Category: Aravot

📍📍📍ՄԱՅԻՍԻ 9-Ի ՈւՂԵՐՁՆԵՐԸ
🔺 2026 թվականի մայիսի 9–ը նշում ենք Հայաստանի եւ Ադրբեջանի միջեւ հաստատված խաղաղության պայմաններում. Նիկոլ Փաշինյան
🔺 Այսօր, երբ բռնազավթված և հայաթափված է Արցախը, պարտավոր ենք շարունակել հետամուտ լինել հայրենազրկված արցախահայության իրավունքների պաշտպանությանը․ Ամենայն Հայոց Կաթողիկոս
🔺 Մեր պարտքն է արժևորել անցյալի դասերը և ամեն օր նպաստել խաղաղ, անվտանգ և արժանապատիվ ապագայի կերտմանը․ Վահագն Խաչատուրյան
🔺 Չնայած Հայաստանի եւ Ադրբեջանի միջեւ հաստատված խաղաղությունն այլեւս իրողություն է, բայց այն պահանջում է նաեւ խնամք ու ուշադրություն․ Ալեն Սիմոնյան
🔺 Նրանց համար Հաղթանակը ոչ թե սրբություն է, այլ «թակարդ», իսկ պարտությունը` «ազատագրում կապանքներից»․ Լևոն Զուրաբյան
🔺 Արցախցու կամքը երբեք չի կոտրվել և չի կոտրվի․ Աշոտ Դանիելյան    
🔺Մայիսի 9-ը հնարավոր չէ ջնջել հայ ժողովրդի պատմությունից․ «Ուժեղ Հայաստան»

🔴 «Ադրբեջանը անվտանգության երաշխավոր կարող է լինել առանձին մարդկանց համար, ոչ՝ ՀՀ-ի». ՊՆ նախկին նախարար
Վաղարշակ Հարությունյանը հայտարարել է, որ Ադրբեջանի հետ հարաբերությունների ներկայիս պայմաններում այն չի կարող դիտարկվել որպես Հայաստանի անվտանգության երաշխավոր։
Նրա խոսքով՝ այն պետությունը, որի հետ առկա են սահմանային զորքեր և տարածքային պահանջներ, հանդիսանում է անմիջական ռազմական սպառնալիք, ուստի խոսել պետական մակարդակով երաշխիքների մասին հնարավոր չէ։
aravot.am | @aravot

🔴 «ՀՀ-ն դիվերսիֆիկացնում է իր հարաբերությունները ռազմական, պաշտպանական քաղաքականության ոլորտում»․ Արման Սարգսյան
Արման Սարգսյանը Հաղթանակի զբոսայգում հայտարարել է, որ Հայաստանը շարունակաբար ընդլայնում է իր արտաքին և պաշտպանական համագործակցությունը տարբեր երկրների հետ։
Նրա խոսքով՝ հատկապես ռազմական ոլորտում տեղի է ունենում հարաբերությունների դիվերսիֆիկացիա, ինչը պայմանավորված է անվտանգային միջավայրի փոփոխություններով և պետական շահերով։
Փոխնախարարը նաև նշել է, որ միջազգային գործընկերների հետ համագործակցությունը, այդ թվում՝ Հնդկաստանի հետ, նպաստում է պաշտպանական կարողությունների զարգացմանն ու տարածաշրջանային կայունությանը։
aravot.am | @aravot

🔴 «Դեսպանը կանչվել է, փոխանցվել է հայտագիր, եթե կարիք լինի, մենք դրան կպատասխանենք»․ ԱԳ փոխնախարար
Մնացական Սաֆարյանը հայտարարել է, որ հայ-ռուսական հարաբերություններում որոշ հարցեր քննարկման փուլում են, սակայն ճգնաժամ չի դիտարկվում։
Նա հաստատել է, որ Գուրգեն Արսենյանի կանչի վերաբերյալ արդեն փոխանցվել է հայտագիր:
Փոխնախարարը նաև նշել է, որ հայ-ռուսական հարաբերությունները շարունակում են մնալ երկխոսության շրջանակում, և ընթացիկ խնդիրները քննարկվում են գործընկերների հետ։
aravot.am | @aravot

🔴 Հայ-ռուսական հարաբերությունների լարվածությունը գնալով աճում է. Վաղարշակ Հարությունյան
Վաղարշակ Հարությունյանը Հաղթանակի զբոսայգում հայտարարել է, որ տարածաշրջանային անվտանգային միջավայրը շարունակում է մնալ լարված, իսկ Թուրքիան, նրա խոսքով, փորձում է պահպանել իր ազդեցությունը Հարավային Կովկասում։
Անդրադառնալով հայ-ռուսական հարաբերություններին՝ նա նշել է, որ դիվանագիտական քայլերը, այդ թվում՝ դեսպանին ԱԳՆ կանչելը, վկայում են արդեն առկա ճգնաժամային իրավիճակի մասին։
aravot.am | @aravot

