Category: 1in.am

🇦🇲🇦🇲🇦🇲Երևանի քաղաքապետարանից հայտնում են.
«Հարգելի՛ վարորդներ,
«Երևանի ավտոբուս» ընկերությունն աշխատանքի է հրավիրում D կարգի վարորդական իրավունքի վկայական և աշխատանքային փորձ ունեցող վարորդների:
Կարդալ ավելին 👈

🇹🇷🇹🇷🇹🇷Ստամբուլում կեղծ ալկոհոլից թունավորման հետևանքով մահերի թիվը հասել է 19-ի․ հայտնում է TRT haber հեռուստաալիքը։
Նշվում է, որ վերջին 72 ժամվա ընթացքում բուժօգնության է դիմել 46 մարդ։ Նրանցից 3-ը դուրս են գրվել հիվանդանոցից, իսկ 43 հիվանդի բուժումը շարունակվում է։
Կարդալ ավելին 👈

🇮🇷🇮🇷🇮🇷Իրանի նախագահ Մասուդ Փեզեշքիանը NBC-ի հետ հարցազրույցում հայտարարել է, որ իր երկիրը սկզբունքորեն դեմ չէ Թրամփի վարչակազմի հետ բանակցություններին, բայց խնդիրը ոչ թե բանակցություններն են, այլ դրանց արդյունքում ստանձնած պարտավորությունների կատարումը: Մինչդեռ Միացյալ Նահանգները դա չի արել ու հետամուտ է եղել Իրանի վարչակարգի տապալմանը։
Փեզեշքիանը նաև շեշտել է, որ Իրանը պատերազմից չի վախենում, բայց պատերազմ էլ չի ցանկանում։ Նրա խոսքով՝ եթե երկրի միջուկային օբյեկտների դեմ գործողություն իրականացվի, Իրանը կպաշտպանի իրեն։
Կարդալ ավելին 👈

Հնդկաստանում ռազմական շքերթի ժամանակ ցուցադրվել են ռոբոտ շներ։
📌Ռոբոտները կարող են կրել զենք, տեսախցիկներ, ԱԹՍ-ներ։

ՀՀ ԱԳՆ հայտարարությունը Բաքվում տեղի ունեցած ջարդերի 35-րդ տարելիցի կապակցությամբ․
«Այս օրերին հիշատակվում է Բաքվում հայերի ջարդերի, էթնիկ զտումների և զանգվածային տեղահանությունների 35-րդ տարելիցը։ Մեկ շաբաթվա ընթացքում, ադրբեջանական կազմակերպված խմբերը լիակատար անպատժելիության միջավայրում և ադրբեջանական իշխանությունների թողտվությամբ ու աջակցությամբ, ինչպես նաև խորհրդային իշխանությունների լիակատար անգործության պայմաններում հայերի նկատմամբ իրականացրին զազրելի ոճրագործություններ:
Հարգանքի տուրք մատուցելով Բաքվի ջարդերի զոհերի հիշատակին և վերապրածներին՝ Հայաստանը խորապես հավատում է, որ Հարավային Կովկասում կայուն խաղաղությունը միայն կարող է կանխել ապագայում մարդկության դեմ այսպիսի ոճրագործությունների կրկնությունը»:

