հայտնի իրադարձություններին։
Մոսկվայի արձագանքը նույնպես կոշտ է եղել։
ՌԴ ԱԳՆ պաշտոնական ներկայացուցիչ Մարիա Զախարովան Փաշինյանին ուղղված հրապարակային գրառմամբ նրան մեղադրել է պատասխանատվությունից խուսափելու և այն Մոսկվայի, ՀԱՊԿ-ի, Ադրբեջանի, նախկին իշխանությունների, Եկեղեցու, հայ գործարարների ու Արցախի հայերի վրա բարդելու մեջ։
Գործ ունենք քաղաքական վստահության համակարգային ճգնաժամի հետ։
Հենց այս պատճառով Բիշքեկի հանդիպումից բեկում ակնկալելը չափազանց լավատեսական կլինի։ Դրա համար այսօր բացակայում են թե՛ քաղաքական նախադրյալները, թե՛ փոխադարձ վստահությունը, թե՛ հարաբերությունների ապագայի վերաբերյալ ընդհանուր ռազմավարական պատկերացումը։
Ավելին՝ կողմերը Բիշքեկ են գնում սկզբունքորեն տարբեր քաղաքական մոտեցումներով։
Երևանը փորձում է նվազեցնել կախվածությունը Ռուսաստանից և ընդլայնել արևմտյան ուղղությունը, իսկ Մոսկվան արդեն բաց տեքստով պահանջում է հստակեցնել, թե ինչպես է Հայաստանը պատկերացնում ԵՄ-ին ինտեգրումն ու ԵԱՏՄ-ում իր հետագա ներկայությունը։
Հետևաբար, Պուտին–Փաշինյան հանդիպման իրատեսական առավելագույն արդյունքը կարող է լինել ոչ թե հայ-ռուսական հարաբերությունների վերականգնումը, այլ ճգնաժամի ժամանակավոր կառավարումը՝ թույլ չտալով, որ առկա հակասությունները կարճաժամկետ հեռանկարում վերածվեն բաց քաղաքական կամ տնտեսական առճակատման։
Դա ընդամենը ժամանակ շահելու հնարավորություն է։
Պուտին- Փաշինյան հանդիպումը կարող է ևս մեկ անգամ ցույց տալ, թե կողմերը որքան են հեռացել այն հարաբերություններից, որոնք դեռ ոչ վաղ անցյալում պաշտոնապես բնութագրվում էին որպես ռազմավարական և դաշնակցային։

⚽️🇦🇲 Հայկական ֆուտբոլի պատմական երեկոն
Հայկական ֆուտբոլի համար պատմական երեկո էր։
Եվրոպա լիգայի 2026/27 մրցաշրջանի անցումային փլեյ-օֆֆի պատասխան խաղում Հայաստանի չեմպիոն «Արարատ-Արմենիան» Վազգեն Սարգսյանի անվան Հանրապետական մարզադաշտում 1։0 հաշվով հաղթեց ռումինական «Ունիվերսիտատեա Կրայովային» և նվաճեց մրցաշարի հիմնական փուլի ուղեգիր։ Առաջին հանդիպումն ավարտվել էր 1։1 հաշվով, և երկու խաղերի արդյունքում հայկական ակումբը հաղթեց 2։1 հաշվով։
Չեմպիոնների լիգայի որակավորման փուլում «Արարատ-Արմենիան» հաղթահարեց «Ռիգայի» և «Շեմրոկ Ռովերսի» դիմադրությունը, ապա զիջեց սլովենական «Ցելեին» և պայքարը շարունակեց Եվրոպա լիգայում։
Կրայովայի թիմը եվրոպական ֆուտբոլի առաջատարներից չէ, սակայն բավականաչափ փորձառու և բարդ մրցակից էր։
Պատասխան հանդիպման լարվածությունը պահպանվեց մինչև վերջին վայրկյանները։
Ավելացված ժամանակում նշանակված 11 մետրանոցը Սանդրո Լիման չիրացրեց, սակայն անմիջապես կողմնորոշվեց անդրադարձից հետո և 90+8-րդ րոպեին խփեց հաղթական գոլը։
Պատմական արդյունքը ձևավորվեց մի դրվագում, որը թերևս լավագույնս արտահայտեց ամբողջ խաղի տրամաբանությունը՝ մինչև վերջ պայքարել և օգտագործել վերջին հնարավորությունը։
Այսպիսով, «Արարատ-Արմենիան» դարձավ առաջին հայկական ակումբը, որը հանդես կգա Եվրոպա լիգայի հիմնական՝ լիգայի փուլում։
Ինձ ճանաչողները գիտեն, որ ֆուտբոլի մեծ երկրպագու եմ։ Հետևաբար այս հաղթանակն ինձ համար կարևոր է նաև զուտ մարզական տեսանկյունից։ Հայկական ակումբի ներկայությունը եվրոպական ֆուտբոլի այս մակարդակում ինքնին նշանակալի իրադարձություն է։
Սակայն այս հաղթանակն ինձ համար նաև այլ խորհուրդ ունի։
Վերջին տարիներին մեր հասարակությունը չափազանց շատ պարտություններ, կորուստներ և հիասթափություններ է ապրել։ Դրանց երկարատև հաջորդականությունն ունի վտանգավոր հոգեբանական հետևանք. պարտությունը կարող է աստիճանաբար ընկալվել որպես բնական և անխուսափելի վիճակ, իսկ սեփական ուժերի նկատմամբ հավատը՝ տեղի տալ հուսահատությանը։
Հենց այդ պատճառով այսօր առանձնահատուկ արժեք ունի յուրաքանչյուր իրական հաջողություն։ Էական չէ՝ այն արձանագրվում է սպորտում, մշակույթում, գիտության, տնտեսության թե մեկ այլ ոլորտում։ Յուրաքանչյուր նման արդյունք որոշակիորեն ընդհատում է պարտությունների հոգեբանական շղթան և վերադարձնում ամենակարևոր զգացողություններից մեկը՝ սեփական ուժերով հաջողության հասնելու հնարավորության գիտակցումը։
Իհարկե, ֆուտբոլային հաղթանակը չի լուծում երկրի խնդիրները, որոնցից կախված են պետության ու հասարակության իրական հաջողությունները։ Չարժե նաև մեկ մարզական իրադարձության վերագրել այնպիսի նշանակություն, որն այն օբյեկտիվորեն չունի։
Այնուամենայնիվ, պոզիտիվ տրամադրությունները և հաղթանակը երեկ միավորեցին տասնյակ հազարավոր մեր հայրենակիցների:

Հարցազրույց PAKTV-ին
https://youtu.be/c2Rz_bmUHQ4?si=mveBDUBoOzGgPt4k

5TV-ի անդրադարձն ասուլիսին
https://youtu.be/NCwVjkPjlh4?si=rhPULBex-Vs0oOLi