Category: Aravot

⚖️ «Սա դասական քաղաքական հետապնդում է Սերժ Սարգսյանի և իր թիմակիցների հանդեպ»․ Հենրիխ Դանիելյան
Դանիելյանի խոսքով՝ վերջին ութ տարիներին «շինծու քրեական գործերի» միջոցով փորձում են լռեցնել մարդկանց և խանգարել նրանց անդորրը։ Նա նաև անդրադարձավ Ադրբեջանի նախագահ Իլհամ Ալիևի հայտարարություններին՝ նշելով, որ նախկինում Հայաստանն ունեցել է ազատ և անկախ Արցախ։
aravot.am | @aravot⁠

⚡ «Եթե թողնենք, իրենք միջանցք են տալու, բայց մենք խանգարելու ենք իրենց միջանցքին»․ Սամվել Կարապետյան
«Ուժեղ Հայաստան» կուսակցության նախագահ Սամվել Կարապետյանը դատական նիստից հետո լրագրողների հետ զրույցում անդրադարձել է ԱԺ Եվրոպական ինտեգրման հարցերի մշտական հանձնաժողովի ընտրությանը՝ նշելով, որ իրենց նպատակը ԵՄ-ի հետ «ճիշտ գործունեություն» ծավալելն է։
TRIPP-ի վերաբերյալ Կարապետյանն ասել է․ «Եթե մենք թողնենք, իրենք միջանցք են տալու, բայց մենք խանգարելու ենք իրենց միջանցքին»։ Տիգրանաշենի վերաբերյալ նա հայտարարել է, որ Փաշինյանի իշխանության մնալու դեպքում կարող է հասնել «5-րդ հանրապետության» հռչակման, սակայն «չենք թողնելու»։
aravot.am | @aravot⁠

🪖 «Եթե բարեփոխումների ռազմավարությունը այլ համակարգից մարդ նշանակելն է, չեմ ընդունում»․ Տիգրան Աբրահամյան
Տիգրան Աբրահամյանը Սերժ Սարգսյանի գործով դատական նիստից առաջ լրագրողների հետ զրույցում քննադատել է բանակում իրականացվող փոփոխությունները՝ նշելով, որ Ռազմական ոստիկանության պետի պաշտոնում այլ համակարգից մարդու նշանակումը բարեփոխում չի համարում։
Աբրահամյանն ասաց, որ կադրային փոփոխությունից առաջ պետք է ծառայողական քննություն իրականացվի՝ պարզելու, թե ում պատասխանատվության դաշտում է եղել տեղի ունեցածը։
aravot.am | @aravot⁠

⚡ «Գործ տալ» արտահայտությունից հետո ԱԺ-ում կրկին միջադեպ տեղի ունեցավ
ԱԺ նիստում միջադեպ է տեղի ունեցել «Հայաստան» խմբակցության պատգամավոր Լևոն Քոչարյանի և ԱԺ նախագահի տեղակալ Վահագն Ալեքսանյանի միջև։
Քոչարյանը «գործ տալ» արտահայտությունն օգտագործելուց հետո Ալեքսանյանը այն որակեց որպես քրեական ենթամշակույթի բաղկացուցիչ և պատգամավորին նախազգուշացում հայտարարեց։ Ավելի ուշ թեժ վիճաբանության պատճառով ՔՊ-ական Արման Եղոյանը մեկ նիստով զրկվեց խոսափողից ելույթ ունենալու հնարավորությունից։
aravot.am | @aravot

⚖️ Բագրատ Սրբազանի և մյուսների գործով դատարանը սկսել է զենքերի փորձաքննությունների հետազոտումը
Երևանի քրեական դատարանում՝ դատավոր Կարեն Ֆարխոյանի նախագահությամբ, Բագրատ արքեպիսկոպոս Գալստանյանի և մյուս 17 ամբաստանյալների գործով դատավարությունը հասել է գրավոր ապացույցների հետազոտման փուլին։
Մեղադրող կողմը ներկայացրել է գործով հայտնաբերված որսորդական հրացանի և ատրճանակների փորձաքննությունների արդյունքները։ Պաշտպաններն ու ամբաստանյալները պնդել են, որ այդ զենքերը որևէ կապ չունեն իրենց և «Սրբազան պայքարի» հետ, իսկ Բագրատ Սրբազանը նշել է, որ դատարանում մի քանի նիստ շարունակ օրինական պահվող զենքերի հարցի քննարկումն անընդունելի է։
aravot.am | @aravot

‼️Վերացվեց Արեգնազ Մանուկյանի մերձավոր ազգականների հետ շփման արգելքը

⚖️ «Ութ տարի է՝ փորձում եք ինձ «թալանչու» պիտակ կպցնել․ չի ստացվում»․ Արմեն Աշոտյան
Արմեն Աշոտյանը Գլխավոր դատախազության՝ իր դեմ ապօրինի գույքի բռնագանձման պահանջին անդրադառնալով՝ հայտարարել է, որ գործընթացը քաղաքական հետապնդման հերթական դրսևորումն է։
Նա ամբողջությամբ հերքել է իրեն կամ ընտանիքին վերագրվող ապօրինի ֆինանսական միջոցների և անշարժ գույքի առկայությունը՝ պնդելով, որ իրավունքները պատրաստվում է պաշտպանել նաև դատարանում։
aravot.am | @aravot⁠

⚡ «Չորրորդ Հանրապետությունը նվաստացած, ծնկած հայինն է»․ Աննա Մկրտչյան
ՀՀԿ ԳՄ անդամ Աննա Մկրտչյանը Սերժ Սարգսյանի գործով դատական նիստից առաջ լրագրողների հետ զրույցում քննադատեց իշխանությունների գործունեությունը՝ հայտարարելով, որ Նիկոլ Փաշինյանը զավթել է ԱԺ-ն և գործադիր իշխանությունը։
Անդրադառնալով Փաշինյանի՝ Չորրորդ Հանրապետություն մտնելու մասին հայտարարությանը՝ Մկրտչյանն ասաց, որ Երրորդ Հանրապետությունը հաղթող էր, իսկ Չորրորդ Հանրապետությունում հայը, իր գնահատմամբ, պետք է լինի անհայրենիք և զրկված իրավունքներից։
aravot.am | @aravot⁠

Մեր երկրի հիմնական խնդիրներից մեկն է բախումը չբերել մեր դուռը

⚖️ Բագրատ սրբազանի և մյուս 17 մեղադրյալների գործով նիստը 20 րոպեով ընդմիջվեց

Երևանի քրեական դատարանում այսօր մեկնարկել է Բագրատ արքեպիսկոպոս Գալստանյանի և մյուս 17 մեղադրյալների գործով դատական նիստը։ Պաշտպաններից ոչ բոլորը ներկայացել էին, ինչից հետո մեղադրող կողմն առաջարկել է ընդմիջում հայտարարել։
Դատավոր Կարեն Ֆարխոյանը 20 րոպե ընդմիջում է հայտարարել՝ նշելով, որ պետք է արմատախիլ անել դատական նիստերին ուշանալու պրակտիկան։
aravot.am | @aravot