Էրդողանը ձգտում է երրորդ ժամկետով պաշտոնավարման. Թուրքիան կհաղթահարի՞ այդ բեռը

🇦🇲🇦🇲🇦🇲Թուրքիայի նախագահ Ռեջեփ Թայիփ Էրդողանը հունվարի 15-ին Ազգային մեծ ժողովում հանդիպել է իշխող «Արդարություն և զարգացում» խմբակցության պատգամավարների հետ և անդրադարձել հիմնականում երկու հարցի՝ Սիրիայում իրավիճակին, ինչպես նաև Քրդական բանվորական կուսակցության հետ քաղաքական քննարկումներին:
Էրդողանը սուր քննադատության է ենթարկել ընդդիմադիր Ժողովրդա-հանրապետական կուսակցությանը, որ, նրա արտահայտությամբ՝ «քնած էր», երբ Թուրքիայի իշխող քաղաքական ուժն «արդեն Սիրիայում էր»: «Մենք կարող ենք նրանց (ընդդիմությանը) տալ Սիրիա ներկայանալու քարտեզ, որպեսզի առաջնորդվեն, բայց մենք չէինք կարող թույլ տալ, որ Սիրիայում հաղթեն իմպերիալիստները»: Նա Սիրիայում Թուրքիայի ներկայությունը «միանգամայն բնական և օրինաչափ» է գնահատել:
Կարդալ ավելին 👈

IFC-ի խոշոր գործարքը ՀՀ ֆինանսական հաստատության հետ․ Ամերիաբանկը ներգրավել է 200 միլիոն դոլարի վարկ
Ամերիաբանկը 200 մլն ԱՄՆ դոլարի երկարաժամկետ վարկային պայմանագիր է ստորագրել Միջազգային ֆինանսական կորպորացիայի (IFC) հետ՝ կլիմայական ֆինանսավորման նախաձեռնություններին, միկրո, փոքր և միջին ձեռնարկություններին (ՄՓՄՁ) և կանանց պատկանող ՓՄՁ-ներին աջակցելու նպատակով: Կնքված համաձայնագիրը, որը IFC-ի և Հայաստանում գործող ֆինանսական հաստատության միջև երբևէ ստորագրված ամենախոշոր գործարքն է, նշանակալի իրադարձություն է Հայաստանում կանաչ տնտեսության անցման, կլիմայի փոփոխությունների հետևանքների նկատմամբ դիմադրողականության բարձրացման և կլիմայի առնչությամբ ազգային և միջազգային նպատակներին համապատասխան գործելու տեսանկյունից: Ներգրավված միջոցների կեսը հատկացվելու է կլիմայական ֆինանսավորման նախագծերին, մեկ քառորդը` ՄՓՄՁ-ներին, ևս մեկ քառորդ` կանանց կողմից ղեկավարվող ՓՄՁ-ներին:
Կարդալ ավելին 👈

Փաշինյանի փորձում է հարթել ծայրահեղությունները

🇦🇲🇦🇲🇦🇲Նիկոլ Փաշինյանը Վաշինգտոնում հայ-ամերիկյան փաստաթղթի ստորագրումից հետո ֆեյսբուքյան գրառումով խոսել է Հայաստանի՝ «բալանսավորման և բալանսավորված» արտաքին քաղաքականության նոր հանգրվանի մասին: Հայ-ամերիկյան փաստաթուղթը Հայաստանում դարձել է առավելապես զգայական տարբեր ծայրահեղություններով «ընկալման» նոր հանգրվան: Նիկոլ Փաշինյանը իր արձագանքով փորձում է բալանսավորե՞լ հանրային արձագանքները, թե՞ հնարավոր արտաքին քաղաքական արձագանքները: Թեև բացառված չէ, որ նրա անդրադարձը «դասական նախընտրական» տեքստ է, որը կարող է իքս ժամանակ անց տեղ գտնել Նիկոլ Փաշինյանի նախընտրական ծրագրում:
Բոլոր դեպքերում, որպես Հայաստանի պետական քաղաքականության սկզբունք, Փաշինյանի մատնանշումը անշուշտ օպտիմալ է, ռացիոնալ, համաչափ այն իրողություններին, որ գոյություն ունեն այսօր ռեգիոնում և աշխարհում ընդհանրապես: Հայաստանի համար, անկասկած, հիմնարար նշանակության հարց է հնարավորինս բալանսավորված միջավայրի ձևավորումը, որպես անվտանգության համակարգերի փլուզվածության պատմական…
Կարդալ ավելին 👈