Author: Suren Surenyants

Քննարկում
https://www.youtube.com/live/RNwE5pwloEI?si=_tnkFuMePvscuAqj

Անչափ հաճելի է, երբ փողոցում մոտենում են քեզ անծանոթ մարդիկ, իրենց քաղաքական համերաշխությունն են հայտնում, առաջարկում են լուսանկարվել։
Վահանը մեր հայրենակիցն է, ով բնակվում է Ուֆայում։

Այսօր, ժամը 20:45-ին, 168TV-ի եթերում, դիտեք իմ հարցազրույցը հարգելի Աղավնի Սուքիասյանին:

Քննարկում
https://www.youtube.com/live/Xo_xPSfd5oQ?si=0WNxBitFYdjCO6Zv

⚡️⚡️⚡️Փաշինյանի նախաձեռնած սահմանադրական գործընթացը պետք է տապալվի
Սահմանադրական դատարանի նախագահը երեկ հայտարարել է՝ Հայաստանի Մայր օրենքը տարածքային պահանջ չի պարունակում ոչ միայն Ադրբեջանի, այլ նաև որևէ այլ երկրի նկատմամբ: Արման Դիլանյանը «Ազատության» հետ զրույցում տարածքային պահանջների վերաբերյալ ադրբեջանցի պաշտոնյաների մեղադրանքները որակել է սին՝ հատուկ ընդգծելով, թե այն մինչև հանրաքվեի դնելը փորձաքննությունների է ենթարկվել այդ թվում միջազգային կառույցներում:
Ամիսներ առաջ, երբ Սահմանադրական դատարանը քննում էր սահմանազատման հանձնաժողովների կանոնակարգի սահմանադրականության հարցը, որոշել էր՝ Անկախության հռչակագրի միայն այն դրույթներն ունեն Սահմանադրության նորմի ուժ, որոնք տեղափոխվել են հռչակագրից Սահմանադրություն: Երեկ Բարձր դատարանի նախագահն ընդգծել է՝ Սահմանադրության նախաբանը հռչակագրի մաս չէ:
ՍԴ նախագահի այս սպառիչ բացատրությունները, թերևս, փակում են Բաքվի պահանջով նոր Սահմանադրություն ընդունելու օրակարգը:
Բայց անդրդվելի են մնում ոչ միայն Բաքվի պաշտոնյաները, այլ նրանց հիմնական խոսափողի վերածված Նիկոլ Փաշինյանը, ով տառացիորեն օրեր առաջ պնդեց, թե Սահմանադրության նախաբանից պետք է հանվի Անկախության հռչակագրին արվող հղումը:
Բայրամովը, Ամիրբեկովը շարունակում են պնդել, թե Հայաստանի Սահմանադրության փոփոխության հարցը բանակցային գործընթացում քննարկվել է դեռ 2022թ-ից: Փաշինյանն այս պնդումը չի հերքում:
Այս իրավիճակը Հայաստանի համար խիստ վտանգավոր պատկեր է ստեղծում, որովհետև Փաշինյանի թեթև ձեռքով Հայաստանի Սահմանադրության հարցը դարձել է բանակցային գործընթացի մաս:
Եթե Բաքվի պահանջն ընդունվի, Հայաստանը վերածվելու է ադրբեջանական ենթապետության:
Մեր հասարակության կանխատեսելի «Ոչ»-ը նույնպես վտանգներ է ստեղծում, որովհետև Բաքվում դա ներկայացվելու է որպես Հայաստանի ժողովրդի «ռևանշիզմի» դրսևորում՝ դրանից բխող վտանգավոր հետևանքներով:
Եվ ուրեմն, քաղաքական ուժերի խնդիրն է՝ բոլոր հասանելի միջոցներով հասնել նրան, որ Փաշինյանի նախաձեռնած սահմանադրական գործընթացը տապալվի:
Մեկ տարի առաջ այս հարցով «Դեմոկրատական այլընտրանք» կուսակցությանը հաջողվել էր քաղաքական լայն կոնսենսուս ձևավորել, առաջիկա օրերին կներկայացնենք մեր պատկերացրած գործընթացի «Ճանապարհային քարտեզը»:
Բաժանորդագրվեք ալիքին📱
https://t.me/SurSurenyants

Այսօր Ազգային հերոս Թաթուլ Կրպեյանի 60-րդ տարեդարձն է։

Աստված հեռու պահի նման այլընտրանքից: Դրա համար են «լեզու առել» ՔՊ «ուսապարկերը»

