Category: Aravot

⬛️ Հունիսի 26-ին արձանագրված պայմանագրային զինծառայող Ռ.Խ.-ի մահվան դեպքի առթիվ նախաձեռնվել է քրեական վարույթ:
Քրեական վարույթի նախաքննության ընթացքում նշանակվել է դատաբժշկական փորձաքննություն, կատարվում են անհրաժեշտ քննչական և վարութային այլ գործողություններ:
ՔԿ խոսնակ

📌 Նարեկ Կարապետյանը՝ ընդդիմության մանդատների հարցի մասին
Սահմանադրական դատարանի մոտ «Ուժեղ Հայաստան» դաշինքի ցուցակը գլխավորող Նարեկ Կարապետյանը հայտարարեց, որ դաշինքը դեռ չի որոշել՝ վերցնել պատգամավորական մանդատները, թե ոչ։
Նրա խոսքով՝ Հայաստանում իշխանափոխության ամենաարդյունավետ տարբերակը փողոցային պայքարի և խորհրդարանական աշխատանքի համադրումն է։ Կարապետյանը նաև ընդգծեց, որ Սամվել Կարապետյանը երկարաժամկետ ծրագրեր ունի Հայաստանում և չի պատրաստվում հեռանալ երկրից։
aravot.am⁠ | @aravot

Հայաստանում աճում է սինթետիկ թմրամիջոցների օգտագործումը
Թմրամիջոցների դեմ պայքարի միջազգային օրվա առիթով կազմակերպված ասուլիսում ՀՀ առողջապահության նախարարության Կախվածությունների բուժման ազգային կենտրոնի բուժական գծով տեղակալ Գայանե Վարդազարյանը հայտնել է, որ վերջին 5 տարում թմրամիջոց օգտագործողների հաշվառված թիվն աճել է 6,3%-ով, իսկ կանանց շրջանում՝ մոտ 8%-ով։
Նրա խոսքով՝ դիմող հիվանդների 60-70%-ը խնդիրներ ունի սինթետիկ թմրամիջոցների, մասնավորապես՝ մեթամֆետամինի և ամֆետամինի օգտագործման հետ։ Միաժամանակ նա ընդգծել է, որ կախվածության բուժումը ՀՀ քաղաքացիների համար անվճար է։
aravot.am⁠ | @aravot

#Բիզնես
📈 Telcell-ը ներկայացրել է 2025 թվականի գործունեության արդյունքները
Ընկերությունը շարունակում է ընդլայնել թվային ծառայությունների շրջանակը՝ գրանցելով հիմնական ցուցանիշների աճ և ներդնելով նոր լուծումներ։
aravot.am⁠ | @aravot

Հայաստանում 5 ամսում առգրավվել է 243 կգ թմրամիջոց
ՆԳՆ տվյալներով՝ 2026 թվականի առաջին հինգ ամիսներին ապօրինի շրջանառությունից դուրս է բերվել 243 կգ տարբեր տեսակի թմրամիջոց, ինչը գրեթե կրկնակի ավելի է, քան նախորդ տարվա նույն ժամանակահատվածում։
Այս նույն ժամանակահատվածում արձանագրվել է 1313 թմրամիջոցների հետ կապված հանցագործություն, իսկ մետամֆետամինի առգրավված ծավալը հասել է 18 կգ-ի, ինչը գրեթե եռակի աճ է։
aravot.am⁠ | @aravot

⚖️ Իվետա Տոնոյան․ ՍԴ-ի որոշումը կարող է նախադեպ դառնալ ապագա ընտրությունների համար
Սահմանադրական դատարանի մոտ ԲՀԿ անդամ Իվետա Տոնոյանը հայտարարեց, որ իրենց պայքարը ոչ թե խորհրդարանում մանդատ ստանալու, այլ ընտրական գործընթացում ստեղծված հակասահմանադրական նախադեպը կանխելու համար է։
Նրա խոսքով՝ եթե ՍԴ-ն օրինական համարի երեք ընտրատեղամասերում արդյունքների անվավեր ճանաչումը, ապա ապագայում իշխանությունները կարող են նույն սկզբունքով անվավեր ճանաչել նաև տասնյակ այլ ընտրատեղամասերի արդյունքներ։
aravot.am⁠ | @aravot

