Category: Aravot

«Ուժեղ Հայաստանը» օրենքով արգելելու է որևէ ադրբեջանցու որևէ տարբերակով Հայաստանում հող կամ բնակարան գնել: Մենք թույլ չենք տա, որ մեզ մոլորեցնեն. Գոհար Ղումաշյան

#խմբագրական
🎗️ «Հայաստանում ներքին թշնամիներ չկան»
Երբ հայ գերիներն ու պատանդները գտնվում են թշնամի երկրի բանտերում, պետությունը պարտավոր է անել ամեն ինչ նրանց ազատելու համար։ Իշխանությունները ոչ միայն բավարար ջանք չեն գործադրում, այլեւ հաճախ խուսափում են անգամ մարդկային կարեկցանք արտահայտելուց։
Քաղաքական խոսույթում մարդկանց «լրտես», «ռսի շպիոն» կամ «ներքին թշնամի» ներկայացնելը հասարակության բաժանման վտանգավոր դրսեւորում է։ Հայաստանում «ներքին թշնամիներ» չկան, իսկ ատելության լեզուն չի կարող պետության հիմք լինել։
🔗 Արամ Աբրահամյանի խմբագրականը

Մեր ժողովրդի շարքերում գտնվել է մարդկանց փոքրիկ խմբակ, որոնք չեն կարողանում բարիք ստեղծել, ոչինչ արարել, բայց կարողանում են լափել ու թալանել. Էդգար Ղազարյան

‼️ Դատի է տալու Նիկոլ Փաշինյանին, հիշում է 2018-ի միջադեպերը և բացահայտում նախկին իշխանափոխության կուլիսային դրվագները։
«Այլ օրակարգ»-ի հյուրը «Երկիր Ծիրանի» կուսակցության նախագահ Զարուհի Փոստանջյանն է։
▪️ Ինչո՞ւ է պնդում, որ դատական գործընթացն արդեն սկսվել է
▪️ Ի՞նչ է տեղի ունեցել 2018 թվականի ապրիլի 22-ին հարթակի աստիճանների մոտ
▪️ Ինչպե՞ս է գնահատում Նիկոլ Փաշինյանի՝ Արաբկիրի միջադեպին տված արձագանքը

😮 Քոչարյանը ընդունեց․ Սերժ Սարգսյանին իշխանությունը փոխանցելը իր ամենամեծ սխալն էր
Քաջարանում ընտրողի հարցին ի պատասխան Ռոբերտ Քոչարյանը համաձայնել է, որ Սերժ Սարգսյանին իշխանությունը փոխանցելը իր կյանքի ամենամեծ սխալն էր։ Միաժամանակ նա մերժել է այն տեսակետը, թե երկիրը պետք էր ղեկավարել «ռազմական դիկտատուրայի» պայմաններում։
Քոչարյանը նաև անդրադարձել է Քաջարանում քաղաքական ճնշումների մասին հնչած պնդումներին՝ հայտարարելով, որ նման դեպքերը պետք է վերանայվեն, և ընդգծել է, որ ընտրության ժամանակ քաղաքացիներն ազատ են իրենց քվեն տալու հարցում։
aravot.am | @aravot

#Մշակույթ
🎭 Թբիլիսիի հայկական թատրոնում կայացել է Էլֆիք Զոհրաբյանի «Ի՞նչ է քո անունը» պիեսի պրեմիերան
170-ամյա Պետրոս Ադամյանի անվան պետական հայկական թատրոնը հերթական անգամ դիմել է ժամանակակից հայ դրամատուրգիային՝ բեմադրելով Էլֆիք Զոհրաբյանի «Ի՞նչ է քո անունը» («Սե՞ր, թե՞ քուանշ») ռոմանտիկ կատակերգությունը։
Ներկայացումը բեմադրել է երիտասարդ ռեժիսոր Ալեքս Սաչյանը, որը նաև գլխավոր դերակատարն է։ Թատրոնի գեղարվեստական ղեկավար Արմեն Բայանդուրյանի խոսքով՝ Զոհրաբյանը դարձել է թատրոնի «խաղացանկային դրամատուրգը», քանի որ նրա ստեղծագործություններից արդեն երրորդ բեմադրությունն է ներկայացվում թատրոնում։
aravot.am | @aravot

