Category: Aravot

#Բիզնես
💡«Սոլիս» ՓԲԸ-ն մեկնարկում է 2 մլն դոլարի պարտատոմսերի տեղաբաշխում։
Ամբեր Կապիտալի կողմից կառավարվող «Սոլիս» ընկերությունը սկսում է դոլարային պարտատոմսերի հրապարակային տեղաբաշխում՝ 2 մլն ԱՄՆ դոլար ծավալով։
Պարտատոմսերի տարեկան եկամտաբերությունը կազմում է 8%, շրջանառության ժամկետը՝ 48 ամիս։
aravot.am | @aravot

🟡 Հովհաննես Խուդոյան․ «Համայնքային բյուջեներով բաժանվում է օրինական ընտրակաշառք, ընտրությունները արդեն կեղծված են»
Փաստաբան Հովհաննես Խուդոյանը հայտարարել է, որ 2026 թվականի ընտրական գործընթացը արդեն իսկ ենթարկվել է համակարգային ազդեցությունների և կարող է դիտարկվել որպես կեղծված։
Նրա խոսքով՝ վարչական ռեսուրսի կիրառումը, համայնքային բյուջեներից իրականացվող սոցիալական ծրագրերը և իրավապահ մարմինների անգործությունը ձևավորում են ընտրությունների արդյունքների վրա ազդող միջավայր
aravot.am | @aravot

🟡 Արծվիկ Մինասյան․ «Եթե լիներ գլխավոր դատախազ, Փաշինյանի նկատմամբ քրեական հետապնդում կհարուցվեր»
«Հայաստան» դաշինքի ներկայացուցիչ Արծվիկ Մինասյանը հայտարարել է, որ ընտրարշավի ընթացքում իրավապահ համակարգը և վարչական ռեսուրսը օգտագործվում են քաղաքական նպատակներով։
Նա նշել է, որ եթե դատախազությունը գործեր անկախ, ապա վարչապետ Նիկոլ Փաշինյանի նկատմամբ արդեն պետք է քրեական հետապնդում նախաձեռնվեր՝ կապված քարոզարշավի ընթացքում հնչեցված հայտարարությունների հետ։
aravot.am | @aravot

⚡️ «Չեմ ուզում սայլը ձիուց առաջ դնել, բայց քննարկումներ ունենք ԵՄ գործընկերների հետ՝ մաքսատուրքերի հարցում դեպի մեր արտադրողը քայլեր անելու»
Արտաքին գործերի նախարար Արարատ Միրզոյանը հայտարարել է, որ Հայաստանի կառավարությունը քննարկումներ է վարում ԵՄ գործընկերների հետ՝ հայկական արտադրանքի արտահանման համար մաքսային պայմանների մեղմացման ուղղությամբ։
Նրա խոսքով՝ միաժամանակ նախատեսվում է պետական աջակցություն՝ արտահանողների համար, այդ թվում՝ որոշ շուկաներում մաքսատուրքերի փոխհատուցում, որպեսզի խթանվի թարմ գյուղմթերքի և ծաղիկների արտահանումը դեպի ԵՄ, ՄԹ և Կանադա։
aravot.am | @aravot

📌 Ռուսաստանի դիրքորոշումը Հայաստանի ընտրությունների վերաբերյալ չի փոխվել․ Զախարովա
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Հայաստանի հունիսի 7-ի խորհրդարանական ընտրությունների վերաբերյալ Ռուսաստանի դիրքորոշումը շարունակում է մնալ նույնը, ինչ ներկայացրել էր ՌԴ նախագահ Վլադիմիր Պուտինը։
Նրա խոսքով՝ նախընտրական ներքաղաքական գործընթացները չպետք է վնասեն Մոսկվայի և Երևանի հարաբերություններին։
aravot.am | @aravot

⚡ «ՀՀ-ում արտադրված որակյալ գյուղմթերքն արտահանվելու է՝ անկախ որեւէ երկրի կամ շուկայի ստեղծած արհեստական խոչընդոտներից»․ նոր որոշումներ արտահանման ոլորտում
Կառավարությունը հաստատել է ջերմատնային արտադրության թարմ պտուղ-բանջարեղենի և ծաղիկների արտահանման աջակցության ծրագիրը։ Միջոցառման շրջանակում արտահանողների համար կտրամադրվի փոխհատուցում՝ ելակի, լոլիկի, պղպեղի և ծաղիկների արտահանված ծավալների դիմաց։
Բացի այդ, ընդունվել է ևս մեկ որոշում, ըստ որի՝ դեպի Եվրամիություն, Մեծ Բրիտանիա և Կանադա արտահանվող թարմ պտուղ-բանջարեղենի և ծաղիկների համար ՀՀ կառավարությունը կփոխհատուցի վճարված մաքսատուրքերը։
aravot.am | @aravot

⚡ «ՀՀ քաղաքացին ընտրություն է կատարելու՝ Հայաստանը պետք է լինի «Նիժնի Տապռ» գյո՞ւղ, թե՞ Հայաստանը պետք է լինի ՀՀ»․ Նիկոլ Փաշինյան
ՔՊ վարչապետի թեկնածու Նիկոլ Փաշինյանը Խարբերդում անցկացված քարոզարշավի ընթացքում հայտարարել է, որ հունիսի 7-ի ընտրություններում քաղաքացիները ընտրություն են կատարելու Հայաստանի ինքնիշխանության և պետականության ապագայի շուրջ։
Նրա խոսքով՝ քաղաքացիները պետք է որոշեն՝ Հայաստանը մնալու է անկախ և պետականատեր երկիր, թե շարժվելու է այլ ուղղությամբ։ Փաշինյանը նաև վստահություն է հայտնել, որ ընտրությունների արդյունքներով Հայաստանը շարունակելու է զարգանալ որպես ինքնուրույն պետություն։
aravot.am | @aravot