Category: Aravot

📈 ՄԻՊ․ 2025-ին ստացվել է ավելի քան 22 հազար դիմում-բողոք
ԱԺ մշտական հանձնաժողովների համատեղ նիստում Մարդու իրավունքների պաշտպան Անահիտ Մանասյանը հայտնել է, որ 2025 թվականին ՄԻՊ-ին հասցեագրվել է ավելի քան 22 հազար դիմում-բողոք, ինչը շուրջ 2900-ով ավելի է նախորդ տարվա ցուցանիշից։
Մանասյանի խոսքով՝ դիմումների զգալի մասը ներկայացվել է մարզերից, հիմնականում կանանց կողմից, և վերաբերում է ընտանեկան բռնության դեպքերին։ Նա նաև նշել է, որ ՄԻՊ աշխատակազմի բյուջեն և շենքային պայմանները վերանայման կարիք ունեն։
aravot.am⁠ | @aravot

💰 Հարկատուները կկարողանան իրենց հարկի մի մասը ուղղել ՀԿ-ներին և լրատվամիջոցներին
Ֆինանսների նախարարությունը ներկայացրել է Հարկային օրենսգրքի փոփոխությունների նախագիծ, որով քաղաքացիները կկարողանան իրենց նախընտրած հասարակական կազմակերպությանը կամ լրատվամիջոցին նվիրատվություն կատարել և հետագայում այդ գումարը փոխհատուցում ստանալ վճարած եկամտային հարկի հաշվին։
Նոր մեխանիզմը նախատեսվում է կիրառել 2027 թվականի հունվարի 1-ից, իսկ կազմակերպությունների ընտրությունը կատարելու է բացառապես հարկատուն։
aravot.am⁠ | @aravot

🗳️ «Ուժեղ Հայաստանը» ուսումնասիրում է ընտրական գործընթացի բոլոր խախտումները․ Արթուր Դանիելյան

«Ուժեղ Հայաստան» կուսակցության անդամ Արթուր Դանիելյանը հայտնել է, որ դաշինքը փաստագրում և ուսումնասիրում է ընտրական գործընթացի ընթացքում արձանագրված բոլոր խախտումները։
Նրա խոսքով՝ վերջնական որոշումը կընդունվի միայն փաստերի և ապացույցների հիման վրա, իսկ դաշինքի քայլերը լինելու են կշռադատված ու ուղղված քաղաքացիների վստահության և Հայաստանի շահերի պաշտպանությանը։
aravot.am | @aravot

🗳️ Երեք տեղամասի վերահաշվարկից հետո փոփոխվել են կուսակցությունների ստացած ձայները
Թիվ 6 ընտրատարածքային ընտրական հանձնաժողովում ավարտվել է 6/16, 6/44 և 6/23 ընտրատեղամասերի արդյունքների վերահաշվարկը։
Վերահաշվարկի արդյունքում մի շարք անվավեր քվեաթերթիկներ ճանաչվել են վավեր, ինչի հետևանքով լրացուցիչ ձայներ են ստացել ՔՊ-ն, ՀԱԿ-ը, «Լուսավոր Հայաստանը» և Շնորհապետական կուսակցությունը, իսկ մեկ տեղամասում ՔՊ-ն կորցրել է մեկ ձայն։
aravot.am | @aravot

⚖️ «Եթե ես ՄԻՊ-ը լինեի, կգնայի Արտուրի բանտի մոտ ու հացադուլ կանեի»․ Նինա Կարապետյանց

«Առավոտի» հետ հարցազրույցում իրավապաշտպան Նինա Կարապետյանցը անդրադարձել է հացադուլի մեջ գտնվող Արտուր Օսիպյանի գործին՝ քննադատելով Մարդու իրավունքների պաշտպանի արձագանքի բացակայությունը։
Նա հայտարարել է, որ եթե ինքը լիներ ՄԻՊ-ը, անձամբ կգնար Օսիպյանի պահման վայրի մոտ և հացադուլ կսկսեր, որպեսզի ուշադրություն հրավիրեր խնդրի վրա։
aravot.am | @aravot

