Category: Aravot

⚖️ «Եթե առաջ պատվերը SMS-ով էին ուղարկում, հիմա հրապարակային են ասում՝ ես պետք է նստեմ». Ռոբերտ Քոչարյան
Ռոբերտ Քոչարյանը դատարանում հայտարարեց, որ իր նկատմամբ իրականացվող քրեական հետապնդումը քաղաքական պատվեր է՝ նշելով, որ եթե նախկինում նման հանձնարարականները փոխանցվում էին փակ եղանակով, ապա այժմ դրանք հնչում են հրապարակային։
Դատավոր Սարգիս Պետրոսյանը պատասխանեց, որ քաղաքական հայտարարությունները որևէ ազդեցություն չեն ունենում իր կողմից արդարադատություն իրականացնելու վրա և, անհրաժեշտության դեպքում, ինքը ինքնաբացարկ կհայտնի։
aravot.am | @aravot

⚖️ «Եթե 2021-ին մենք հայտարարեինք, որ հաղթել ենք ու գնայինք կառավարության շենք, ինչ կլիներ կոնկրետ իմ հետ։ Ճիշտ նույնը…». Քոչարյան
Ռոբերտ Քոչարյանը դատարանում հայտարարեց, որ չի հասկանում, թե ինչ գործողությամբ է գերազանցել իր լիազորությունները, և պնդեց, որ իրեն մեղադրում են նախագահի պարտականությունները կատարելու համար։
Նա նաև զուգահեռ անցկացրեց 2021 թվականի ընտրությունների հետ՝ նշելով, որ եթե այն ժամանակ իրենք հայտարարեին հաղթանակի մասին և շարժվեին դեպի կառավարության շենք, իր հետ «ճիշտ նույնը» կկատարվեր։
aravot.am | @aravot

⚖️ «Անգամ նման դեպքով հետաքրքրվել են ՀՀ պաշտպանության նախարարությունից և այլ պետական ծառայություններից». լրատվամիջոցների դեմ գործով հայցվորը զինվորական է
Զինծառայող Սևադա Սարգսյանը դատական հայց է ներկայացրել մի շարք լրատվամիջոցների դեմ՝ պնդելով, որ իրեն վերագրված կրկնակի քվեարկության մասին հրապարակումները չեն համապատասխանում իրականությանը և վնասել են իր պատիվն ու հեղինակությունը։
Նա պահանջում է հրապարակային հերքում և 6 մլն դրամ փոխհատուցում՝ նշելով, որ հրապարակումներից հետո իրենով հետաքրքրվել են նաև ՊՆ-ից և այլ պետական կառույցներից։
aravot.am | @aravot

🗳 «Առցանց քարոզարշավն իր բնույթով եղել է առճակատային և պառակտող». դիտորդներ
Միջազգային դիտորդները նշել են, որ 2026 թվականի ԱԺ ընտրությունների առցանց քարոզարշավը եղել է առճակատային և պառակտող, իսկ որոշ թեկնածուներ ու երրորդ կողմի օգտատերեր տարածել են արհեստական բանականությամբ ստեղծված մանիպուլյատիվ բովանդակություն՝ քաղաքական մրցակիցներին վարկաբեկելու նպատակով։
Ընտրատեղամասերի հասանելիությունը հաշմանդամություն ունեցող անձանց համար շարունակում է խնդիր մնալ, իսկ առցանց քարոզչության կարգավորումները բավարար չեն թափանցիկությունն ապահովելու համար։
aravot.am | @aravot

⚖️ «Եթե ես ասեի՝ «սատկացնելու եմ վարչապետին», հաստատ ինձ կկալանավորեին հաջորդ օրը, չէ՞». Քոչարյան
Ռոբերտ Քոչարյանի և մյուսների գործով դատական նիստում պաշտպանական կողմը կրկին բարձրացրել է նախկին նախագահի անձեռնմխելիության հարցը՝ պնդելով, որ նրան վերագրվող գործողությունները բխել են սահմանադրական լիազորություններից։
Նիստի ընթացքում Քոչարյանը, անդրադառնալով վարչապետ Նիկոլ Փաշինյանի նախկին հայտարարությանը, ասել է. «Եթե ես ասեի՝ «սատկացնելու եմ վարչապետին», հաստատ ինձ կկալանավորեին հաջորդ օրը, չէ՞»։
aravot.am | @aravot

