Author: Suren Surenyants

Նարեկ Սամսոնյանի և Վազգեն Սաղաթելյանի դեմ քրեական գործով հանրային մեղադրողը միջնորդություն է ներկայացրել դատարան՝ Նարեկի և Վազգենի նկատմամբ կիրառված «վարչական հսկողություն» խափանման միջոցը փոխելու և 3 ամիս ժամկետով կալանք կիրառելու պահանջով։ Միջնորդության փաստական հիմքն այն է, որ ըստ դատախազի՝ Նարեկն ու Վազգենը խախտել են վարչական հսկողության պայմանները։
Մի քանի անգամ հրապարակավ ասել եմ, որ եթե «կուլ տանք» այն անարգանքը, որ տեղի ունեցավ մայիսի 28-ին, երբ ոստիկանները փորձում էին արգելել Վեհափառի մուտքը Սարդարապատի համալիր, Հայաստանում հաստատվելու է Փաշինյանի բացարձակ դիկտատուրա:
Նարեկի և Վազգենի պատմությունը դրա մասին է: Էս ամեն ինչը սրանով չի ավարտվելու, եթե հանդուրժենք տղերքի կրկնակի կալանավորումը:

Հենց Փաշինյանի իշխանության օրոք արդարացվեցին Ռոբերտ Քոչարյանն ու Սերժ Սարգսյանը:Media Post Factum-ի անդրադարձը:
https://youtu.be/Qau8NTyrxh0?si=iK9wURzKXQtyWfc_

«Դեմոկրատական այլընտրանք» կուսակցության և «Ռեալիստների» դաշինքի կազմակերպած քննարկումը:
https://www.youtube.com/live/1znXsi5Qz1s?si=zPUE5oL0ZY0ckEnl

‼️ Քննարկում՝ Բագրատ Սրբազանի մասնակցությամբ
Սիրելի ընկերներ,, այսօր, չորեքշաբթի օրը, ժամը 18:30-ին, «Դեմոկրատական այլընտրանք» կուսակցությունը և «Ռեալիստների» դաշինքը ձեզ հրավիրում են «Օպերա Սուիթ» հյուրանոցի «Մոցարտ» սրահ, հանրային քննարկման՝ «Սրբազան պայքար. Փաշինյանի հեռացման ճանապարհը» թեմայով: Հանրային քննարկմանը ներկա է լինելու Սրբազան պայքարի առաջնորդ Բագրատ արքեպիսկոպոս Սրբազանը:
Մուտքն ազատ է:

‼️‼️ Երբ իշխանությունն իր քարոզչամեքենայով Բագրատ Սրբազանին սպառնում է քրեական հետապնդմամբ, դա անհեռանկար ճանապարհ է:
Դա քաղաքական լուծում չէ՝ ռեպրեսիաների միջոցով իշխանությունը պահելու անհեռանկար ճանապարհ է:
Իշխանությունը պարտավոր է վերանալ Բագրատ Սրբազանի անձից ու անկեղծորեն խոստովանել, որ երկրում առկա է վստահության ճգնաժամ:
Այդ պարագայում քաղաքական լուծումները երկուսն են՝ Փաշինյանի հրաժարական կամ արտահերթ ընտրությունների նշանակում:
https://t.me/bagramyan26/61286

‼️‼️ Հետաքրքիր իրադարձություններ են տեղի ունենում նաև հարևան Վրաստանում
Վարչապետ Իլյա Կոբախիձեն Անկախության օրվա առթիվ ասել է, որ մինչև 2030թ-ը կվերականգնվի Վրաստանի տարածքային ամբողջականությունը և իրենք «աբխազ ու օսեթ եղբայրների և քույրերի հետ կլինեն եվրոպական ընտանիքի լիարժեք անդամ»:
Արդյո՞ք սա ազգային կամ վրացական երազանք է, թե՞ հայտարարություն՝ հիմնված ռազմավարական պայմանավորվածությունների, այդ թվում՝ Ռուսաստանի հետ պայմանավորվածությունների վրա:
Վերջին շրջանում աբխազական և օսեթական էլիտաններում կա որոշակի լարվածություն, անորոշություն, որոնց պատճառը նույնպես ռուս- վրացական հնարավոր պայմանավորվածություններն են:
Մյուս կողմից, Ռուսաստանը պատճառ չունի հրաժարվել իր «հաղթաթղթերից», եթե Թբիլիսիից կոնկրետ երաշխիքներ չստանա: Վրաստանն այս պահին, ներքին և արտաքին քաղաքական պատճառներով, նման երաշխիքներ տալ դեռ չի կարող:

