Author: Telegram

Իշխան Սաղաթելյանի նկատմամբ քրեական վարույթ է նախաձեռնվել՝ հայտարարագիր չներկայացնելու և արգելանքի տակ գտնվող գույքի մասով
Քննչական կոմիտեն հաղորդում է, որ Հարկադիր կատարումն ապահովող ծառայությունից ստացված հաղորդման համաձայն՝ ՀՀ հակակոռուպցիոն դատարանի կողմից 2026 թվականի հունվարի 5-ին տրված կատարողական թերթով արգելվել է Ի.Ս.-ին (Իշխան Սաղաթելյանին — խմբ․) և նրա կնոջը՝ իրենց պատկանող գույքերի տնօրինման հետ կապված որևէ գործողություն կատարել:

«Բացի այդ, դատարանի որոշմամբ 258 մլն 146 հզր 843 ՀՀ դրամի չափով պետք է արգելանք դնել Ի.Ս.-ին և Լ.Խ.-ին (Լիանա Խաչատրյանին — խմբ․) սեփականության իրավունքով պատկանող գույքերի վրա:
2026 թվականի հունիսի 23-ին Ի.Ս.-ի բնակության վայրում, նրա կնոջը սեփականության իրավունքով պատկանող երկու տրանսպորտային միջոցներում կատարվել է խուզարկություն, որի ընթացքում հայտնաբերվել են արտարժույթի տեսքով դրամական միջոցներ և ոսկյա զարդեր:
Նախաքննությունը շարունակվում է»

,- նշվում է հաղորդագրության մեջ: