Category: Aravot

🔵 Թագուհին և Արամ Խաչատրյանը ջերմ հարաբերություններ ունեին
Էլիզաբեթ թագուհու երաժշտական կապելլայի գլխավոր գործադիր տնօրեն Գրեգոր Շապելի խոսքով՝ Բելգիայի թագուհի Էլիզաբեթն ու Արամ Խաչատրյանը մտերիմ հարաբերություններ են ունեցել և նույնիսկ միասին մասնակցել են ԱՄՆ-ում անցկացված փառատոնի։
Նա նաև նշել է, որ Հայաստանի և կապելլայի համագործակցության պատմությունը սկսվել է դեռ 1939 թվականից։
aravot.am | @aravot

🇪🇺 ԵՄ-ն պատրաստվում է անդամակցության բանակցությունների առաջին փուլը բացել Ուկրաինայի և Մոլդովայի հետ
Լյուքսեմբուրգում ԵՄ արտաքին գործերի նախարարների խորհրդի նիստի ընթացքում ԵՄ ընդլայնման հարցերով հանձնակատար Մարթա Կոսը հայտարարել է, որ այսօր կարող է բացվել Ուկրաինայի և Մոլդովայի հետ անդամակցության բանակցությունների առաջին կլաստերը։
Նրա խոսքով՝ սա 2023 թվականին թեկնածուի կարգավիճակ ստանալուց հետո առաջին խոշոր քայլն է, իսկ հուլիսին նախատեսվում է բացել նաև մնացած հինգ կլաստերները։
aravot.am⁠ | @aravot

#Բիզնես
🍑 Ակբա Ֆեդերացիայի և Իմփաքթ Հաբի ծրագրի աջակցությամբ Suebar-ը զարգացնում է բնական քաղցրավենիքի արտադրությունը
Քաղցրաշենցի Սյուզաննա Բարսեղյանը բնական չրերից և մեղրից պատրաստում է առողջարար կոնֆետներ՝ զարգացնելով սեփական բիզնեսը։
aravot.am⁠ | @aravot

#Բիզնես
🎼 Freedom Broker Armenia-ն երկրորդ տարին անընդմեջ Խաչատրյանի անվան միջազգային մրցույթի ռազմավարական գործընկերն է
Ընկերությունը նպաստում է մրցույթի միջազգային ճանաչելիության բարձրացմանը և երիտասարդ երաժիշտների համար զարգացման նոր հնարավորությունների ստեղծմանը։
aravot.am⁠ | @aravot

🔵 Ընտանիքը փաստացի կանգնած է սեփականությունից և սեփականությունը տնօրինելու իրավունքից զրկվելու վտանգի առաջ
ՄԻԵԴ-ում Հայաստանի դեմ հաղթած գործի դիմող Վարյա Սաֆարյանը դիմել է քաղաքական ուժերի ներկայացուցիչներին՝ բարձրաձայնելով Ֆիրդուսի թաղամասում գտնվող իր գույքի օտարման վտանգի մասին։ Նրա խոսքով՝ 2007 թվականից շարունակվող իրավական վեճի շրջանակում դատարանը բավարարել է իր անշարժ գույքի օտարման պահանջը՝ հիմնվելով կառավարության 2018 թվականի որոշման վրա։
Սաֆարյանը պնդում է, որ Ֆիրդուսի տարածքի նկատմամբ հանրային գերակա շահի ժամկետը դեռևս ավարտվել է 2014 թվականին, իսկ հետագա որոշումները չեն կարող վերականգնել դրա իրավական հետևանքները։
aravot.am | @aravot

🔵 «Մեծամասնությունը ձեզ չի քվեարկել, կես միլիոնից ավելի մարդ քվեարկել է ընդդիմությանը»․ Իշխան Սաղաթելյան
Իշխան Սաղաթելյանը հայտարարել է, որ գործող իշխանությունը չի ստացել ընտրողների մեծամասնության վստահությունը՝ ընդգծելով, որ ընդդիմությունը միասին հավաքել է շուրջ կես միլիոն քվե։
Նրա խոսքով՝ ընտրություններում եղել են ընտրակեղծիքներ և վարչական ռեսուրսի կիրառման դեպքեր, իսկ իշխանությունը փորձում է չընդունել ընդդիմության ստացած արդյունքները։
aravot.am | @aravot

🔵 Կրթության փորձագետները դեռ դատարանում են
ԵՊՀ դասախոս, կրթության փորձագետ Սերոբ Խաչատրյանի և փաստաբան Արսեն Թավադյանի հայցով դատական գործընթացը շարունակվում է։ Նրանք պահանջում են ուժը կորցրած ճանաչել ԿԳՄՍ նախարարի 2024 թվականի հրամանի այն դրույթները, որոնց հիման վրա 8-րդ դասարանի «Հասարակագիտություն» առարկայի դասագրքերի մրցույթում հաղթող է ճանաչվել այլ դասագիրք։
Հայցվորները նշում են, որ իրենց հեղինակած դասագիրքը մրցույթում զիջել է մեկ այլ տարբերակի, որը, ըստ նրանց, պարունակում է բազմաթիվ սխալներ։
aravot.am | @aravot

🔵 «Ընդդիմության ձայների մի մասը լեգիտիմ չէ»․ ՔՊ պատգամավոր Ծովինար Վարդանյան
ՔՊ-ական պատգամավոր Ծովինար Վարդանյանը հայտարարել է, որ խորհրդարանի ամբողջական ոչ լեգիտիմ լինելու մասին խոսք չկա, սակայն ընդդիմադիր ուժերի ստացած ձայների մի մասը, ըստ նրա, կարող է կապված լինել ընտրակաշառքի հետ։
Նրա խոսքով՝ իրավապահները պետք է զբաղվեն ընտրակաշառքի գործերով, իսկ իշխանությունը ստացել է ժողովրդի վստահությունը՝ ավելի մեծ քանակի ձայներով, քան 2021-ին։
aravot.am | @aravot

🔵 «ՌԴ-ի կողմից աճող ճնշում կա, պետք է աջակցենք ՀՀ-ին դիմակայելու համար»․ Կայա Կալաս
ԵՄ արտաքին քաղաքականության ղեկավար Կայա Կալասը հայտարարել է, որ Հայաստանում ընտրություններից հետո նկատվում է Ռուսաստանի կողմից աճող քաղաքական ճնշում՝ երկրի արտաքին ուղեգիծը փոխելու նպատակով։
Նրա խոսքով՝ ԵՄ-ն քննարկում է Հայաստանին աջակցելու տարբերակներ՝ երկրի դիմակայունությունը և քաղաքական ինքնուրույնությունը ուժեղացնելու համար, ինչպես նաև շարունակական համագործակցություն Երևանի հետ։
aravot.am | @aravot

🔵 «Մերձավոր Արևելքում խաղաղություն չի լինի, քանի դեռ Լիբանանը կրակի մեջ է»․ Ուրսուլա ֆոն դեր Լայեն
Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Մերձավոր Արևելքում կայունություն հնարավոր չէ առանց Լիբանանի իրավիճակի կարգավորման՝ ընդգծելով նաև տարածաշրջանային լայն անվտանգության խնդիրները։
Նա միաժամանակ ողջունել է ԱՄՆ-Իրան համաձայնությունը և նշել, որ անհրաժեշտ է ապահովել նավագնացության ազատությունը, էներգետիկ մատակարարման ուղիների դիվերսիֆիկացումը և Հորմուզի նեղուցի շուրջ լարվածության նվազեցումը։
aravot.am | @aravot