Category: Aravot

🚨 «Ինքը կգա՝ կտաս նվերը»․ Ծառուկյանը՝ Փաշինյանի համար տակդիր բերած քաղաքացուն
Կապանում ԲՀԿ առաջնորդ Գագիկ Ծառուկյանի հանդիպման ժամանակ քաղաքացիներից մեկը ձեռքին տակդիրով հայտարարել է, որ այն բերել է վարչապետ Նիկոլ Փաշինյանի համար։ Ծառուկյանը պատասխանել է՝ «Ինքը կգա, կտաս նվերը»։
Քաղաքացին նշել է, որ իր ծնողները անկողնային հիվանդ են և չեն ստանում անհրաժեշտ աջակցություն, իսկ Ծառուկյանը կոչ է արել չվիրավորել որևէ մեկին։
aravot.am | @aravot

🚨 «Ադրբեջանական մամուլը հրճվանքով արձագանքեց Փաշինյանի հայտարարություններին»․ Արման Աբովյան
ԲՀԿ անդամ Արման Աբովյանը հայտարարել է, որ Գագիկ Ծառուկյանի և «Արարատ ցեմենտ» գործարանի շուրջ զարգացումները տեղավորվում են «Հայաստանը թուլացնելու ադրբեջանական դոկտրինի» մեջ։
«Առաջարկ Հայաստանին» թիմի հրատապ ասուլիսում Աբովյանը քննադատել է վարչապետ Նիկոլ Փաշինյանի վարքագիծը՝ այն որակելով «պետական ռեկետ և բանդիտիզմ» ու ընդգծելով, որ ադրբեջանական մամուլը առաջիններից էր, որ դրական արձագանքեց տեղի ունեցող գործընթացներին։
aravot.am | @aravot

🚨 «Նույն բանն արեցինք, խի՞ կրակեցիք մեզ վրա»․ քաղաքացու հարցը՝ Ռոբերտ Քոչարյանին
Քասախում նախընտրական հանդիպման ժամանակ մի քաղաքացի հարց ուղղեց ՀՀ երկրորդ նախագահ Ռոբերտ Քոչարյանին՝ հիշեցնելով Մարտի 1-ի զոհերից Գոռ Քլոյանի մասին և ասելով, որ նրա երեխան «անտեր մեծացավ»։
Քոչարյանի ելույթի ընթացքում նաև լարված իրավիճակ է ստեղծվել․ մի քանի քաղաքացիների և նրա աջակիցների միջև քաշքշոց է սկսվել, ինչին ի պատասխան Քոչարյանը ասել է՝ «Բան մի արեք, շառ են»։
aravot.am | @aravot

🚨 «Պետությունը վերածվում է քաղաքական հաշվեհարդարի գործիքի»․ Սուրեն Սուրենյանց
Քաղաքագետ Սուրեն Սուրենյանցը հայտարարել է, որ «Արարատցեմենտ» գործարանի շուրջ վարչապետ Նիկոլ Փաշինյանի հայտարարությունները ցույց են տալիս՝ իշխանությունը պատրաստ է քաղաքական նպատակներով միջամտել սեփականության հարաբերություններին։
«Առաջարկ Հայաստանին» հրավիրած ասուլիսում նա ընդգծել է, որ «Արարատցեմենտը» համակարգաստեղծ արտադրություն է, և դրա շուրջ քաղաքական ճնշումների մթնոլորտը հարված է Հայաստանի տնտեսական դիմադրողականությանը ու արդյունաբերական ներուժին։
aravot.am | @aravot

🚨 «ԲՀԿ ցուցակի բարձր տեղերում գտնվողներից մեկը լրտես է»․ Փաշինյան
Վարչապետ Նիկոլ Փաշինյանը հայտարարել է, որ ԲՀԿ առաջնորդ Գագիկ Ծառուկյանի նախընտրական ցուցակի առաջատար թեկնածուներից մեկի վերաբերյալ ԱԱԾ-ն օպերատիվ տեղեկություններ ունի, և չի բացառվում, որ առաջիկայում պետական դավաճանության հոդվածով քրեական գործ հարուցվի։
Լոռու մարզում ունեցած ելույթում Փաշինյանն ասել է, որ տվյալ անձը «լրտես է բառիս բուն իմաստով», իսկ Գագիկ Ծառուկյանին կապել է օտարերկրյա հատուկ ծառայությունների հետ համագործակցության մեղադրանքների հետ։
aravot.am | @aravot