⚠️ Ընտրախախտումների մասին հրապարակումներից հետո լրագրող Նարեկ Խաչատրյանը վարժական հավաքի ծանուցում է ստացել
NEWS.am-ի լրագրող Նարեկ Խաչատրյանը, որը ընտրարշավի ընթացքում և քվեարկության օրը լուսաբանել ու արձանագրել էր մի շարք ենթադրյալ խախտումներ, ընտրություններից անմիջապես հետո հրավիրվել է զինկոմիսարիատ և ստացել 25-օրյա վարժական հավաքների մասնակցության ծանուցում։
Մինչ այդ լրագրողը հրապարակել էր Սոթքի ընտրատեղամասից տեսանյութ, որտեղ երևում էին զինծառայողների կուտակումներ և ընտրատեղամասում գտնվող անհայտ անձինք։ Հոդվածում հարց է բարձրացվում՝ արդյոք տեղի ունեցածը զուգադիպությո՞ւն է, թե ոչ։
aravot.am | @aravot

🎨 Մանկական երևակայության անկաշկանդ թռիչքը
«City of Smile» հիմնադրամի շահառու երեխաների համար իրականացվել է «Տպավորություն» արտ-թերապիայի նախագիծը։ Փոքրիկները հոգեբանի, երաժշտագետի և արտ-թերապևտի օգնությամբ լսել են դասական երաժշտություն, ապա իրենց հույզերը փոխանցել թղթին։
Նախագիծն իրականացրել է ԵԹԿՊԻ Արվեստի կառավարման բաժնի առաջին կուրսի ուսանողուհի Սոֆի Մելիքսեթյանը։
aravot.am | @aravot_

Արծաթյա զարդերի արտադրությամբ զբաղվող երգչուհի Սիրուշոն ինստագրամյան իր էջի սթորի բաժնում հայտնում է, թե իրենց ասել են, որ մինչև ամսի 11-ը Pregomesh խանութի վրայից պետք է հանվի մեծ խաչը, հակառակ դեպքում տուգանվելու են:

🩰 Ռիմա Պիպոյանի «ԽԱԼԻ» ներկայացմամբ բացվել է Բուլղարիայի «Սև արկղ» հոբելյանական փառատոնը
Բուլղարիայի Պլովդիվ քաղաքում հունիսի 2-ին մեկնարկել է «Սև արկղ» ժամանակակից պարի և թատրոնի 20-րդ հոբելյանական միջազգային փառատոնը, որի պաշտոնական բացումը նշանավորվել է խորեոգրաֆ Ռիմա Պիպոյանի «ԽԱԼԻ» (Հայկական գորգ) ներկայացմամբ։
Բուլղարական մամուլն ու քննադատները մեծ հիացմունքով են անդրադարձել հայկական ներկայացմանը։
aravot.am | @aravot_

🗣 «Ընդդիմությանը եվրոպական ստանդարտներ պարտադրելուց առաջ` իշխանությունը նախ ինքը պետք է գործի եվրոպական պետականության տրամաբանությամբ». Տաթև Զորյան
ՀԱԿ վարչության անդամ, քաղաքագետ Տաթև Զորյանը մեթոդոլոգիական սխալ է համարել ՔՊ-ի՝ Հայաստանը Ֆրանսիայի կամ Հունգարիայի հետ համեմատելը և ընդդիմությունից շնորհավորանքներ ակնկալելը։ Նա նշել է, որ արևմտյան երկրներում հաղթողին շնորհավորում են վստահելի էքզիթ փոլերի հիման վրա, մինչդեռ Նիկոլ Փաշինյանը հաղթանակ է հայտարարել ԿԸՀ-ի տվյալների հազիվ 15-20%-ի պայմաններում։
Զորյանի խոսքով՝ տեղամասերի տեխնիկական թափանցիկությունը դեռ չի նշանակում արդար ընտրություններ, քանի որ արդյունքները կանխորոշվել են նախքան քվեարկությունը՝ վարչական ռեսուրսի, ուժայինների և ընդդիմության նկատմամբ ճնշումների գործադրմամբ։
aravot.am | @aravot_