▪️«Ժողովուրդ». ՔՊ-ում որքան պայքարում են արտահոսքերի դեմ, դրանք, միևնույնն է, շարունակվում են: ArmLur.am-ի տեղեկություններով՝ Երևանի փոխքաղաքապետ Արմեն Փամբուխչյանը թիմում լուրջ խնդիրներ ունի, եւ նրա «հարցը դրվել է» ՔՊ վարչության նիստերից մեկում, որին մասնակցել է նաև Անդրանիկ Քոչարյանը:
▪️«Ժողովուրդ»․ ՔՊ-ականները բարոյապես ոչնչացնում ու խայտառակում են Նիկոլ Փաշինյանի հրահանգը չկատարած, իրենց նախկին թիմակից Հովիկ Աղազարյանին: Թերթի տեղեկություններով՝ ՔՊ-ականները Հովիկ Աղազարյանի անձնական նամակագրությունը հանել են քննիչի վերցրած հեռախոսից, տպել են «Ֆեյսբուք»-ի messenger-ի ՍՄՍ-ները:
▪️«Փաստ»․ Քաղաքական կոնտեքստով ճնշումները շարունակվում են։ Նախորդ համարում թերթը տեղեկացրել էր, որ փոխգնդապետ Նաիրա Գևորգյանին թույլ չեն տվել մտնել Կենտրոնական զինվորական հոսպիտալ, քանի որ հրաման ունեն: Տեղեկությունը հաստատել էր Գևորգյանը՝ նշելով, որ, իր կարծիքով, պատճառն իր քաղաքական հայացքներն են․ նա «Համահայկական ճակատ» շարժման անդամ է:
▪️«Հրապարակ»․ Եվրամիության դիտորդական առաքելության անդամների 13-14 հոգուց կազմված մի խումբ, մշտապես տեղակայված է Ջերմուկում: Նրանք` վարորդների, օգնականների հետ, հանգրվանել են Ջերմուկի 3-աստղանի «Անի» հյուրատանը, այն ամբողջությամբ փակել` միայն իրենք են բնակվում, այլևս դրսից հյուրեր չեն ընդունում: Ջերմուկցիները պատմել են, որ դիտորդները գրեթե ամեն օր շրջում են մարզում` մեկնում են սահման, սահմանից մի քանի կիլոմետր այս կողմից հետևում են իրավիճակին:
▪️«Իրավունք»․ Ղրղզստանում «Արարատ» հայկական համայնքի նախկին նախագահ, կառավարության պետական մրցնակի դափնեկիր Եվգենի Հակոբյանին մերժել են Հայաստանի քաղաքացիություն տրամադրել։ Եվգենի Հակոբյանի ենթադրությամբ՝ հնարավոր պատճառն այն է, որ մայրը կիսով չափ հայ է, հայրը՝ զտարյուն հայ է։ Հակոբյանն անգամ ԴՆԹ թեստ է հանձնել Մոսկվայում, որը փաստել է նրա 100 տոկոսով հայ լինելը։
🔈Լսեք՝ ինչ են գրում թերթերը։♥️@RadioSputnikArm |
LIVE 106.0FM |
vk |
dzen