Category: Aravot

🔵Սրբազան բառերի միստիկան

Բուլղարիայի Բուրգաս քաղաքում անցկացված «Սրբազան բառ» միջազգային գրական փառատոնը միավորել է տարբեր երկրների գրողներին՝ պոեզիան ներկայացնելով որպես մշակութային և հոգևոր կապերի միջնորդ։
Փառատոնը, որը նշում էր իր 20-ամյակը, ներառել է գրական ընթերցումներ, թարգմանություններ և այցելություններ պատմամշակութային վայրեր՝ ստեղծելով բազմալեզու ստեղծագործական միջավայր։
aravot.am | @aravot

🔵 Մեր առջեւ կանգնած խնդիրը շատ ավելի մեծ է, քան ընտրությունների արդյունքները. Արթուր Միքայելյան
«Ուժեղ Հայաստան» կուսակցության անդամ Արթուր Միքայելյանը հայտարարել է, որ Հայաստանի առջև կանգնած հիմնական խնդիրը միայն ընտրությունների արդյունքները չեն, այլ երկրի ապագայի և ազգային շահերի պաշտպանությունը։
Նրա խոսքով՝ փոփոխություններ անպայման լինելու են, սակայն դրանք հնարավոր են միայն քաղաքացիների մասնակցության, վճռականության և պատասխանատվության շնորհիվ։
aravot.am | @aravot

🔵 Հովիկ Աղազարյան․ «Փաշինյանը հրահրում է՝ դուրս գան փողոց, բոլորին նկարի, դրանց հերն էլ անիծի»

ԱԺ պատգամավոր Հովիկ Աղազարյանի խոսքով՝ ԿԸՀ-ի թույլ տված խախտումները կարող են կասկածի տակ դնել ընտրությունների լեգիտիմությունը, իսկ ստեղծված իրավիճակում նույնիսկ նոր ընտրությունների անցկացումը պետք է քննարկվի։
Նա նաև նշել է, որ այսօր փողոցային շարժում գեներացնելը դժվար է, իսկ ընդդիմության հաջողության հիմնական նախապայմանը քաղաքական ուժերի համախմբումն է։
aravot.am | @aravot

🔵 Ոստիկաններին չի հաջողվել բերման ենթարկել Սեյրան Օհանյանին. նա ստացիոնար բուժում է անցնում

Հակակոռուպցիոն դատարանը արձանագրել է, որ ոստիկանությունը չի կարողացել բերման ենթարկել ՊՆ նախկին նախարար Սեյրան Օհանյանին՝ Ռոբերտ Քոչարյանի և մյուսների գործով նշանակված նիստին ներկայանալու համար։
Դատարանում ներկայացված բժշկական փաստաթղթերի համաձայն՝ Օհանյանը ստացիոնար բուժում է անցնում, ինչի պատճառով նրա բացակայությունը համարվել է հարգելի։
aravot.am | @aravot

🔵 Դատարանը վարույթ չի ընդունել «Միասնության թևեր»-ի հայցը
Վարչական դատարանը մերժել է Արման Թաթոյանի ղեկավարած «Միասնության թևեր» կուսակցության հայցադիմումը՝ ընդդեմ ԿԸՀ-ի՝ ընտրությունների արդյունքների վերաբերյալ որոշումը անվավեր ճանաչելու պահանջով։
Դատարանի հիմնավորմամբ՝ ընտրությունների արդյունքների ամփոփման իրավաչափության ստուգումը վերապահված է Սահմանադրական դատարանին, ուստի գործը չի կարող քննվել վարչական դատարանում։
aravot.am | @aravot

🔵 «Կան առողջ քննարկումներ, որոնց արդյունքներն առաջիկայում կդրսևորվեն»

ԱԺ ճեպազրույցների ժամանակ Քրիստինե Վարդանյանը հայտարարել է, որ ընդդիմության ներսում ընթանում են համագործակցության շուրջ «առողջ քննարկումներ», որոնց արդյունքները մոտ ապագայում կդրսևորվեն։
Նա նշել է, որ ընդդիմությունը բաց է տարբեր ձևաչափերով համագործակցության համար և դա դիտարկում է որպես քաղաքական փոփոխությունների հասնելու ճանապարհ։
aravot.am | @aravot

🔵 «Ուժեղ Հայաստան»-ի պատգամավորի թեկնածու Աշոտ Եղիազարյանը կալանավորվել է՝ ընտրակաշառքի գործով
Քննչական կոմիտեի տվյալներով՝ Արտաշատ համայնքում 100-ից ավելի ընտրողների ընտրակաշառք տալու դեպքերի շրջանակում կալանավորվել է «Ուժեղ Հայաստան» դաշինքի պատգամավորի թեկնածու Ա. Եղիազարյանը։
Ըստ ՔԿ-ի՝ նրան մեղադրում են նաև առանձնապես խոշոր չափերով փողերի լվացման մեջ, իսկ գործով կան նաև այլ մեղադրյալներ և հետախուզվողներ։
aravot.am | @aravot

🔵️Կալանավորված Դավիթ Ղազինյանը հայց է ներկայացրել ԿԸՀ-ի դեմ
Դավիթ Ղազինյանը Վարչական դատարան հայց է ներկայացրել՝ պահանջելով անվավեր ճանաչել ԿԸՀ-ի այն որոշումները, որոնցով համաձայնություն էր տրվել նրա նկատմամբ քրեական հետապնդում հարուցելու և ազատությունից զրկելու գործընթացին։
Դատարանը հայցը ընդունել է վարույթ և պահանջել է ԿԸՀ-ից տրամադրել համապատասխան վարչական նյութերը և նիստի ձայնագրությունները։
aravot.am | @aravot

🔵 «Այո, որոշակի դժվարություններ ստեղծվել են, բայց չենք շեղվելու նոր Սահմանադրության ընդունման մեր օրակարգից»․ ՔՊ-ական
ՔՊ խմբակցության քարտուղար Արթուր Հովհաննիսյանը հայտարարել է, որ սահմանադրական մեծամասնության բացակայությունը չի փոխելու իշխանության՝ նոր Սահմանադրություն ընդունելու օրակարգը։
Նրա խոսքով՝ թե՛ իրավական, թե՛ քաղաքական լուծումներ կգտնվեն, և նոր խորհրդարանի ձևավորումից հետո դրանք ավելի տեսանելի կդառնան։ ՔՊ-ական Ալխաս Ղազարյանն էլ վստահություն է հայտնել, որ ընտրությունների արդյունքների շուրջ բոլոր գործընթացներից հետո դրանք կճանաչվեն որպես ազատ, թափանցիկ և լեգիտիմ։
aravot.am | @aravot