📬📬📬 Մամուլը գրում է
🔺«All Israel News». «Եթե Իսրայելն ուզում է համոզել Հայաստանին, թե ճանաչումը պարզապես քաղաքական թատրոն չէ, ապա նա պետք է հարցի հանդեպ նույն հարգանքը տածի, ինչը պահանջում է Հոլոքոսթի հիշատակի հանդեպ». «Ազգ»
🔺Գիտե՞ք, թե Ծառուկյանին վայրենի, հակապրոֆեսիոնալ ձեւով գետին տապալելն ինչ հակառեակցիա է առաջացրել ձեր հանդեպ անգամ այն մարդկանց մոտ, ովքեր ձեր կողմնակիցն են. «Ազգ»
🔺Տոննաներով պտուղ-բանջարեղեն է արգելվել Հայաստանից արտահանել. «Հրապարակ»
🔺 Կենդանիների հետ որեւէ հրատապ գործողություն անելուց միշտ խնդիր ես ունենում, ամեն ինչը պետք է նախապատրաստել. Մանուկ Մանուկյան. «Հրապարակ»
Մամուլի տեսությունն ամբողջությամբ

🟦 Հովհաննես Իշխանյանը սահմանադրական հանրաքվեն կեղծելու գործընթացի մեկնարկը հիմնավորում է ընդդիմադիր գործիչների ձերբակալություններով
Վավերագրող ռեժիսոր Հովհաննես Իշխանյանը հայտարարել է, որ ընդդիմադիր գործիչների ձերբակալություններն ու քաղաքական ճնշումները, իր գնահատմամբ, միտված են սահմանադրական հանրաքվեի նախապատրաստմանն ու դրա արդյունքների վրա ազդելուն։
Նրա խոսքով՝ ընտրական գործընթացներում կատարված փոփոխությունները նվազեցնում են ընտրողների թիվը և, ըստ նրա, կարող են հեշտացնել հանրաքվեի անցկացումը։
aravot.am | @aravot

🎯 Հրաժեշտ «անկլավների՞ն». աննախադեպ պատկեր
Նիկոլ Փաշինյանի վերջին հայտարարությունները վկայում են, որ նա փոխկապակցում է Ադրբեջանի վերահսկողության տակ գտնվող ՀՀ տարածքների և այսպես կոչված «անկլավների» հարցերը՝ փաստացի ընդունելով փոխադարձ տարածքային պահանջների տրամաբանությունը։
Նման մոտեցումը կարող է խորացնել Հայաստանի ռազմաքաղաքական և անվտանգային մարտահրավերները՝ ստեղծելով վտանգավոր նախադեպ, երբ օկուպացված տարածքների փաստը ներկայացվում է որպես նոր պահանջների հիմնավորում։
✍️ Հակոբ Բադալյանի մեկնաբանությունը

⚖️ Արեգնազ Մանուկյանը 2 ամսով կալանավորվեց
Դատարանը բավարարել է քննիչի միջնորդությունը և «Մայր Հայաստան» կուսակցության վարչության անդամ Արեգնազ Մանուկյանի նկատմամբ 2 ամսով կալանք է կիրառել։ Փաստաբան Տիրայր Կարապետյանի խոսքով՝ պաշտպանական կողմը որոշումը բողոքարկելու է։
⁠aravot.am | @aravot

📌 ՀՊՏՀ-ում նոր աղմուկ․ պրոռեկտորի հրաժարականի մասին տեղեկություններ
Մամուլում տեղեկություններ են տարածվել, որ ՀՊՏՀ պրոռեկտոր Մխիթար Ասլանյանը Գյումրու մասնաճյուղում տեղի ունեցած բոյկոտից հետո հրաժարականի դիմում է ներկայացրել։ Միաժամանակ հրապարակվել է նաև ներքին գրություն, որտեղ բարձրաձայնվում են բուհի կառավարման վերաբերյալ հարցեր։
⁠aravot.am | @aravot