🔸🔸🔸Հիմա ՔՊ-ն «ամենասևն» է
«… Դե դուք ո՞նց թողեցիք Վարդանիկը դարձավ քաղաքապետ, սիրելի ժողովուրդ, պետք չի մեղադրել մեզ, որովհետև եթե դուք չգնաք ընտրական տեղամաս ու չընտրեք «Քաղաքացիական պայմանագրին», չընտրեք ժողովրդավարությանը, Վարդանիկն էլ, Ռոբն էլ, Սերժն էլ և մյուսներն էլ կվերադառնան ու նորից կլինեն իշխանություն»,- ասել է ՔՊ փոխնախագահ Գևորգ Պապոյանը:
Այս մի նախադասության մեջ մի քանի մանիպուլյացիա և կեղծիք կա.
✔️Նախ, ՔՊ-ի «թողելուն» որևէ մեկը չէր նայում:
ՔՊ-ն Գյումրիի ընտրություններում թեև կանխատեսելիորեն առաջին հորիզոնականում էր, բայց խորհրդարանական մոդելի տրամաբանությամբ չէր հաղթել, որովհետև ավագանու 33 անդամներից 19-ը նրա հաղթանակը չէին ուզում: 19-ը 14-ից մեծ է, հետևաբար՝ ՔՊ-ն «բարեգործություն» չի արել՝ Գյումրիում իշխանություն չստանձնելով:
✔️ՔՊ-ն ժողովրդավարության հոմանիշը չէ ու դա կարելի է հաստատել հարյուրավոր օրինակներով:
✔️Բավ է հասարակությանն ահաբեկել, որ ՔՊ-ի միակ այլընտրանքը «նախկիններն» են: Էս բանաձևը գուցե աշխատել է 2021-ի համապետական ընտրություններում, հաջորդ տարի չի աշխատելու, առնվազն երկու պատճառներով՝ հաջորդ տարի ՔՊ-ին ձեռնոց են նետելու նաև ուժեր, որոնք ինստիտուցիոնալ կապ չունեն հին համակարգի հետ և երկրորդը՝ նույնիսկ «սև- սպիտակ» բաժանման մեջ հիմա ՔՊ-ն «ամենասևն» է՝ ավտորիտարիզմի, կոռուպցիայի, ազգային նսեմացման հետ իր ասոցիացիաներով:
Բաժանորդագրվեք ալիքին📱
https://t.me/SurSurenyants

✔️«Իլհամ Ալիևը տարածաշրջանի առաջնորդն է և նոր սկզբունքի ստեղծողը»,— գրել է Միխայիլ Սաակաշվիլին:
Սա այն մարդն է, ում իդեալներով ոգեշնչված՝ մեր պսևդոարևմտամետները Վրաստանի խորհրդարանական վերջին ընտրություններում սատարում էին այդ երկրի ընդդիմադիրներին:
Բաժանորդագրվեք📱
https://t.me/SurSurenyants

❗️❗️❗️Ալեն Սիմոնյանի չաշխատող տրամաբանությունը
Մի քանի ժամից Գյումրիի ավագանին քաղաքապետ է ընտրելու:
Հետընտրական Գյումրիի քաղաքական խճանկարն ինտրիգների մեծ դաշտ է բացում, սակայն չեմ կարծում, թե առաջին նիստում ինտրիգ է լինելու. քաղաքապետ, ըստ ամենայնի, կընտրվի Վարդան Ղուկասյանը:
Ինտրիգները հետո են սկսվելու՝ հաշվի առնելով այն հանգամանքը, որ Գյումրիում դասական կոալիցիա չի ձևավորվել ու նորընտիր քաղաքապետը ներկայացնելու է ավագանու ոչ թե մեծամասնությունը, այլ փոքրամասնությունը:
Սրանով հանդերձ, երեկ մի տարօրինակ հայտարարություն է արել Ալեն Սիմոնյանը:
«Տրամաբանական է, որ այն ուժը, որն ամենաշատ ձայներն է հավաքել, նաև քաղաքապետ ընտրի»,- ասել է նա:
Սիմոնյանը, թերևս, մոռացել է, որ Հայաստանում՝ առհասարակ, իսկ ՏԻՄ-երում՝ մասնավորապես, գործում է կառավարման խորհրդարանական մոդելը:
Այդ մոդելում՝ եթե որևէ կուսակցություն կամ դաշինք չի ստացել 50%+1, ապա «ամենաշատ ձայներ» ձևակերպումը դառնում է հարաբերական:
Խորհրդարանը կամ ավագանին վարչապետ կամ համայնքապետ ընտրում է այն թեկնածուին, ով ավել շատ կոնսոլիդացիոն ռեսուրս ունի, այլ խոսքով՝ կարողացել է ստանալ ներկայացուցչական մարմնի անդամների կեսից ավելիի աջակցությունը:
Հիմա այնպես է ստացվել, որ Գյումրիի ավագանու հինգ խմբակցություններից չորսը համախմբվել են ոչ թե «ձեր Սարիկի», այլ Գյումրիի Վարդանիկի շուրջ:
Բաժանորդագրվեք📱
https://t.me/SurSurenyants