Category: Aravot

📚 Պարտադիր կրթությունը դարձնելու ենք 11-ամյա՝ լրացուցիչ 1 տարի նախատեսելով բուհ ընդունվելուն պատրաստվելու կամ մասնագիտություն ձեռք բերելու համար։
🎯 Արման Թաթոյանը ներկայացնում է «Միասնության թեւերի» կրթական ոլորտի առաջարկները։

🚨 «2025-ին առաջին անգամ արտագաղթը դադարել է, ներգաղթ է սկսվել»․ Նիկոլ Փաշինյան
Վարչապետ Նիկոլ Փաշինյանը Արթիկում հայտարարել է, որ 2025 թվականին Հայաստան վերադարձած քաղաքացիների թիվը 8860-ով գերազանցել է երկրից հեռացածներին, և դա անկախ Հայաստանի պատմության մեջ առաջին դեպքն է, երբ արձանագրվել է ներգաղթ։
Նա նաև նշել է, որ 2025 թվականը Ադրբեջանի հետ սահմանին անցել է առանց զոհերի և վիրավորների, իսկ իր քաղաքական հակառակորդներին մեղադրել է հասարակությանը պատերազմի տրամադրությունների մղելու փորձերի մեջ։
aravot.am | @aravot

🚨 «Ռոբերտ Քոչարյանի համար մեծ պրոբլեմներ ենք ակնկալում, որ երկար նստի բանտում»․ Նիկոլ Փաշինյան
Վարչապետ Նիկոլ Փաշինյանը հայտարարել է, որ ընդդիմադիր ուժերը փորձում են Հայաստանի համար խնդիրներ ստեղծել, սակայն դրանք, իր խոսքով, երկարատև չեն լինելու։ Նա նաև ասել է, որ Ռոբերտ Քոչարյանի համար «մեծ պրոբլեմներ» է ակնկալում՝ Մարտի 1-ի գործով։
Շիրակի մարզում կայացած հանդիպումների ընթացքում Փաշինյանը հայտարարել է նաև, որ ՀԷՑ-ի պետականացման որոշումը պայմանավորված է սպառողներից տարիներ շարունակ ավել գումարներ գանձելու բացահայտումներով, իսկ բռնագանձված գույքերից ստացված միջոցներն ուղղվում են պետական ծրագրերին։
aravot.am | @aravot

🚨 «Հունիսի 7-ից հետո ցանկացած հարց մեկ օրվա ընթացքում լուծում ենք տալու»․ Սամվել Կարապետյան
«Ուժեղ Հայաստան» քաղաքական ուժի առաջնորդ Սամվել Կարապետյանը հայտարարել է, որ Ռուսաստանի հետ հարաբերություններում առաջացած խնդիրների պատճառը գործող իշխանությունների վարած քաղաքականությունն է, և իշխանափոխությունից հետո նման հարցերը հնարավոր կլինի արագ լուծել։
Նա նաև նշել է, որ 44-օրյա պատերազմի զոհերի և անհետ կորածների վերաբերյալ ամբողջ ճշմարտությունը պետք է բացահայտվի, իսկ պատասխանատուները պատասխանատվության ենթարկվեն՝ ընդգծելով ընտրությունների կարևորությունը։
aravot.am | @aravot

🚨 «Հայաստանը եվրոպական երկրների հետ նոր երկաթուղային կապ է ստանում»․ Նիկոլ Փաշինյան
Վարչապետ Նիկոլ Փաշինյանը հայտարարել է, որ Ախալքալաք-Կարս երկաթուղու միջոցով Հայաստանը հնարավորություն է ստանում երկաթուղային կապ ունենալ եվրոպական երկրների և Սիրիայի հետ, ինչը նոր արտահանման շուկաներ կբացի հայկական բիզնեսի համար։
Շիրակի մարզում բնակիչների հետ հանդիպման ժամանակ նա նաև նշել է, որ Գյումրի-Ախուրիկ երկաթուղու վերագործարկման ուղղությամբ աշխատանքներ են ընթանում, իսկ ապաշրջափակման ծրագրերը Հայաստանը կդարձնեն տարածաշրջանային կարևոր տրանսպորտային հանգույց։
aravot.am | @aravot

Սամվել Կարապետյանը հանդիպել է Կոտայքի մարզի բնակիչներին

Այն ինչ կարելի է քպ-ականներին, չի կարելի ընդդիմադիրներին:
Ընտրովի արդարադատությունը պոզով-պոչով չի լինում:
 «Ուժեղ Հայաստան» կուսակցության անդամ Գոհար Ղումաշյան

Aravot.am pinned «📊 Եթե ընտրությունները լինեին այսօր, կմասնակցեի՞ք
»

🇹🇷 Թուրքիան որևէ երկաթուղային ճանապարհ չի բացել Հայաստանի հետ․ Վարուժան Գեղամյան
Թյուրքագետ Վարուժան Գեղամյանի խոսքով՝ Թուրքիան ոչ մի երկաթուղային ճանապարհ և սահման չի բացել Հայաստանի հետ, իսկ նման հայտարարությունները չեն համապատասխանում իրականությանը։
Նա պնդում է, որ Անկարան տարիներ շարունակ սահմանների բացման թեման օգտագործում է որպես քաղաքական ճնշման և զիջումներ կորզելու գործիք։
Գեղամյանը նաև կոչ է արել «չտրվել թուրքական քարոզչությանը»՝ նշելով, որ դրա հետևանքները կարող են անդրադառնալ նաև անվտանգության ոլորտի վրա։
aravot.am | @aravot