Category: Aravot

Նոր խորհրդարանը կունենա 105 պատգամավոր. հայտնի են՝ ովքե՞ր են վերցրել պատգամավորական մանդատները «Քաղաքացիական պայմանագիր» կուսակցությունից, «Ուժեղ Հայաստան» և «Հայաստան» դաշինքներից:

⚖️ Նարեկ Կարապետյանի մանդատը տալուց անմիջապես հետո, դատախազությունը միջնորդությամբ ԿԸՀ է գնում
«Ուժեղ Հայաստանի» ներկայացուցիչ Արամ Վարդևանյանի խոսքով՝ Դավիթ Ղազինյանի գործը դատարան է ուղարկվել աննախադեպ արագությամբ՝ հենց այն օրը, երբ նա պատգամավորի կարգավիճակ է ստանում։ Նա գործընթացը գնահատել է որպես քաղաքական հետապնդման դրսևորում։
Վարդևանյանը նաև հայտնել է, որ Նարեկ Կարապետյանի պատգամավորական մանդատը ստանալուց անմիջապես հետո ԿԸՀ-ն քննարկելու է նրա վերաբերյալ դատախազության միջնորդությունը՝ ընդգծելով, որ այդ քայլը կարող է խոչընդոտել նրա պատգամավորական գործունեությանը։

🇷🇺 Ռուսաստանում կարող են արգելել դատվածություն ունեցող միգրանտներին քաղաքացիություն տրամադրելը
ՌԴ Պետդուման հաջորդ շաբաթ կքննարկի օրինագիծ, որով առաջարկվում է մերժել Ռուսաստանի քաղաքացիություն կամ բնակության իրավունք տրամադրել այն միգրանտներին, որոնք ունեն չմարված կամ չհանված դատվածություն՝ անկախ այն բանից, թե հանցագործությունը կատարվել է Ռուսաստանում, թե այլ երկրում։
Նախաձեռնությամբ նաև նախատեսվում է նման անձանց զրկել կացության կամ ժամանակավոր բնակության իրավունքից՝ բացառությամբ փախստականների և քաղաքական կամ ժամանակավոր ապաստան ստացած անձանց։

#Բիզնես
🌍 Ակբա բանկը նոր պայմաններով կաջակցի արտահանողներին
Ակբա բանկը մինչև սեպտեմբերի 30-ը հայկական արտահանողներին առաջարկում է արտահանման ֆակտորինգի արտոնյալ պայմաններ՝ նպաստելով տեղական արտադրանքի մրցունակության բարձրացմանն ու նոր շուկաներ մուտք գործելուն։
Ծրագիրը հնարավորություն կտա հայկական ընկերություններին ընդլայնել արտահանման աշխարհագրությունը դեպի ԵՄ, ԱՄՆ, ԱՄԷ, Չինաստան և այլ երկրներ։
🔗 aravot.am | @aravot

💃 «Հպարտ եմ այս փոքրիկ աստղով». Շակիրան՝ իր հետ պարող 10-ամյա ռուս Եսենյայի մասին
10-ամյա պարուհի Եսենյա Միխեևան, որը հայտնի է Esenya Miss անունով, Շակիրայի կողմից ընտրվել է FIFA-ի աշխարհի առաջնության եզրափակչի ընդմիջման շոուում ելույթ ունենալու համար՝ «Dai Dai» երգի խորեոգրաֆիայով։
Ելույթից հետո Շակիրան Instagram-ում նրան անվանել է «փոքրիկ աստղ», իսկ Եսենյայի համատեղ տեսանյութն ու սոցիալական ցանցերի էջերը միլիոնավոր նոր դիտումներ ու հետևորդներ են հավաքել։

#Բիզնես
🏛 Արենիի քարայրը կդառնա գիտակրթական կենտրոն
Viva-ի աջակցությամբ Արենիում ստեղծվում է Հայաստանի առաջին քարայրային թանգարանը։ Նախագիծը կնպաստի հնագիտական ժառանգության պահպանմանը, Վայոց ձորի զբոսաշրջության զարգացմանը և տարածաշրջանի կրթական ու տնտեսական ներուժի ընդլայնմանը՝ «Արենի-1 քարայրը» դարձնելով միջազգային նշանակության գիտակրթական կենտրոն։
🔗 aravot.am | @aravot

⚖️ «Մենք նրան պատասխանատվության ենք ենթարկելու այդ հայտարարության համար». Իվետա Ծառուկյանը՝ Վիգեն Ավետիսի պնդումների մասին
Գագիկ Ծառուկյանի մամուլի խոսնակ Իվետա Տոնոյանը հայտարարել է, որ քանդակագործ Վիգեն Ավետիսի՝ Ծառուկյանի վերաբերյալ հայտարարությունները «բացարձակ զրպարտություն» են և նշել է, որ փաստաբանական թիմը դատարան է դիմելու։
Տոնոյանի խոսքով՝ Վիգեն Ավետիսը նախկինում մասնակցել է Հիսուս Քրիստոսի արձանի մրցույթին՝ ներկայացնելով նախագիծ։ Նա նաև հայտնել է, որ Առինջ մոլում գործունեությունը շարունակվում է, իսկ «Նոյ» գործարանում դեռևս ընթանում է գույքագրում։

🏛 «Մտածեցինք՝ քաղաքը կարող է կոլապսի ենթարկվել»․ ինչո՞ւ պատգամավորական մանդատից հրաժարվեց Վարդան Ղուկասյանի փեսան
Գյումրու քաղաքապետի պաշտոնակատար Ավետիս Առաքելյանը հրաժարվել է «Ուժեղ Հայաստանի» ցուցակով ստացած պատգամավորական մանդատից՝ պատճառաբանելով, որ իր առաջնահերթությունը Գյումրու կառավարման շարունակականությունն է։
Նրա խոսքով՝ որոշումը քննարկել է Վարդան Ղուկասյանի և Նարեկ Կարապետյանի հետ․ ըստ Առաքելյանի՝ մանդատը չընդունելու նպատակը քաղաքում հնարավոր կոլապսից խուսափելն է, ոչ թե քաղաքական պայմանավորվածությունը։

⚖️ Հայ փաստաբանի գործով ՄԻԵԴ-ն արդեն իսկ սահմանել է. փոքր ձեռնաշղթաներ հագցնելը խոշտանգում է
Գագիկ Ծառուկյանին փոքր ձեռնաշղթաներով տեղափոխելու դրվագի ֆոնին արժի հիշել փաստաբան Արսեն Մկրտչյանի գործը, որտեղ ՄԻԵԴ-ը արձանագրել էր փոքր ձեռնաշղթաների կիրառման խնդիրը։
Արսեն Մկրտչյանը 2007 թվականին պատմել էր, որ իրեն դատարան էին տեղափոխել ձեռքերին փոքր ձեռնաշղթաներով, իսկ Եվրոպական դատարանը այդ պայմանները գնահատել էր որպես անմարդկային վերաբերմունք։