Category: Aravot

⚡️⚡️Շիրակի 33/50 տեղամասային կենտրոնում՝ Ջրափի գյուղում, բացակայում է 3-րդ քվեաթերթիկների տրցակը։

🗳️ «Մեր գործողությունը վաղը պետք է լինի ընտրական տեղամաս գնալն ու հստակ ընտրություն կատարելը»․ վերլուծություն
Ընտրություններին չմասնակցելը պետք է դիտարկվի որպես «դասալքություն», երկրի ապագան կախված է քաղաքացիների «գործնական հավատքից» ու պատասխանատվությունից։
Ընտրությունների միջոցով պետք է ձևավորվի ուժեղ և ազգային առաջնորդություն, որը կկարողանա հաղթահարել երկրի առջև ծառացած խնդիրները։
Գենադի Մնացականյանի վերլուծականը՝ Առավոտում

#Բիզնես
🏦 Ամերիաբանկը և FMO-ն կնքել են 120 միլիոն եվրոյի վարկային պայմանագիր՝ ՄՓՄՁ-ներին աջակցելու և Հայաստանում կանաչ ֆինանսավորումը զարգացնելու համար
120 մլն եվրոյի պայմանագրով նախատեսվում է ընդլայնել ՄՓՄՁ-ների ֆինանսավորումը և զարգացնել կանաչ նախագծերը Հայաստանում։
Ֆինանսավորման մի մասը կուղղվի կայուն զարգացման և ներառական տնտեսական աճի խթանմանը։
aravot.am | @aravot

📚 Բացառիկ վկայություններ՝ զավթված Արցախից վերջինը հեռացած Սերգեյ Օգոլցովի գրքում
Երևանում ներկայացվել է 72-ամյա գրող Սերգեյ Օգոլցովի «Реквием по Корневой Системе» գեղարվեստավավերագրական գիրքը, որտեղ նա նկարագրում է Արցախում ապրած իր 37 տարիների փորձը և 2023 թվականի իրադարձություններից հետո ստեղծված իրավիճակը։
Հեղինակը, ըստ ներկայացվածի, Արցախում եղել է բազմաթիվ իրադարձությունների անմիջական ականատես՝ պատերազմից մինչև բնակչության արտահոսք, իսկ գիրքը համարվում է նրա անձնական վկայությունը այդ շրջանի մասին։ Տպագրությունը իրականացվել է Հայոց աշխարհաժողով հայրենատիրական շարժման նախաձեռնությամբ։
aravot.am | @aravot

🎭 «Գեղեցիկն ու վեհը վերականգնելու միակ ճանապարհը սեփական հոգու մեջ նայելու քաջությունն է…»
Երևանի Լևոն Միրիջանյանի անվան հ.155 հիմնական դպրոցն ու Երևանի թատրոնի և կինոյի պետական ինստիտուտը ներկայացրել են նոր համատեղ նախագիծը՝ Պերճ Զեյթունցյանի ստեղծագործության հիման վրա բեմադրված «Մի՛ նայիր հայելուն» ներկայացումը։
Բեմադրությունը, որի հեղինակն է դպրոցի ուսուցիչ Ելենա Կարապետյանը, անդրադառնում է ինքնաճանաչման, խղճի և մարդկային արժեքների թեմաներին։ Դերերում հանդես են եկել դպրոցի սովորողներն ու շրջանավարտները՝ ներկայացմանը հաղորդելով հուզական խորություն և անկեղծություն։
aravot.am | @aravot

🗳️ Տնային կալանքում գտնվողների ահազանգը․ պատկան մարմինները կարգավորել են անձնագրերի հետ կապված խնդիրը
Հունիսի 1-ի դրությամբ տնային կալանքում գտնվող 911 անձից 857-ը քվեարկելու իրավունք ունի։ Նրանց ընտրատեղամասեր ուղեկցելու են Պրոբացիայի ծառայության աշխատակիցները, իսկ ցանկության դեպքում նույնիսկ նախապես հրաժարված անձինք կարող են քվեարկության օրը փոխել իրենց որոշումը։
Մայիսին տնային կալանքում գտնվող քաղաքացիները ահազանգել էին, որ իրենց անձնագրերը գտնվում են դատարաններում և այլ պետական մարմիններում։ «Հանուն Ազատության» ՀԿ-ի դիմումից հետո համապատասխան կառույցները կազմակերպել են անձնագրերի ժամանակավոր փոխանցումը, որպեսզի քաղաքացիները կարողանան մասնակցել ընտրություններին։
aravot.am | @aravot

