Category: Aravot

🗳️ Տնային կալանքում գտնվողների ահազանգը․ պատկան մարմինները կարգավորել են անձնագրերի հետ կապված խնդիրը
Հունիսի 1-ի դրությամբ տնային կալանքում գտնվող 911 անձից 857-ը քվեարկելու իրավունք ունի։ Նրանց ընտրատեղամասեր ուղեկցելու են Պրոբացիայի ծառայության աշխատակիցները, իսկ ցանկության դեպքում նույնիսկ նախապես հրաժարված անձինք կարող են քվեարկության օրը փոխել իրենց որոշումը։
Մայիսին տնային կալանքում գտնվող քաղաքացիները ահազանգել էին, որ իրենց անձնագրերը գտնվում են դատարաններում և այլ պետական մարմիններում։ «Հանուն Ազատության» ՀԿ-ի դիմումից հետո համապատասխան կառույցները կազմակերպել են անձնագրերի ժամանակավոր փոխանցումը, որպեսզի քաղաքացիները կարողանան մասնակցել ընտրություններին։
aravot.am | @aravot

🎼 Խաչատրյանական մրցույթի շնորհիվ շուրջ 8000 երաժիշտ կատարում է նրա կոնցերտները. Արմեն Սմբատյան
Արամ Խաչատրյանի ծննդյան օրը մեկնարկել է Խաչատրյանի անվան միջազգային 22-րդ մրցույթը՝ այս անգամ թավջութակ մասնագիտությամբ։ Մրցույթի հոգաբարձուների խորհրդի նախագահ Արմեն Սմբատյանի խոսքով՝ տարիների ընթացքում մրցույթը դարձել է համաշխարհային հարթակ, որի շնորհիվ շուրջ 8000 երաժիշտ սովորել և կատարում է Խաչատրյանի ստեղծագործությունները։
Սմբատյանը նշել է, որ մրցույթն արդեն միջազգային ճանաչում ունի, իսկ Չինաստանում նույնիսկ կազմակերպվում է Արամ Խաչատրյանի անվան մրցանակաբաշխություն։ Այս տարվա մրցույթին մասնակցելու համար ստացվել է ավելի քան 300 հայտ աշխարհի տարբեր երկրներից։
aravot.am | @aravot

⚖️ ԻՔՄ-ն ընդդեմ ՀՀ ԿԳՄՍ նախարարության գործով որոշումը կհրապարակվի 2027թ. փետրվարի 19-ին
«Իրազեկ քաղաքացիների միավորում» ՀԿ-ի հայցով դատարանը պարտավորեցրել էր ԿԳՄՍ նախարարությանը տրամադրել «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում պաշտոն զբաղեցնող անձանց անուն-ազգանուններն ու պաշտոնները։
Նախարարությունը բողոքարկել է վճիռը, իսկ վերաքննիչ դատարանը վերականգնել է բողոք ներկայացնելու ժամկետը և վարույթ ընդունել գործը։ Վերաքննիչ դատարանի որոշումը կհրապարակվի 2027 թվականի փետրվարի 19-ին։
aravot.am | @aravot

#Վերլուծական
🎯Պարզապես՝ լող տալ սովորենք
Հասարակության մեջ հաճախ ձևավորվում է սպասողի հոգեբանություն՝ հավատ, որ խնդիրները կլուծվեն արտաքին ուժերի, պատահականության կամ «հրաշքի» միջոցով։ Սակայն իրական փոփոխությունը սկսվում է այն պահին, երբ մարդը պատասխանատվություն է վերցնում սեփական կյանքի ու որոշումների համար։
Խեղճությունը միշտ չէ, որ ծանր վիճակն է։ Ավելի վտանգավոր է այն հոգեվիճակը, երբ մարդը համոզված է, որ ոչինչ չի կարող փոխել և պարզապես սպասում է, որ որևէ մեկը կգա ու կփրկի իրեն։ Այդ սպասումը ժամանակի ընթացքում դառնում է սովորություն, ապա՝ մտածողություն։
aravot.am | @aravot

📭📭📭 Մամուլը գրում է
🔺 Ինչպիսի՞ն է եղել մասնակցությունը նախորդ ընտրություններին. «Փաստ»
🔺 Հայաստանի մարտահրավերները չափազանց լուրջ են, որպեսզի դրանք քննարկվեն անձնական հակակրանքների և քաղաքական պիտակների լեզվով. «Փաստ»
🔺 Ինչքան էինք սպասել․ վերջը կդատեն այդ Գորիկ Հակոբյանին․ «Չորրորդ իշխանություն»
🔺 Նաիրի Սարգսյան․ Ի սկզբանե բացառում ենք, որ «կախարդական փայտիկը» կարող է օգնել մուտք գործել ԵՄ շուկա․ «Փաստ»
Մամուլի տեսությունն ամբողջությամբ այստեղ

#խմբագրական
✍️ Փոքրամասնության մեջ մնալու համարձակությունը
Խորհրդային տարիներին ակադեմիկոս Անդրեյ Սախարովը շարունակում էր արտահայտել իր դիրքորոշումը՝ նույնիսկ մեծամասնության ճնշման ու թշնամական վերաբերմունքի պայմաններում։
Ըստ հոգեբան Սոլոմոն Աշի փորձերին՝ հաճախ բավական է մեկ մարդ, ով համարձակվում է պաշտպանել իր համոզմունքը, որպեսզի մյուսներն էլ սկսեն բարձրաձայնել իրենց տեսակետը։ Սկզբունքներին հավատարիմ մնալը, նույնիսկ փոքրամասնության մեջ գտնվելով, արժանապատիվ և կարևոր ընտրություն է։
🔗 Արամ Աբրահամյանի խմբագրականը

⚡⚡⚡⚡ԿԸՀ-ն միաձայն մերժեց «Ուժեղ Հայաստանի» գրանցումը չեղարկելու դիմումը։ Ըստ ԿԸՀ որոշման՝ բացակայում են նաեւ այս հարցով դատարան դիմելու հիմքերը։ Ըստ Վահագն Հովակիմյանի՝ ԿԸՀ որոշումը 3 օրվա ընթացքում կարող է բողոքարկվել ՀՀ վարչական դատարան։

🗳️ Ինչո՞ւ է Արամ Սարգսյանը ցանկանում զրկել «Ուժեղ Հայաստան»-ին ընտրապայքարից
ԿԸՀ-ն արտահերթ նիստում քննարկել է «Հանրապետություն» կուսակցության նախագահ Արամ Սարգսյանի դիմումը՝ «Ուժեղ Հայաստան» դաշինքի գրանցումը չեղարկելու վերաբերյալ։
Դիմումում նշվում է, որ դաշինքի կողմից առկա են ընտրակաշառքի, ընտրողների գույքային շահագրգռման և այլ հնարավոր խախտումների վերաբերյալ տեղեկություններ, ինչպես նաև հարցեր են բարձրացվել դաշինքի առաջնորդի՝ քաղաքացիության պահանջներին համապատասխանության շուրջ։
aravot.am | @aravot