Category: Aravot

🔴 «Քանի որ պետական քաղաքականությունը ոչ մի կերպ չի աջակցում գերիների վերադարձին, օմբուդսմենը պետական գործիչներից առաջ չի անցնում». իրավապաշտպան
⚪ Իրավապաշտպան Ժաննա Ալեքսանյանը «Առավոտ»-ին ասել է, որ գերիների վերադարձի հարցում պետական մակարդակով բավարար ակտիվություն չի տեսնում, իսկ ՄԻՊ-ի հրապարակային դիրքորոշումը սահմանափակ է։
🟡 Թեև ՄԻՊ-ը երբեմն արձագանքում է իրավախախտումներին, այդ արձագանքները բավարար հետևողական չեն և չեն վերածվում լայն հանրային ճնշման։
🔗 Ավելին՝ Առավոտում

🔴 «Երբ հրապարակեցինք մեր ցուցակի առաջին հատվածը, արդեն իսկ սկսվել են ճնշումներ թեկնածուների նկատմամբ. Սաֆարյան»
⚪ «Բեւեռի» ներկայացուցիչ Գեւորգ Սաֆարյանն ասել է, որ իրենց ցուցակի առաջին համարը կամ վարչապետի թեկնածուն բովանդակային առումով Վարուժան Ավետիսյանն է, սակայն վերջինիս բանտարկված լինելու պատճառով առաջին տեղը ֆորմալ կերպով զբաղեցնում է Գեւորգ Կարապետյանը։
🔗 Ավելին՝ Առավոտում

🧱«Ստեփանակերտի եկեղեցու քանդումը միջազգային օրակարգ չենք դարձնի» . Փաշինյան
🏛️ Նիկոլ Փաշինյանը հայտարարել է, որ Ստեփանակերտի Սուրբ Աստվածամոր Հովանու եկեղեցու քանդման հարցը Հայաստանը պետական մակարդակով միջազգային հարթակներում չի բարձրացնի։
☮️ Նա նշել է, որ խաղաղության հիմնական չափանիշը պատերազմից հետո զոհերի և վիրավորների բացակայությունն է, ինչպես նաև կողմերի փոխադարձ տարածքային ճանաչումը։
⚖️ Վարչապետի խոսքով՝ նման հարցերը պետք է դիտարկել շրջահայաց, քանի որ դրանք կարող են ունենալ երկկողմ քաղաքական հետևանքներ։
🔗 Ավելին՝ Առավոտում

🔴 Ի՞նչ են ուզում այս ընտրություններից «Բոլորին դեմ եմ» կուսակցության անդամները
⚪ «Բոլորին դեմ եմ» կուսակցության անդամներն այսօր իրենց ընտրական ցուցակը ԿԸՀ ներկայացնելու համար եկել էին քարոզչական ավտոբուսով։
🔵 Կուսակցությունն առաջարկում է կարճաժամկետ՝ 100 օրով իշխանություն ստանձնելու մոդել։ Այդ ընթացքում նրանք նախատեսում են վերացնել կայուն մեծամասնության մեխանիզմը, իջեցնել անցողիկ շեմը և ներդնել «բոլորին դեմ եմ» տարբերակը քվեաթերթիկներում։
🟢 Նրանց ծրագրի առանցքային դրույթներից է նաև այն, որ իրենց առաջադրած վարչապետի թեկնածուն պետք է իրականացնի այս փոփոխությունները, ապա հրաժարական տա և առնվազն 10 տարով հեռանա քաղաքականությունից։
🔗 Ավելին՝ Առավոտում

🔴 Նախագահական մոդելը Հայաստանի համար արդյունավետ էր պետականության ձեւավորման սկզբնական փուլում` ապահովելով կայունություն եւ կենտրոնացված ղեկավարում
📚 Ներկայացվել է «Գիտական Արցախ» պարբերականի հերթական համարը, որտեղ ընդգրկվել են տարբեր ոլորտների արդիական թեմաներով գիտական հոդվածներ։
⚖️ Մի շարք հոդվածներում անդրադարձ է կատարվել իրավական պաշտպանության մեխանիզմներին, ընտրական գործընթացներին և պետական ինստիտուտների դերին։
👥 Պարբերականում ներկայացված են նաև տեղահանության սոցիալական հետևանքներին, մարդու իրավունքներին և տարածաշրջանային քաղաքականությանը վերաբերող ուսումնասիրություններ։
🔗 Ավելին՝ Առավոտում

🔴 Ինչ տարաձայնություններ են ունեցել «Հայաքվեն» եւ «Միասնության թեւերը» եւ ինչու են դադարեցրել համագործակցությունը
🤝 «Միասնության թևեր» կուսակցության անդամներն ասել են, որ համագործակցությունը դադարեցվել է՝ պայմանավորված մոտեցումների անհամապատասխանությամբ։
🧭 Որոշումը եղել է փոխադարձ և չի կապված եղել ընտրական ցուցակներում տեղերի կամ անձնական հավակնությունների հետ։
📌 Տարաձայնությունները վերաբերել են մի շարք սկզբունքային հարցերի, այդ թվում՝ նաև արցախահայության իրավունքների պաշտպանության թեմային։
🔗 Ավելին՝ Առավոտում

