Category: 1in.am

Էրդողանը հիշեցնում է և Ալիևին համարում երախտամոռ

🇦🇲🇦🇲🇦🇲Թուրքիայի նախագահ Էրդողանը Նովրուզի մեկնարկի կապակցությամբ իր ունեցած ելույթում դարձյալ հիշել է, որ Թուրքիան օգնել է Ադրբեջանին «ազատագրել Ղարաբաղը»: Էրդողանը, խոսելով Արցախի օկուպացիայի մասին, հայտարարել է, թե «Ղարաբաղի ազատագրմամբ» նոր դարաշրջան են բացել:
Էրդողանի այս հայտարարությունները հերթական անգամ հնչում են այն դժգոհության ֆոնին, որ Ադրբեջանն իր պրոպագանդայի միջոցներով հայտնում է հայ-թուրքական սահմանը մարտի 21-31-ը բացելու մասին հայ-թուրքական համաձայնության առնչությամբ: Ադրբեջանի պրոպագանդան, ինչպես արդեն իսկ անդրադարձել եմ, արդեն երկու օր շարունակ անթաքույց մեղադրանքներ է հնչեցնում Թուրքիայի հասցեին, «դավաճանության» իմաստ պարունակող թափանցիկ տողատակերով:
Կարդալ ավելին 👈

🇺🇦🇺🇦🇺🇦Ուկրաինայի նախագահ Վլադիմիր Զելենսկին հայտարարել է, որ Կիևն ի սկզբանե կողմ է եղել Ռուսաստանի հետ պատերազմի անհապաղ դադարեցմանը՝ առանց որևէ նախապայմանների, սակայն ակնկալում է տեսնել նաև գործնական քայլեր։ Այս մասին նա հայտարարել է մամուլի ասուլիսի ժամանակ։
«Դա շատ ավելի արագ ճանապարհ է, քան անվերջ տեխնիկական բանակցությունները։ Բայց մենք դեմ չենք որևէ ձևաչափի, որը մեզ կմոտեցնի խաղաղության»,- ընդգծել է Ուկրաինայի նախագահը։
Կարդալ ավելին 👈

🇺🇸🇺🇸🇺🇸ԱՄՆ նախագահ Դոնալդ Թրամփը հայտարարել է, որ Ուկրաինայում տեղի ունեցող ռազմական գործողությունների գոտում տարածքների բաժանման և լիակատար հրադադարի շուրջ բանակցությունները ընթանում են «հենց հիմա»։ Այդ մասին նա ասել է լրագրողներին Սպիտակ տան Օվալաձև գրասենյակում։ Թրամփի ելույթը հեռարձակել է Fox News-ը։
«Կարծում եմ՝ շատ շուտով կհասնենք լիակատար հրադադարի, որից հետո կլինի համաձայնագիր։ Այդ հարցը հիմա է քննարկվում՝ խոսքը տարածքների բաժանման և այլնի մասին է»,-նշել է ԱՄՆ նախագահը։
Կարդալ ավելին 👈

🇺🇸🇺🇸🇺🇸ԱՄՆ նախկին նախագահ Ջո Բայդենը պատրաստակամություն է հայտնել աջակցել Դեմոկրատական կուսակցությանը՝ ֆինանսական միջոցներ հավաքագրելով, մասնակցելով քարոզարշավներին և ձեռնարկելով անհրաժեշտ բոլոր քայլերը, որոնք կօգնեն կուսակցությանը վերականգնել վերջին շրջանում կորցրած դիրքերը։ Այս մասին հայտնում է NBC News-ը՝ հղում անելով Բայդենին մոտ կանգնած աղբյուրներին։
Բայդենը վերջին ամիսներին հանդիպել է Դեմոկրատական ազգային կոմիտեի նորանշանակ նախագահ Քեն Մարտինի հետ՝ առաջարկելով իր աջակցությունը այն ժամանակ, երբ կուսակցությունը փորձում է վերականգնել իր կենսունակությունը՝ հանրային կարծիքի հարցումների անկման ֆոնին։
Կարդալ ավելին 👈

🇺🇸🇺🇸🇺🇸Ամերիկյան Boeing ավիատիեզերական ընկերությունը ստանձնել է ԱՄՆ ռազմաօդային ուժերի համար վեցերորդ սերնդի կործանիչի մշակման աշխատանքները՝ Next-Generation Air Dominance (NGAD) ծրագրի շրջանակում։ Այս մասին հայտարարել է ԱՄՆ նախագահ Դոնալդ Թրամփը։
«ԱՄՆ ռազմաօդային ուժերը մեկնարկում են վեցերորդ սերնդի կործանիչների մշակման ծրագիրը։ Դա կլինի F-47։ Այն արդեն գաղտնի փորձարկվում է, և մենք վստահ ենք, որ այն գերազանցում է աշխարհի ցանկացած ինքնաթիռ։ Նրա մանևրությունը, արագությունը, սպառազինությունը և ծածուկ հնարավորությունները աննախադեպ են»,-նշել է Թրամփը։

Իլհամ Ալիևը կկանգնի՞ նույն «փոցխին»

🇦🇲🇦🇲🇦🇲Ոչ մեծ խելք, ոչ էլ մի արտակարգ տեղեկացվածություն է պետք, որպեսզի հասկացվի, որ Ռուսաստանը ձգտում է Մոսկվան դարձնել հայ-ադրբեջանական պայմանագրի ստորագրման հարթակ: Իսկ ահա երևակայել, որ Իլհամ Ալիևը մտադիր է Նիկոլ Փաշինյանին «բերման ենթարկել» Բաքու և պարտադրել, որ ստորացուցիչ փաստաթուղթ ստորագրի, իրեն, երևի, միայն հայ քաղաքագետը թույլ կտա, ում մեջբերում է ադրբեջանական իշխանամերձ լրատվամիջոցը:
Բավական առատ մեջբերումներ անելով հայ քաղաքագետից՝ ադրբեջանական լրատվամիջոցը «շունչ է առնում» և հարցնում՝ բայց Ռուսաստանը շահագրգռվա՞ծ է հայ-ադրբեջանական պայմանագրի ստորագրմամբ, այսինքն՝ Հարավային Կովկասում խաղաղության հաստատմամբ և տալիս բացասական պատասխան:
Կարդալ ավելին 👈