#Քաղաքականություն
⚖️ Նարեկ Կարապետյան․ ընդդիմությունը քննարկում է հետագա քայլերը
Սահմանադրական դատարանի մոտ «Ուժեղ Հայաստան» դաշինքի ցուցակը գլխավորող Նարեկ Կարապետյանը հայտարարեց, որ համակիրների հետ քննարկել են հետագա ռազմավարությունը։ Նրա խոսքով՝ առաջիկայում նախատեսվում է հանդիպում արտախորհրդարանական ընդդիմադիր ուժերի հետ՝ միասնական գործողությունները քննարկելու նպատակով։
Կարապետյանը նշեց, որ բոլորի նպատակը իշխանափոխությունն է, իսկ տարաձայնությունները վերաբերում են միայն դրա իրականացման մեխանիզմներին։ Նա նաև ընդգծեց, որ եթե ՍԴ-ն առաջնորդվի օրենքի գերակայությամբ, ընդդիմությունը կկարողանա կիրառել 3/5-րդի սահմանափակման մեխանիզմը։
aravot.am⁠ | @aravot

⚖️ Լևոն Քոչարյան․ Ընդդիմությունը պետք է պատրաստ լինի ցանկացած զարգացման
Սահմանադրական դատարանի մոտ լրագրողների հետ զրույցում «Հայաստան» դաշինքի անդամ Լևոն Քոչարյանը հայտարարեց, որ եթե ընդդիմությունը որոշի ստանալ մանդատներն ու մտնել խորհրդարան, ապա պետք է պատրաստ լինի բոլոր հնարավոր զարգացումներին։
Քոչարյանի խոսքով՝ ընտրությունների ընթացքում առկա էին վախի մթնոլորտ, վարչական ռեսուրսի չարաշահում և այլ գործոններ, որոնք, ըստ նրա, ազդեցություն են ունեցել ընտրողների որոշումների վրա։
aravot.am | @aravot

⚖️ Աննախադեպ իրավիճակ է․ ընտրություններին մասնակցած բազմաթիվ ուժեր դիմել են ՍԴ․ Գոհար Մելոյան
Սահմանադրական դատարանի մոտ լրագրողների հետ զրույցում «Ուժեղ Հայաստան» դաշինքի անդամ Գոհար Մելոյանը հայտարարեց, որ ՀՀ պատմության ընթացքում առաջին անգամ ընտրություններին մասնակցած այսքան քաղաքական ուժեր միասին վիճարկում են ընտրությունների արդյունքները ՍԴ-ում։
Մելոյանի խոսքով՝ ներկայացված փաստարկները բավարար հիմքեր են ընտրությունների արդյունքներն անվավեր ճանաչելու համար, և ՍԴ-ն պետք է առաջնորդվի իրավական, ոչ թե քաղաքական գնահատականներով։
aravot.am | @aravot

📈 Բիզնեսի աճի գլխավոր խոչընդոտը հաճախ հենց սեփականատերն է․ Ալեքսանդր Վիսոցկի
Բիզնես խորհրդատու Ալեքսանդր Վիսոցկին նշում է, որ շատ ձեռնարկատերեր երկար ժամանակ ամեն ինչ պահում են սեփական վերահսկողության տակ, ինչի հետևանքով բիզնեսի աճը կանգ է առնում։
Նրա խոսքով՝ իրական աճը սկսվում է այն ժամանակ, երբ սեփականատերը ստեղծում է կառավարման համակարգ, պատվիրակում է լիազորություններն ու կենտրոնանում բիզնեսի զարգացման ռազմավարության վրա, այլ ոչ թե առօրյա գործընթացների։
aravot.am | @aravot