🚨 «Պիկապների վրա թռվռալը ավելի մեծ դիտումներ է ապահովում Փաշինյանի համար»․ Իվետա Տոնոյան
ԲՀԿ անդամ Իվետա Տոնոյանը հայտարարել է, որ վարչապետ Նիկոլ Փաշինյանը պետք է «վերադառնա կառուցողական դաշտ» և ներկայացնի, թե ինչ ծրագրով է պատրաստվում երկիրը դուրս բերել ներկայիս իրավիճակից։
«Առաջարկ Հայաստանին» թիմի այսօրվա հրատապ ասուլիսում անդրադարձավ նաև տեղեկությանը, ըստ որի՝ «Արարատ ցեմենտ» գործարանը կարող է պետականացվել՝ դա գնահատելով որպես քաղաքական հակառակորդների նկատմամբ պետական լծակների կիրառման փորձ։
aravot.am | @aravot

🌾 «Գյուղատնտեսական աշխատանքը ևս կհամարվի ստաժ»․ Արման Թաթոյան
Արման Թաթոյանը հայտարարել է, որ նախատեսում են փոխել օրենսդրությունը, որպեսզի գյուղատնտեսական աշխատանքը ևս հաշվարկվի որպես աշխատանքային ստաժ։
Նրա խոսքով՝ պետությունը պարտավոր է ապահովել սոցիալական արդարություն այն մարդկանց համար, ովքեր տարիներ շարունակ աշխատել ու պահել են գյուղատնտեսությունը։
aravot.am | @aravot

🇪🇺 «Չկա որևէ փաստարկ, որ առանց վիզայի ռեժիմը սպառնալիք է Հայաստանի համար»․ Արփինե Սարգսյան
Արփինե Սարգսյանը հայտարարել է, որ ԵՄ-ի հետ առանց վիզայի ռեժիմի շուրջ հնչող մտահոգությունները «փաստական հիմք չունեն» և հաճախ քաղաքական շահարկումների արդյունք են։
ՆԳ նախարարը նշել է, որ ԵՄ-ի հետ համագործակցությունը Հայաստանը դարձրել է ավելի կայուն ու գրավիչ միջավայր, և պետք է շարունակել քայլերը՝ առանց վիզայի ռեժիմի հաստատման ուղղությամբ։
aravot.am | @aravot

⚖️ «Ես երբեք այլ երկրի քաղաքացիություն չեմ ունեցել»․ Նարեկ Կարապետյան
Նարեկ Կարապետյանը հայտարարեց, որ բացի ՀՀ քաղաքացիությունից՝ երբեք այլ երկրի քաղաքացիություն չի ունեցել։ Նրա խոսքով՝ իրավաբաններն արդեն դիմել են համապատասխան կառույցներին՝ պարզաբանում ստանալու համար։
Նա նաև նշել է, որ մինչև օրվա վերջ կհրապարակեն, թե քանի ՔՊ-ական պաշտոնյայի դեմ են դատական հայց ներկայացնելու․ «Կարծում եմ՝ 7-8 հոգի կունենան հայցեր»։
aravot.am | @aravot

🎂 «Լույսը կհաղթի խավարին»․ Սրբազանի աջակիցները տորթով ակցիա արեցին ԱԱԾ-ի մոտ
Մայիսի 20-ին Բագրատ Սրբազանի աջակիցները հավաքվել էին ԱԱԾ շենքի մոտ՝ նշելու նրա 55-ամյակն ու ազատազրկման 330-րդ օրը։ Նրանք մոմեր փչեցին տորթի վրա ու կրկնեցին Սրբազանի հայտնի խոսքը՝ «Լույսը կհաղթի խավարին»։
Ակցիային մասնակցել է նաև Հայկ Մամիջանյանը՝ հայտարարելով, որ «քաղբանտարկյալները նույնիսկ անազատության մեջ շարունակում են պայքարել մարդկանց իրավունքների համար»։
aravot.am | @aravot