Category: Aravot

🇪🇺 Արմեն Իշխանյան․ «ԵՄ գործադիր մարմինների կողմից Ադրբեջանի նկատմամբ բավարար ճնշում չենք տեսնում»
Եվրոպական խորհրդարանում կայացած քննարկման ժամանակ Դավիթ Իշխանյանի որդի Արմեն Իշխանյանը հայտարարել է, որ ԵՄ գործադիր մարմինների կողմից Ադրբեջանի նկատմամբ բավարար ճնշում չի գործադրվում հայ գերիների ազատ արձակման հարցում։ Նրա խոսքով՝ գրեթե բոլոր խաղաղ գործընթացներում ռազմագերիների ազատ արձակումը առաջնային քայլ է, մինչդեռ Ադրբեջանը խուսափում է այդ պարտավորությունից։
Արմեն Իշխանյանը նաև պատմել է, որ իր հայրը մնացել էր Արցախում՝ ապահովելու բնակչության տարհանումը, սակայն հետագայում ձերբակալվել է Ադրբեջանի կողմից։ Նրա խոսքով՝ ընտանիքը շարունակում է սպասել Դավիթ Իշխանյանի վերադարձին։
⁠aravot.am | @aravot

🌍 Նարինե Դիլբարյանը՝ Ալիև-Գորդոն հարցազրույցի մասին
Հայաստանի դեմոկրատական կուսակցության փոխնախագահ Նարինե Դիլբարյանը հայտարարել է, որ Իլհամ Ալիևի և ուկրաինացի լրագրող Դմիտրի Գորդոնի հարցազրույցը ցույց է տալիս, թե ինչպես է Ադրբեջանի նախագահը կառուցում իր արտաքին քաղաքական ուղերձները։ Նրա խոսքով՝ Ալիևը Ուկրաինային հորդորել է շարունակել պայքարը և ներկայացրել Ադրբեջանի գործողությունները որպես հաջողված օրինակ։
Դիլբարյանը նաև պնդել է, որ Ալիևը հարցազրույցում հակասական ուղերձներ է հղել՝ խոսելով ինքնիշխանության պաշտպանության մասին, մինչդեռ, իր գնահատմամբ, Արցախում իրականացվել են էթնիկ զտումներ։
⁠aravot.am | @aravot

🏭 «Մուլտի Սթոունի» աշխատակիցները հրաժարվել են ճանապարհ փակելու մտադրությունից
«Մուլտի Սթոունի» աշխատակիցները հայտարարում են, որ չեն ցանկանում մասնակցել հակաօրինական գործողությունների և հրաժարվել են Սևան–Երևան մայրուղին փակելու մտադրությունից։ Նրանք նշում են, որ իրենց պահանջը մեկն է՝ իմանալ, թե երբ կվերականգնվի գործարանի աշխատանքը, քանի որ առանց աշխատանքի մնացած մարդիկ խնդիրներ ունեն վարկերի և ընտանիքների եկամուտների հետ։
⁠aravot.am | @aravot

⚖️ Ալբերտ Բազեյանը քննադատել է Գագիկ Ծառուկյանի և Սամվել Կարապետյանի նկատմամբ իրականացվող գործողությունները
Երևանի նախկին քաղաքապետ Ալբերտ Բազեյանը հայտարարել է, որ Գագիկ Ծառուկյանի և Սամվել Կարապետյանի նկատմամբ իրականացվող իրավապահ գործողությունները քաղաքական բնույթ ունեն։ Նրա խոսքով՝ ձեռնարկությունների գործունեության դադարեցումը հազարավոր մարդկանց թողել է առանց աշխատանքի և վնասում է տնտեսությանը։
⁠aravot.am | @aravot

#Բիզնես
✈️ Յունիբանկը կխաղարկի ուղևորություն դեպի Իտալիա
Յունիբանկը մեկնարկել է նոր ակցիա․ մինչև օգոստոսի 31-ը Mastercard World Travel քարտ ձևակերպած և արտերկրում առնվազն մեկ գործարք կատարած հաճախորդները կմասնակցեն երկու անձի համար 7-օրյա Իտալիայի ուղևորության խաղարկությանը։
aravot.am | @aravot