🔴 «Մայրիկ ջան, մեր ընտրվելուց հետո է լինելու իրական խաղաղությունը». Արման Թաթոյան
Արման Թաթոյանը «Միասնության թևեր»-ի քարոզարշավի ընթացքում Նոր Նորքում հանդիպել է բնակիչների հետ՝ ներկայացնելով իրենց քաղաքական ուղերձները և պատասխանելով քաղաքացիների հարցերին։
Ցավալի կորուստների մասին խոսող քաղաքացիների հետ զրույցում Թաթոյանը հայտարարել է, որ իրենք պարտավորվում են ապահովել «իրական խաղաղություն»՝ ընդգծելով զոհվածների հիշատակի կարևորությունը և պետության նկատմամբ պարտքը։
aravot.am | @aravot

🚨 «Արման Թաթոյան- Սամվել Կարապետյան տանդեմը արդյունք կտա» Ռուսաստանաբնակ հայ գործարարը Հայաստանն այս բարդ իրավիճակից դուրս բերելու, իշխանության պառակտիչ գործունեությունը կասեցնելու սեփական տեսլականն ունի։
Արշակ Գրիգորյանի կարծիքով՝ Արման Թաթոյանի և Սամվել Կարապետյանի համատեղ աշխատանքը կարող է քաղաքական, դիվանագիտական և տնտեսական արդյունք ապահովել։
Նա նշել է, որ հայաստանյան ընտրական գործընթացը հաճախ «շապիտո-կրկեսի» տպավորություն է թողնում, սակայն իր գնահատմամբ՝ հենց Թաթոյանի թիմն է փորձում գաղափարական նոր շեշտադրում բերել։

🚨 «Հայաստանի՝ եվրոատլանտյան քաղաքական ընտանիք անցումը դրական, բայց նաև ռիսկային գործընթաց է»
Ըստ «Կազիմիր Պուլասկի» հիմնադրամի նախագահ, Վարշավայի անվտանգության ֆորումի հիմնադիր Զբիգնև Պիսարսկիի՝ Հայաստանի դեպի եվրոատլանտյան քաղաքական ընտանիք անցումը պահանջում է երկարաժամկետ ու գործնական աջակցություն։
Նա նշել է, որ եվրոպական երկրների ղեկավարների այցը արդեն քաղաքական հանձնառության նշան է, բայց այդ ժեստից հետո պետք է հետևեն կոնկրետ քայլեր:
aravot.am | @aravot

🔴 Արցախի կորուստ, պարտություն, 5000 կյանք… այս ամենը հետապնդելու է Նիկոլ Փաշինյանին մինչեւ գերեզման ու գերեզմանում էլ. Զուրաբյան
Լեւոն Զուրաբյանը հայտարարել է, որ մայիսի 9-ի խորհուրդը պետք է կապել ոչ միայն անցյալի հաղթանակների, այլ նաև հզոր ու ինքնիշխան պետություն կառուցելու անհրաժեշտության հետ։
Անդրադառնալով Նիկոլ Փաշինյանի հայտարարություններին՝ Զուրաբյանը պնդել է, որ 1990-ականների պայքարի իմաստը եղել է Արցախի ժողովրդի պաշտպանությունը, ոչ թե տարածքային նկրտումները։
aravot.am | @aravot

🔴 ՀՀ-ում ՌԴ դեսպանը՝ Գուրգեն Արսենյանին ՌԴ ԱԳՆ կանչելու մասին․ «Ավելացնելու բան չունեմ»
Սերգեյ Կոպիրկինը Հաղթանակի զբոսայգում լրագրողների հետ զրույցում հրաժարվել է մեկնաբանել հայ-ռուսական հարաբերությունների վերջին զարգացումները՝ նշելով, որ ավելացնելու բան չունի պաշտոնական հայտարարություններին։
Նա չի անդրադարձել նաև այն տեղեկությանը, որ Գուրգեն Արսենյանին կանչել են Ռուսաստանի արտաքին գործերի նախարարություն՝ կապված ԵՄ հովանու ներքո անցկացված միջոցառումների ընթացքում հնչած հայտարարությունների և Հայաստանի հարթակ տրամադրելու հարցերի հետ։
aravot.am | @aravot