Category: Aravot

🚨 Aravot.am․ Ավետ Կոնջորյանի ծեծի գործով ձերբակալվել է Աբովյանի ՔՊ-ական ավագանու անդամը
Aravot.am-ի տեղեկություններով՝ Հայկ Կոնջորյանի եղբոր՝ Ավետ Կոնջորյանի ծեծի գործով ձերբակալվածներից մեկը Աբովյան համայնքի ՔՊ-ական ավագանու անդամ Նաիրի Հակոբյանն է։
Իրավապահները դեռ չեն հրապարակել երկրորդ ձերբակալվածի ինքնությունը, իսկ գործի շրջանակում քննարկվում է ևս մի քանի անձի հնարավոր առնչությունը դեպքին։
aravot.am⁠ | @aravot

💬 «Նոր ուժը նոր անունը չէ, այլ արդիական գաղափարներն ու լուծումներն են»․ Արտակ Զաքարյան

ՀՀ պաշտպանության նախկին փոխնախարար Արտակ Զաքարյանը գրել է, որ նոր քաղաքական ուժերը պետք է առաջարկեն արդիական, իրատեսական լուծումներ, իսկ գործող քաղաքական ուժերը՝ վերաիմաստավորեն իրենց փորձն ու նորացված ծրագրերով ներկայանան հանրությանը։
Նրա կարծիքով՝ հակառակ դեպքում հանրային օրակարգում շարունակելու են գերակշռել քաղաքական աղմուկն ու ձերբակալությունների թեմաները։
aravot.am | @aravot

🥁 «Հայկական դհոլի ռիթմը սահմաններ չի ճանաչում». Էֆո
Դհոլահար Սերգեյ Խաչատրյանը (Էֆո) շարունակում է հայկական դհոլի արվեստը ներկայացնել միջազգային հեղինակավոր հարթակներում՝ Ֆրանսիայի կոնսերվատորիաներում անցկացրած վարպետության դասերով, «Դհոլի բանալի» ուսումնական ձեռնարկով և «DholKey» թվային հավելվածով։
Նրա նախաձեռնությունները միտված են հայկական ռիթմի ակադեմիական զարգացմանն ու աշխարհում առավել լայն ճանաչմանը։

🎯 Տպավորություն է, որ ՀՀ իշխանությունները դեմ չեն «անկլավների» անվան տակ Ադրբեջանին հանձնել մեր երկրի որոշ տարածքներ. քաղաքագետ
Քաղաքագետ Միհրան Շահզադեյանը հայտարարել է, որ պետական սահմանները որոշվում են ոչ թե քարտեզներով, այլ միջազգային իրավունքի նորմերով և միջպետական իրավական ակտերով։
Նրա խոսքով՝ խորհրդային իրավական համակարգում «անկլավ» կարգավիճակ չի եղել, ուստի Տիգրանաշենը կամ այլ բնակավայր այդպես անվանելու համար իրավական հիմքեր չկան։
🔗 aravot.am | @aravot

🎯 «Ծերանալու մեջ ոչ մի լավ բան չկա». Միք Ջագերը՝ տարիքի, հիշողության և արհեստական բանականության մասին
The Rolling Stones-ի մենակատար Միք Ջագերը խոստովանել է, որ ծերանալու մեջ որևէ դրական բան չի տեսնում՝ նշելով, որ տարիքի հետ դժվարացել են թե՛ հիշողությունը, թե՛ ֆիզիկական հնարավորությունները։
Երաժիշտը նաև անդրադարձել է արհեստական բանականությանը՝ նշելով, որ խմբի նոր տեսահոլովակում deepfake տեխնոլոգիան օգտագործվել է միայն երաժիշտների դեմքերը երիտասարդացնելու համար։
🔗 aravot.am | @aravot

🎯 «Հայցում ենք մեր իրանցի գործընկերներից, մեր իրանցի եղբայրներից համապատասխան հետադարձ գործողություններ». Արման Աբովյան
Արման Աբովյանը հայտարարել է, որ ԲՀԿ-ն մշտապես աջակցել է հայ-իրանական հարաբերությունների ամրապնդմանը և մտահոգություն հայտնել, որ քաղաքական գործընթացներում ներգրավվել են Իրանի քաղաքացիներ։
Նա հույս է հայտնել, որ Իրանի իրավասու մարմինները համապատասխան քայլեր կձեռնարկեն՝ կանխելու նման իրավիճակները և ընդգծել, որ հայ-իրանական հարաբերությունները չպետք է տուժեն։
🔗 aravot.am | @aravot

🎯 «Սահմանել ենք օրինակելի պայմանագրի տիպային ձև, որը ստորագրելիս նոտարական վավերացումն այլևս պարտադիր պահանջ չի լինի». Նանե Ղազարյան
Կադաստրի կոմիտեի ղեկավարի տեղակալ Նանե Ղազարյանը հայտնել է, որ սահմանվել է օրինակելի պայմանագրի ձև, որի կիրառմամբ որոշ գործարքներ հնարավոր կլինի կնքել առանց նոտարական վավերացման։
Քաղաքացիները, բանկերը, վարկային կազմակերպություններն ու կառուցապատողները հնարավորություն կունենան պայմանագրերը ստորագրել էլեկտրոնային համակարգով և ներկայացնել պետական գրանցման։
🔗 aravot.am | @aravot

#⚖️ Սամվել Կարապետյանը հայց է ներկայացրել ընդդեմ Կոռուպցիայի կանխարգելման հանձնաժողովի
«Ուժեղ Հայաստան» կուսակցության նախագահ Սամվել Կարապետյանը Վարչական դատարան հայցադիմում է ներկայացրել ընդդեմ Կոռուպցիայի կանխարգելման հանձնաժողովի՝ վիճարկելով հանձնաժողովի որոշումը։
ԿԿՀ-ն ավելի վաղ նրան տուգանել էր 200 հազար դրամով՝ կուսակցության նախագահի պարտականություններն ստանձնելու օրվա դրությամբ առկա գույքի և եկամուտների հայտարարագիրը չներկայացնելու համար։
🔗 aravot.am | @aravot

🎯 «Հայ-իրանական հարաբերությունները վտանգված են երկու խաբեբաների պատճառով». Իվետա Տոնոյան
ԲՀԿ ներկայացուցիչները Իրանի դեսպանատան մոտ փոխանցել են կուսակցության նամակը՝ կապված Գագիկ Ծառուկյանի նկատմամբ հարուցված քրեական գործընթացի հետ։
Իվետա Տոնոյանը հայտարարել է, որ տեղի ունեցողը համարում են քաղաքական գործընթաց և նշել, որ, իրենց կարծիքով, երկու իրանցի գործարարների ցուցմունքները կարող են վնասել հայ-իրանական հարաբերություններին։
🔗 aravot.am | @aravot

⚖️ Armat Media-ի խուզարկությունն ապօրինի է ճանաչվել
Վերաքննիչ դատարանը Armat Media-ի խմբագրությունում իրականացված խուզարկությունն ապօրինի է ճանաչել՝ արձանագրելով, որ խախտվել են մեդիայի սեփականատեր Ալիկ Ալեքսանյանի իրավունքները։
Խմբագրությունում խուզարկության և առգրավումների վերաբերյալ ավելի վաղ հաղորդվել էր, որ իրավապահները իրականացրել են քննչական գործողություններ՝ քրեական վարույթի շրջանակում։