ԱՄՆ փոխնախագահ Ջեյ Դի Վենսը չի մեկնի Շվեյցարիա, ինչպես ավելի վաղ էր նախատեսվել, Իրանի հետ փոխըմբռնման հուշագրի ստորագրման համար, հայտնել է Սպիտակ տան ներկայացուցիչը։
«Այս պահին փոխնախագահը այսօր երեկոյան չի մեկնում։ Մենք ձեզ կտեղեկացնենք, հենց որ ունենանք հաջորդ քայլի վերաբերյալ հստակ տեղեկություն»,- ասվում է Սպիտակ տան ներկայացուցչի հայտարարության մեջ։
Նախագահի վարչակազմում հավելել են. «Մենք անհամբեր սպասում ենք հնարավորինս շուտ տեխնիկական բանակցությունների մեկնարկին»։
Միաժամանակ նշվում է, որ առաջիկա տեխնիկական բանակցությունների ծրագրերը դեռևս համաձայնեցված չեն, և ԱՄՆ պատվիրակությունը պատրաստ է մեկնել առաջին իսկ հնարավորության դեպքում։
«Սակայն այդ բանակցությունների լոգիստիկան երբեք էլ պարզ կամ կանխատեսելի չի եղել»,- նշվում է հայտարարության մեջ։