Category: Aravot

📬📬📬 Մամուլը գրում է
🔺ԿԿՀ-ն արձանագրել է, որ նախընտրական շրջանում քաղաքական բանավեճերի ժամանակ արտահայտվելու ազատության սահմանները հատկապես լայն են. «Ժողովուրդ»
🔺Պարտադիր զինվորական ծառայության զորակոչից տարկետում ստացած քաղաքացիների համար կսահմանվի զորակոչի ենթակա լինելու 32 տարեկան շեմը. «Փաստ»
🔺Եթե մեկ կամ երկու մեքենա Եվրոպա գնացել է, դա չի նշանակում, որ հաջորդ խմբաքանակները կամ տասնյակ հազարավոր տոննաներ կկարողանանք արտահանել. Սուրեն Պարսյան. «Փաստ»
🔺Ինչ է հայտարարագրել ԿԸՀ նախագահ Վահագն Հովակիմյանը. «Ժողովուրդ»
🔺Աշոտ Հարությունյան. Հայկական ապրանքն իր արժեքով, ինքնարժեքով տեղ չունի եվրոպական շուկայում, թողեք այդ հեքիաթները. «Հրապարակ»
🔺Թունելի դեպքում վնաս չկա: Որքան ավելի շատ են օգտագործվում թունելներ եւ կամուրջներ, այնքանով այդ ճանապարհը քիչ է ազդում միջավայրի, բնության վրա. Ֆելիքս Փիրումյան. «Հրապարակ»
🔺Եթե նույնիսկ IMEI կոդերի տվյալների բազայի միայն մի մասը հայտնվի թշնամական պետությունների, հաքերային խմբավորումների կամ կազմակերպված հանցավոր խմբերի ձեռքում, դա կարող է հանգեցնել ազգային անվտանգության խնդիրների. «Փաստ»
🔺Ֆիրդուսի թաղամասի ավարտական տեսքը դեռեւս անգամ չկա, բայց ամենասկզբում հենց Ֆիրդուսից են սկսել, մարդկանց ստիպում էին վաճառել տները: Կոնդի պարագայում հարցը շատ ավելի բարդ է. Իզաբելլա Աբգարյան. «Հրապարակ»
Մամուլի տեսությունն ամբողջությամբ

🔵 «Մենք պարտավոր ենք մինչև հուլիսի 4-ն ավարտել և որոշումը հրապարակել»․ ՍԴ նախագահ
ՍԴ նախագահ Արման Դիլանյանը հայտնել է, որ ընտրությունների արդյունքների վերաբերյալ գործով դատարանը պարտավոր է մինչև հուլիսի 4-ը ավարտել քննությունն ու հրապարակել որոշումը։
Նա նաև պարզաբանել է, որ նիստի մի հատվածը անցկացվում է դռնփակ՝ գաղտնի փաստաթղթերի ուսումնասիրման պատճառով, իսկ դատավորների ակտիվ հարցադրումները բխում են ՍԴ մասին օրենքով նախատեսված լիազորություններից։
🔗 aravot.am | @aravot

🎯 Ինչ է ծածկում եւ սպասարկում Նեթանյահուն հայկական խաղաքարտով
Իսրայելի կառավարության կողմից Հայոց ցեղասպանության ճանաչման որոշմումը համընկնում է տարածաշրջանային և միջազգային նոր զարգացումների հետ, ինչը հարցեր է առաջացնում դրա իրական շարժառիթների վերաբերյալ։
Որոշումը կայացվել է այն ժամանակ, երբ տարածաշրջանում վերաձևավորվում են ուժերի հարաբերակցությունները, իսկ Իսրայելի արտաքին քաղաքական քայլերը կարող են պայմանավորված լինել ավելի լայն ռազմավարական հաշվարկներով, քան միայն պատմական արդարության հարցը։
✍️ Հակոբ Բադալյանի մեկնաբանությունը

«Ուժեղ Հայաստան»-ը ՍԴ-ից խնդրել է ԿԸՀ-ին պարտավորեցնել ներկայացնել փակ ցուցակով ընտրողների թվի վերաբերյալ տվյալները
Սահմանադրական դատարանում «Ուժեղ Հայաստան» դաշինքի ներկայացուցիչ Գոհար Մելոյանը պարզաբանեց, որ իրենց միջնորդությամբ խնդրում են ԿԸՀ-ին պարտավորեցնել տրամադրել տվյալներ փակ ցուցակով գրանցված ընտրողների թվի վերաբերյալ՝ ըստ ընտրական տեղամասերի։
Ի պատասխան՝ ԿԸՀ նախագահ Վահագն Հովակիմյանը հետաքրքրվեց՝ արդյոք խոսքը զինծառայողների քվեարկությանը վերաբերող տվյալների մասին է, ինչին Մելոյանը պատասխանեց, որ պահանջում են ոչ թե անվանական տվյալներ, այլ միայն թվային տեղեկատվություն։
aravot.am⁠ | @aravot

