Category: Aravot

#Բիզնես
🎬 Ucom-ը ներկայացրել է uPlay Սինեմա նոր բաժանորդագրության ծառայությունը
TV ծառայությունից օգտվող բաժանորդները մեկ ֆիքսված ամսավճարի դիմաց կարող են օգտվել հայտնի ֆիլմերի լայն գրադարանից՝ առանց յուրաքանչյուր ֆիլմի համար առանձին վճարելու։
aravot.am⁠ | @aravot

🎭 Թատրոնը պահպանում է վտանգված հիշողությունը․ Յանա Մեերզոն
Օտտավայի համալսարանի պրոֆեսոր Յանա Մեերզոնը ընդգծում է, որ թատրոնը ոչ միայն արվեստ է, այլ նաև հասարակական հիշողության պահպանման և վերաիմաստավորման գործիք։
Նրա խոսքով՝ ժամանակակից թատրոնը միաժամանակ քաղաքական, վավերագրական և թերապևտիկ տարածք է, որը հնարավորություն է տալիս լսելի դարձնել մարգինալացված պատմությունները։
aravot.am | @aravot

🔵 Հիմնական խնդիրները դեռևս լուծված չեն․ Իրանի միջուկային ծրագրի ապագան թողնվել է բանակցությունների հաջորդ փուլին
ԱՄՆ-ի և Իրանի միջև ստորագրված փոխըմբռնման հուշագիրը նախատեսում է 60-օրյա հրադադար և հետագա բանակցություններ։ Սակայն Իրանի միջուկային ծրագրի, հարստացված ուրանի ճակատագրի, պատժամիջոցների մեղմացման և Հորմուզի նեղուցի կարգավիճակի վերաբերյալ առանցքային հարցերը դեռևս վերջնական լուծում չեն ստացել։
Պատերազմը չբերեց Վաշինգտոնի ակնկալած արդյունքները, իսկ տարածաշրջանում պահպանվում են լուրջ անորոշությունները։ ԱՄՆ-ի, Իրանի և Իսրայելի միջև տարաձայնությունները շարունակում են մնալ, իսկ առաջիկա բանակցությունները վճռորոշ կլինեն հնարավոր վերջնական համաձայնության համար։
aravot.am | @aravot

⚖️ ՄԻԵԴ-ը վճիռ է կայացրել 2016-ի ապրիլյան պատերազմի ընթացքում զոհված հայ զինծառայողի գործով
Մարդու իրավունքների եվրոպական դատարանը V.T. և այլք ընդդեմ Ադրբեջանի գործով արձանագրել է Կոնվենցիայի 2-րդ և 3-րդ հոդվածների խախտում՝ 2016 թվականի ապրիլյան պատերազմի ընթացքում զոհված հայ զինծառայող Հ.Թ.-ի գործով։
Դատարանը որոշել է վճարել 60 հազար եվրո՝ զինծառայողի ծնողներին, 30 հազար եվրո՝ նրա քրոջը, ինչպես նաև 14 210 եվրո՝ դատական ծախսերի համար։
aravot.am⁠ | @aravot

🔵 Ինչո՞ւ է պաշտոնյան հերքում 12-ամյա աշակերտի՝ թմրանյութ գնելու ոչ ի պաշտոնե ստացած տեղեկությունը. հրապարակում ենք ձայնագրությունը
Aravot.am-ը հրապարակել է Արագածոտնի մարզպետարանի պաշտոնյա Կարեն Թաթուլյանի հետ զրույցի ձայնագրությունը։ Վերջինս ավելի վաղ հայտնել էր, որ ոչ պաշտոնական տեղեկություններով Օրգովի 12-ամյա աշակերտը թմրանյութը ձեռք է բերել տելեգրամյան ալիքի միջոցով։
Սակայն երկու օր անց Թաթուլյանը պարզաբանել է, որ դա հաստատված փաստ չի ներկայացրել, այլ փոխանցել է միայն ոչ պաշտոնական աղբյուրներից լսած տեղեկություններ։ Նա ընդգծել է, որ դեպքի իրական հանգամանքները կարող են պարզվել միայն իրավապահների քննության ավարտից հետո։
aravot.am | @aravot

🔵 Մանուկ Սուքիասյան․ «Քաղաքացու քվեի բռնաբարում է տեղի ունեցել»
«Մայր Հայաստան» կուսակցության անդամ Մանուկ Սուքիասյանը քննադատել է ԿԸՀ-ի գործողությունները՝ ընտրությունների արդյունքների ամփոփման գործընթացում արձանագրված որոշ որոշումների կապակցությամբ։
Նրա խոսքով՝ տեղի ունեցածը քաղաքական պատվերների արդյունք է և խաթարում է ընտրական գործընթացի նկատմամբ հանրային վստահությունը՝ առաջացնելով «հակաժողովրդավարական» պատկերացումներ։
aravot.am | @aravot

🔵 Մարիա Կարապետյան․ «Խախտումները ազդե՞լ են ընտրությունների արդյունքների վրա»
ԱԺ պատգամավոր Մարիա Կարապետյանը անդրադարձել է ընտրական գործընթացներում «անճշտությունների» հաշվարկին և դրանց ազդեցության գնահատման մեխանիզմին՝ ընդգծելով գործող բանաձևի տրամաբանությունը։
Նրա խոսքով՝ ընտրական օրենսգիրքը պահանջում է գնահատել ոչ թե առանձին տեղամասի, այլ ամբողջ արդյունքների վրա հնարավոր ազդեցությունը, և միայն այն դեպքում է վերաքվեարկությունը հիմնավորված, երբ այն կարող է փոխել վերջնական քաղաքական պատկերը։
aravot.am | @aravot

⚡Սամվել Կարապետյանը հայտարարեց, որ ընդդիմադիր բոլոր ուժերը միասին հանրահավաք կանցկացնեն։

💥 Ինչպե՞ս է Նիկոլ Փաշինյանը ջախջախելու Կարապետյանին, Քոչարյանին և Ծառուկյանին
Նիկոլ Փաշինյանը պարզաբանել է ընդդիմադիր գործիչներին ջախջախելու վերաբերյալ իր հայտարարությունը։ Նա շեշտել է, որ իր բոլոր արտահայտությունները պետք է դիտարկել բացառապես ՀՀ օրենսդրության և Սահմանադրության շրջանակներում։ Լրագրողի հարցին՝ արդյոք խոսքը ֆիզիկական ոչնչացման մասին է, վարչապետը հեգնանքով է պատասխանել։
Նա նշել է, որ այլևս չի էլ հիշում, թե նախկինում ում է ջախջախել։ Փաշինյանի ձևակերպմամբ՝ ինքն այն աստիճան է մոռացել նրանց, որ հիշելու համար պետք է մի քանի րոպե մտածի։ Ըստ նրա՝ քաղաքական ջախջախումը հենց այդպիսին պետք է լինի։
🔗 aravot.am | @aravot__