🎙️ «Ստորություն է ասել, թե գերիների հարցին եմ պատասխանել՝ «ծընգլ արիք»»․ Արարատ Միրզոյան
Արարատ Միրզոյանը արձագանքել է քննադատություններին՝ հայտարարելով, որ իր «ծընգլ արիք» արտահայտությունը վերաբերում էր լրագրողների հարցադրման ձևին, ոչ թե հայ գերիների թեմային։
ԱԳ նախարարը նշել է, որ իրականության խեղաթյուրում է ներկայացնել, թե ինքը գերիների մասին հարցին է այդպես արձագանքել՝ դա անվանելով «ստորություն» և մանիպուլյացիա»։
aravot.am | @aravot

⚖️ Սամվել Կարապետյանի պաշտպանները պահանջում են դադարեցնել մեղադրանքի մեկ դրվագը
Սամվել Կարապետյանի գործով դատական նիստում պաշտպանական կողմը միջնորդել է դադարեցնել «Ստրոյպրոյեկտի» դրվագով քրեական հետապնդումը՝ պնդելով, որ դատարանները նախկինում չեն հաստատել նույնիսկ հիմնավոր կասկածի նվազագույն շեմը։
Փաստաբան Արշակ Վարդանյանի խոսքով՝ այդ դրվագը պետք է բացառվեր մեղադրական եզրակացությունից, սակայն գործը դատարան է ուղարկվել նաև այդ հիմքով։ Հարցի վերաբերյալ դատարանը դիրքորոշում կհայտնի հաջորդ նիստերից մեկում։
aravot.am | @aravot

🎯 «Եթե իմ ձեռքում լինի, գերիները մեկ ամիս էլ չեն մնա Բաքվում»․ Գագիկ Ծառուկյան
Գագիկ Ծառուկյանը հայտարարել է, որ հայ գերիների հարցը պատվի և արժանապատվության խնդիր է, և այն հնարավոր է լուծել ազդեցիկ միջնորդների՝ Պուտինի, Թրամփի, Մակրոնի կամ Լուկաշենկոյի մասնակցությամբ։ Նրա խոսքով՝ գերիների առկայության պայմաններում երաշխավորված խաղաղություն լինել չի կարող։
Ծառուկյանը նաև նշել է, որ իշխանությունները երբեք չեն դիմել իրեն՝ միջազգային կապերն օգտագործելու համար, և ընդգծել է. «Եթե դա իմ ձեռքում լինի, իրենք գերության մեջ մեկ ամիս էլ չեն մնա»։
aravot.am | @aravot

🔥 «Փաշինյանն է գնալու Ադրբեջան, ոչ թե մենք՝ Ռուսաստան»․ Սամվել Կարապետյան
Սամվել Կարապետյանը մեկնաբանել է The Insider-ի հրապարակումը՝ Ալինա Կաբաևայի հետ կապվող ֆրանսիական վիլլայի մասին՝ նշելով, որ չի կարող պատասխանել, թե ով է այնտեղ ապրել մինչև իր գնումը։ Նա նաև ծաղրել է իր՝ Փաշինյանի հեռացման ծրագրին մասնակցելու մասին հրապարակումները՝ ասելով. «Եկել եմ Հայաստան՝ ձեզ փրկելու»։
Անդրադառնալով ընտրություններին՝ Կարապետյանը հայտարարել է, որ քաղաքացիները խնդրում են հնարավորինս շուտ հեռացնել Նիկոլ Փաշինյանին, իսկ պարտության դեպքում Ռուսաստան վերադառնալու հարցին արձագանքել է. «Մենք չենք պարտվելու, Փաշինյանն է գնալու Ադրբեջան»։
aravot.am | @aravot