Author: Telegram

«ԱՄՆ-ի ու Իրանի միջև ռազմական սցենարի հավանականությունն այսօր ավելի բարձր է, քան լիարժեք պայմանավորվածության հասնելու հավանականությունը»։

«Աբովյան Time» պոդկաստի հեղինակ Արման Աբովյանի զրուցակիցը APRI Armenia վերլուծական կենտրոնի գիտաշխատող, պատմական գիտությունների թեկնածու Սերգեյ Մելքոնյանն է։

«Բանակցային գործընթացը շարունակվում է, և ընդհանուր ֆոնն առայժմ կառուցվում է զգուշավոր դրական սպասումների վրա։ Վերջին օրերին նաև տեղեկություններ են շրջանառվում այն մասին, որ Իրանում քննարկվում է երկրի բնական պաշարների շուրջ հնարավոր պայմանավորվածությունների հարցը։ Խոսքը ոչ թե ուրանի հարստացման, այլ նավթի, գազի և հազվագյուտ հողային մետաղների մասին է։ Ըստ այդ տեղեկությունների՝ Իրանը կարող է որոշ պաշարների շահագործման բացառիկ իրավունքներ տրամադրել ամերիկյան ընկերություններին։ Այս տրամաբանությամբ, իրանական կողմը փորձում է տնտեսական շահագրգռվածություն ստեղծել Թրամփի համար՝ հաշվի առնելով, որ նման պայմանավորվածությունները կարող են ապահովել հարյուրավոր միլիարդների տնտեսական շահ։ Սակայն դեռ պարզ չէ, թե որքան արդյունավետ կարող է լինել այս մոտեցումը, քանի որ զուգահեռաբար նկատվում են բոլորովին այլ միտումներ»։

🎦զրույցն ամբողջությամբ
♥️@RadioSputnikArm | 🔴🔴 106.0FM