Author: Telegram

Եվրախորհրդարանի պատգամավոր, Եվրախորհրդարանում Հայաստանի հարցերով զեկուցող Միրիամ Լեքսմանը հայտարարել է, որ Հայաստանի և Եվրամիության հարաբերություններն ամրապնդելու պատմական հնարավորություն կա։
«Արմենպրես»-ի փոխանցմամբ՝ Լեքսմանն այս մասին գրել է X-ի իր միկրոբլոգում՝ անդրադառնալով Եվրախորհրդարանի ընդունած բանաձևին Հայաստանի ժողովրդավարական դիմակայունությանն աջակցելու վերաբերյալ։
«Մենք պատմական հնարավորություն ունենք ամրապնդել Հայաստանի և Եվրամիության հարաբերությունները, խթանել բարեփոխումները և աջակցել տարածաշրջանային խաղաղությանը։ Սա կարևորագույն պահ է, որը պահանջում է Եվրամիության աջակցությունն ու հանձնառությունը՝ խոսքով և կոնկրետ գործերով»,- գրել է Լեքսմանը։