🗣️ Սուրեն Սուրենյանց․ Ռուբեն Ռուբինյանի առաջադրումը Թուրքիայի համար ուղերձ է
Քաղաքագետ Սուրեն Սուրենյանցը հայտարարել է, որ Ռուբեն Ռուբինյանին ԱԺ նախագահի թեկնածու առաջադրելը կարող է լինել Թուրքիայի ուղղությամբ քաղաքական ուղերձ՝ հաշվի առնելով նրա ներգրավվածությունը հայ-թուրքական հարաբերությունների կարգավորման գործընթացում։
Սուրենյանցի խոսքով՝ Թուրքիան Հայաստանի հետ հարաբերությունները շարունակում է կապել հայ-ադրբեջանական օրակարգի հետ, իսկ Հայաստանի գործող իշխանության քաղաքականությունը գնահատել է որպես Ադրբեջանի պահանջներին համապատասխանեցման գործընթաց։
aravot.am⁠ | @aravot

🗣️ Փաշինյան․ Հայոց ցեղասպանության ճանաչման հարցով արձագանքի կարիք չենք տեսնում
Նիկոլ Փաշինյանը հայտարարել է, որ Հայաստանի իշխանությունները չեն պատրաստվում պաշտոնապես արձագանքել Իսրայելի կառավարության կողմից Հայոց ցեղասպանության ճանաչմանը, քանի որ, նրա խոսքով, «Հայոց ցեղասպանության զենքայնացման թեմայի մեջ չմտնելը բխում է ՀՀ շահերից»։
Վարչապետը նաև հայտնել է, որ առաջիկայում նախատեսվում են շփումներ ռուսական կողմի հետ, իսկ հուլիսի 4-ին կմասնակցի ԵԱՏՄ միջկառավարական խորհրդի նիստին։ Նրա խոսքով՝ ՌԴ-ի հետ կքննարկվեն առկա հարցերը, սակայն «պատժամիջոց» ձևակերպումը ճիշտ չէ։
aravot.am⁠ | @aravot

🏛️ Փաշինյան․ Ալեն Սիմոնյանի հետ անձնական խնդիր չկա
ՔՊ վարչության նիստից հետո Նիկոլ Փաշինյանը հայտարարել է, որ իր և դեռևս գործող ԱԺ նախագահ Ալեն Սիմոնյանի միջև որևէ անձնական խնդիր չկա։
Վարչապետի խոսքով՝ Ալեն Սիմոնյանի հետագա գործունեության հարցը դեռ կքննարկվի՝ նրա և թիմի հետ։ Փաշինյանն ընդգծել է, որ նախկին բարձրաստիճան պաշտոնյաների փորձը քաղաքական կարևոր կապիտալ է։
aravot.am⁠ | @aravot

⚡ Պետրոսյան․ ՀԷՑ-ի պետականացման գործընթացը շարունակվում է
ՀԷՑ-ի ժամանակավոր կառավարիչ Ռոմանոս Պետրոսյանի խոսքով՝ ընկերության պետականացման գործընթացն ինտենսիվ փուլում է, և հուլիսի կեսերին կառավարությունը նախատեսում է որոշում ընդունել ՀԷՑ-ը հանրության գերակա շահ ճանաչելու վերաբերյալ։
Նա նշել է, որ դրանից հետո կսկսվեն ընկերության շուկայական արժեքի գնահատման և փոխհատուցման գործընթացները։ Անդրադառնալով ՍԴ-ում ընտրությունների արդյունքների վիճարկմանը՝ Պետրոսյանն ասել է, որ «կյանքը չի կարող կանգ առնել», իսկ իշխանությունը կգործի ՍԴ վերջնական որոշման տրամաբանությամբ։
aravot.am⁠ | @aravot

⚽ Գնել Սանոսյանը՝ որդու զինծառայությունից տարկետման մասին
ՔՊ վարչության անդամ Գնել Սանոսյանը հայտարարել է, որ իր որդին առողջական խնդիրների պատճառով օրինական հիմքով տարկետում է ստացել պարտադիր զինվորական ծառայությունից և հետագայում կրկին կանցնի բժշկական հետազոտություն։
Սանոսյանի խոսքով՝ որդին զբաղվում է պրոֆեսիոնալ ֆուտբոլով, ունի սրտի և այլ առողջական խնդիրներ, իսկ նման դեպքերը պրոֆեսիոնալ մարզիկների շրջանում հազվադեպ չեն։ Նա նաև բացառել է, որ իր պաշտոնը որևէ ազդեցություն է ունեցել տարկետման որոշման վրա։
aravot.am⁠ | @aravot

«Ինչո՞ւ ԿԸՀ-ն ժամանակին չի արձագանքել այս խնդիրներին»․ ՍԴ դատավոր Սեդա Սաֆարյան
Սահմանադրական դատարանում դատավոր Սեդա Սաֆարյանը ԿԸՀ նախագահ Վահագն Հովակիմյանից հետաքրքրվեց, թե ինչու ԿԸՀ-ն ընտրական գործընթացում ժամանակին չի անդրադարձել այժմ դատարանում քննարկվող խնդիրներին։
Ի պատասխան՝ Վահագն Հովակիմյանը նշեց, որ ԿԸՀ-ն չի կարող գնահատական տալ ընթացիկ քրեական վարույթներին, քանի դեռ դրանցով ուժի մեջ մտած դատական ակտ չկա։
aravot.am⁠ | @aravot