🎼 Խաչատրյանական մրցույթի շնորհիվ շուրջ 8000 երաժիշտ կատարում է նրա կոնցերտները. Արմեն Սմբատյան
Արամ Խաչատրյանի ծննդյան օրը մեկնարկել է Խաչատրյանի անվան միջազգային 22-րդ մրցույթը՝ այս անգամ թավջութակ մասնագիտությամբ։ Մրցույթի հոգաբարձուների խորհրդի նախագահ Արմեն Սմբատյանի խոսքով՝ տարիների ընթացքում մրցույթը դարձել է համաշխարհային հարթակ, որի շնորհիվ շուրջ 8000 երաժիշտ սովորել և կատարում է Խաչատրյանի ստեղծագործությունները։
Սմբատյանը նշել է, որ մրցույթն արդեն միջազգային ճանաչում ունի, իսկ Չինաստանում նույնիսկ կազմակերպվում է Արամ Խաչատրյանի անվան մրցանակաբաշխություն։ Այս տարվա մրցույթին մասնակցելու համար ստացվել է ավելի քան 300 հայտ աշխարհի տարբեր երկրներից։
aravot.am | @aravot

⚖️ ԻՔՄ-ն ընդդեմ ՀՀ ԿԳՄՍ նախարարության գործով որոշումը կհրապարակվի 2027թ. փետրվարի 19-ին
«Իրազեկ քաղաքացիների միավորում» ՀԿ-ի հայցով դատարանը պարտավորեցրել էր ԿԳՄՍ նախարարությանը տրամադրել «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում պաշտոն զբաղեցնող անձանց անուն-ազգանուններն ու պաշտոնները։
Նախարարությունը բողոքարկել է վճիռը, իսկ վերաքննիչ դատարանը վերականգնել է բողոք ներկայացնելու ժամկետը և վարույթ ընդունել գործը։ Վերաքննիչ դատարանի որոշումը կհրապարակվի 2027 թվականի փետրվարի 19-ին։
aravot.am | @aravot

#Վերլուծական
🎯Պարզապես՝ լող տալ սովորենք
Հասարակության մեջ հաճախ ձևավորվում է սպասողի հոգեբանություն՝ հավատ, որ խնդիրները կլուծվեն արտաքին ուժերի, պատահականության կամ «հրաշքի» միջոցով։ Սակայն իրական փոփոխությունը սկսվում է այն պահին, երբ մարդը պատասխանատվություն է վերցնում սեփական կյանքի ու որոշումների համար։
Խեղճությունը միշտ չէ, որ ծանր վիճակն է։ Ավելի վտանգավոր է այն հոգեվիճակը, երբ մարդը համոզված է, որ ոչինչ չի կարող փոխել և պարզապես սպասում է, որ որևէ մեկը կգա ու կփրկի իրեն։ Այդ սպասումը ժամանակի ընթացքում դառնում է սովորություն, ապա՝ մտածողություն։
aravot.am | @aravot

📭📭📭 Մամուլը գրում է
🔺 Ինչպիսի՞ն է եղել մասնակցությունը նախորդ ընտրություններին. «Փաստ»
🔺 Հայաստանի մարտահրավերները չափազանց լուրջ են, որպեսզի դրանք քննարկվեն անձնական հակակրանքների և քաղաքական պիտակների լեզվով. «Փաստ»
🔺 Ինչքան էինք սպասել․ վերջը կդատեն այդ Գորիկ Հակոբյանին․ «Չորրորդ իշխանություն»
🔺 Նաիրի Սարգսյան․ Ի սկզբանե բացառում ենք, որ «կախարդական փայտիկը» կարող է օգնել մուտք գործել ԵՄ շուկա․ «Փաստ»
Մամուլի տեսությունն ամբողջությամբ այստեղ