🔴 Փաստաբանների վարձակալած տարածք ներխուժումը կատարվել է իրավաբանական անձի՞ կողմից
⚖️ Ոստիկանության մասնակցությամբ այցելություն է կատարվել Թումանյան փողոցի բնակարան՝ պարզելու այնտեղ գտնվող անձանց ինքնությունը։
🏢 Տարածքում գործել է փաստաբանական գրասենյակ, իսկ գույքային վեճը գտնվում է դատարանի քննության փուլում։
📄 Հայցվորի գնահատմամբ՝ ոստիկանության գործողությունները եղել են ապօրինի և դուրս են եկել իրավական կարգավորումների շրջանակից։
👮‍♂️ Ոստիկանությունն էլ հակադարձում է՝ իրենք ներխուժում չեն իրականացրել, այլ հակառակը՝ դա կատարել է իրավաբանական անձը: Գործընթացը շարունակվում է դատարանում։
🔗 Ավելին՝ Առավոտում

🔴 Ցեղասպանությունից փրկված հայի համար Մայր Եկեղեցին եղել է այն միակ հուսալի հարկը, որտեղ նա գտել է սփոփանք և ուժ՝ վերածնվելու համար
⛪Ապրիլի 24-ը 2015 թվականից հետո այն նաև վերածվել է հավատքի հաղթանակի խորհրդանիշի, երբ Հայ Առաքելական Սուրբ Եկեղեցին սրբադասեց Հայոց ցեղասպանության զոհերին։ Այսպիսով, հիշատակը զուգորդվում է ոչ միայն ցավի, այլ նաև հոգևոր վերածննդի գաղափարի հետ։
⚖️ Այսօր ևս կարևոր է պետության և Եկեղեցու ներդաշնակ համագործակցությունը։ Այդ երկու հենասյուների միջև խզումը կարող է վտանգել ազգային միասնությունն ու երկարաժամկետ կայունությունը, հատկապես ներկա բարդ հասարակական պայմաններում։ 🔗 Գենադի Մնացականյանի վերլուծականը՝ Առավոտում

📭📭📭 Մամուլը գրում է
🔺Գաղափարախոսությունները, ծրագրերը, դրանց շուրջ բանավեճերը, որոնք առանձին վերցրած ընդդիմադիրների շրջանում վերածվել են հանիբալիզմի՝ իրար միս ուտելու ամենադիտարժան ու նույնքան զզվելի տեսարաններով, փակուղի են. «168 ժամ»
🔺 Փաշինյանն արել է 2021-ին խոստացածի ու իր կառավարության ծրագրով ամրագրվածի տրամագծորեն հակառակ գործողությունները. «Փաստ»
🔺 «Եթե նախկինում գազելներում պպզած էի խալխի մարդուն գրկած գնում տուն, հիմա կանգնած եմ խալխի մարդուն գրկած գնում տուն». «ՉԻ»
🔺 Քրիստինե Վարդանյանի գնահատմամբ՝ ստացվում է, որ Ալեն Սիմոնյանի վկայակոչած խաղաղության, անվտանգության երաշխավորը, փաստորեն, խոչընդոտում է Հայաստանի եւ մյուս հարեւանի հարաբերությունների կարգավորմանը. «Հրապարակ»
🔺 Տիրան Խաչատրյան. «Ինչ որ Ադրբեջանն ասել է, ուզել է, դա ստացել է: Եթե նույնիսկ մեր կողմից որևէ բան էլ ներկայացվել է, այսպես ասած՝ ավելի բերանին տվել և աղբամանն են գցել». «168 ժամ»
🔺 Տարիներ առաջ ասում էր` ժամանակ ենք տալիս Սեւ լճի տարածքն ազատելու համար, հիմա իսպառ մոռացել է Սեւ լճի եւ մեր հողում դիրքեր կառուցող ադրբեջանական զինուժի մասին. «Հրապարակ»
🔺 Րաֆֆի Քորթոշյան. «Ադրբեջանը ոչնչացրել է նույնիսկ գերեզմանոցները, այսօր նույնպես բացառություն չէ՝ նա նույն գործողությունն է անում». «168 ժամ»
🔺 ՀՀ ՄԻՊ-ը՝ «մի վնասիր Փաշինյանին» սկզբունքով. «ՉԻ»
🔺 Փաշինյանը կործանման է տանում երկիրը և չներկայանալ ընտրատեղամաս, հավասարազոր է նրան ընտրելուն. Մենուա Սողոմոնյան. «Փաստ»
🔺 Մեզ մոտ հակառակն է` մարդը սթրեսի մեջ է ընկնում, երբ գալիս է թոշակ ստանալու ժամանակը, ինչո՞ւ, որովհետեւ կենսաթոշակի չափը փոքր է. Մանվել Բադալյան. «Հրապարակ»
Մամուլի տեսությունն ամբողջությամբ այստեղ