⚡️Շրջադարձային հանրահավաք
Եվ այսպես, չնայած հորդառատ անձրևին ու Լոռիի և Տավուշի մարզի բնական աղետին՝ ժամը 16-ին Հանրապետության հրապարակում նշանակված հանրահավաքը կայանալու է:
Այն շրջադարձային հանրահավաք է և ահա, թե ինչո՞ւ.
🔸Նիկոլ Փաշինյանը անցած չորեքշաբթի ԱԺ ամբիոնից պատերազմ հայտարարեց Եկեղեցուն՝ ասելով, թե նրա «հարցերը կլուծի 1-2 ամսում:
🔸Մայր Աթոռը մեկ օր անց համարժեք պատասխան տվեց՝ հասկացնելով, որ պատրաստ է դիմադրության:
🔸Ուրբաթ օրը Փաշինյանը ուղերձով դիմեց ժողովրդին՝ հասկացնելով, որ չի պատրաստվում հրաժարական տալ ու վերանայել իր քաղաքականությունը:
🔸Շաբաթ օրը Բագրատ Սրբազանն, ըստ էության, պատասխանեց Փաշինյանին՝ ասելով, թե նրա «քաղաքական կյանքի օրերը հաշված են»
🔸Ահա, այսպիսի կոշտ դիմակայության պայմաններում է տեղի ունենում այսօրվա հանրահավաքը, որը նոր իրավիճակ է ստեղծելու երկրում: Առնվազն այն պատճառով, որ Բագրատ Սրբազանը հայտարարվելու է՝ որպես վարչապետի միասնական թեկնածու:
🔸Մեր հայրենակիցների մի ստվար զանգված սպասում է կայծակնային լուծումների: Ես նման իրավիճակ չեմ կանխատեսում, բայց վստահ եմ, որ եթե Սրբազանին հաջողվի երկիշխանության տեսանելի ինստիտուտներ ու միջավայր ստեղծել, այս տարվա ընթացքում Փաշինյանի հեռացումն ու ԱԺ արտահերթ ընտրություններն անխուսափելի են:

‼️‼️ Փաշինյանը հարցազրույց է տալիս «Ազատություն» ռադիոկայանին և ասում է՝ խաղաղության պայմանագրի շուրջ որոշակի խնդիրներ կան: Խոսքն այն մասին է, որ Բաքուն հրաժարվում է այդ պայմանագրում հղում կատարել Ալմա-Աթայի հռչակագրին: Նույն Փաշինյանը «մեծ հաջողություն» է համարում դելիմիտացիա/դեմարկացիան Տավուշի հատվածում՝ հենց այն պատճառով, որ դրա հիմքում եղել է Ալմա-Աթայի հռչակագիրը: Ինքնին հասկանալի է, որ Փաշինյանի ասած «մեծ հաջողությունը» բուտաֆորիա է, որովհետև եթե Բաքուն պնդի, որ Խաղաղության պայմանագրում Ալմա-Աթայի հռչակագրին հղում չի լինելու(ցավոք այդպես է լինելու), ապա մյուս սահմանահատվածներում Ադրբեջանը առաջ է քաշելու մտացածին այլ հիմքեր՝ Հայաստանին նոր զիջումներ պարտադրելու նպատակով:

‼️‼️Սիրելի ընկերներ, քանի որ Media Post Factum-ի այսօրվա թողարկումը և Media Post Factum-ի վաղվա հավելվածը տեսագրվել են այսօր ավելի վաղ, քան տեղեկացանք, որ ժամը 21-ին հեռարձակվելու է Փաշինյանի ուղերձը, փոխել ենք թողարկումների ռեժիմը:
Եվ այսպես.
● Media Post Factum-ի այսօրվա թողարկումը կհեռարձակվի այսօր, ժամը 20-ին, իսկ Media Post Factum-ի հավելվածը՝ այսօր, ժամը 20:20-ին

‼️‼️ Փաշինյանի հետ ասոցացումը հայաստանցիների աչքերում միայն վարկաբեկելու է Արևմուտքը
«Վարչապետ Փաշինյանը արտակարգ աշխատանք է արել՝ առաջնորդելով իր երկիրը շատ դժվար ժամանակներում»,- ասել է ԱՄՆ պետքարտուղար Էնթոնի Բլինքենը:
Այն, որ հայ-ադրբեջանական այսօրվա դելիմիտացիա/դեմարկացիայի գործընթացի գլխավոր «կնքահայրը» Վաշինգտոնն է, ասել եմ բազմաթիվ անգամներ:
Բայց Բլինքենի նոր հայտարարությունը հնչում է մի շրջանում, երբ Հայաստանում թափ է առնում Փաշինյանի դեմ շարժումը, իսկ իշխանությունը այն փորձում է լռեցնել ռեպրեսիաների և տեղեկատվական տեռորի միջոցով:
Երբ այս համատեքստում Բլինքենը Փաշինյանին «լավ տղա» է անվանում, ապա ԱՄՆ-ն ու Արևմուտքը պետք է պատրաստ լինեն մոտ ապագայում բախվել Հայաստանի հասարակության ոչ բարենպաստ տրամադրությունների հետ:
Երկար տարիներ ռուսական էլիտաները նույնպես գերադասել են աշխատել միայն Հայաստանի իշխանության հետ, հաճախ՝ ի հեճուկս հանրային տրամադրությունների ու այսօր քաղում են դրա հետևանքները:
Արևմուտքն այսօր գնում է նույն ճանապարհով՝ պաշտպանության տակ վերցնելով հայաստանյան «ֆյուրերիկին»:
Այս պարագայում, հետևանքներն ավելի խորքային են լինելու, որովհետև արևմտյան ցինիզմը փաթեթավորվում է ժողովրդավարության մասին հեքիաթներով:
Այս ամենի արդյունքը կանխատեսելի է՝ արևմտյան նեոլիբերալ շահախմբերի քաղաքականության հետևանքն ամենևին էլ չի լինելու Հայաստանի ինտեգրումը ԵՄ-ին կամ արևմտյան աշխարհին: Ճիշտ հակառակը՝ Փաշինյանի հետ ասոցացումը հայաստանցիների աչքերում միայն վարկաբեկելու է Արևմուտքը:
Հենց բլինքենների ու միշելների պատճառով…