🚧 Ճամփա փակելը մոռացեք, բացառվում է, որ ճամփա փակեք. ոստիկանը՝ «Մուլտի Սթոունի» աշխատակցին
«Մուլտի Սթոունի» աշխատակիցները շարունակել են բողոքի ակցիան՝ պահանջելով հստակ պատասխաններ գործարանի աշխատանքի վերականգնման վերաբերյալ։ Նրանց խոսքով՝ դեռևս տեղեկություն չեն ստացել, թե երբ կլուծվի ստեղծված իրավիճակը։
Ակցիայի ընթացքում ոստիկանության ներկայացուցիչը հայտարարել է, որ ճանապարհ փակելու ցանկացած փորձ բացառվելու է։ Աշխատակիցները նշել են, որ այս պահին նման գործողություն իրականացնելու որոշում չունեն։
aravot.am | @aravot

🗣 Անաստաս Իսրայելյան. «Որ հայտնվել ենք այս իրավիճակում, մեղավորությունը մերն է։ Ոչ մեկին, ոչ մի երկրի ու կենտրոնների չմեղադրեք»
«Վերածնվող Արցախ» ՀԿ նախագահ Անաստաս Իսրայելյանը հայտարարել է, որ երկրում ստեղծված իրավիճակի պատասխանատվությունը, իր գնահատմամբ, առաջին հերթին հասարակության և քաղաքական ուժերի վրա է։ Նա կոչ է արել տարբեր խնդիրների շուրջ չբաժանվել առանձին խմբերի, այլ հանդես գալ միասնական։
Իսրայելյանի խոսքով՝ հասարակությունը պետք է համախմբվի ինչպես սոցիալական և քաղաքական խնդիրների, այնպես էլ արցախահայության, Բաքվում պահվող հայերի և ազգային արժանապատվության հարցերի շուրջ։
aravot.am | @aravot

🌍 Հայաստանյան և Ադրբեջանի քաղբանտարկյալները «խաղաղության բանտարկյալներ» են․ Հովհաննես Իշխանյան
Իրավապաշտպան Հովհաննես Իշխանյանը հայտարարել է, որ Հայաստանում և Ադրբեջանում քաղաքական դրդապատճառներով ազատազրկված անձինք, իր գնահատմամբ, դարձել են «խաղաղության բանտարկյալներ»։ Նրա խոսքով՝ տարածաշրջանային քաղաքական գործընթացներում մարդու իրավունքների հարցերը երկրորդ պլան են մղվում։
Իշխանյանը նաև նշել է, որ եվրոպացի բարձրաստիճան պաշտոնյաները, իր գնահատմամբ, Ադրբեջան կատարած այցերի ընթացքում չեն բարձրաձայնել քաղբանտարկյալների թեման՝ միաժամանակ աջակցելով հայ-ադրբեջանական խաղաղության գործընթացին։
aravot.am | @aravot

🌍 Պեսկով․ Ուկրաինայի անվտանգության երաշխիքները չեն կարող ձևակերպվել առանց Ռուսաստանի մասնակցության
Կրեմլի խոսնակ Դմիտրի Պեսկովը հայտարարել է, որ Ուկրաինայի անվտանգության երաշխիքների մշակումը հնարավոր չէ առանց Ռուսաստանի մասնակցության։ Նրա խոսքով՝ նման գործընթացում Մոսկվայի բացակայությունը չի կարող ապահովել կենսունակ լուծում։
Պեսկովը նաև քննադատել է Գերմանիայի կանցլեր Ֆրիդրիխ Մերցի հայտարարությունը՝ այն գնահատելով որպես Եվրամիության դիրքորոշման «փակուղային» արտահայտություն։
aravot.am | @aravot

🏭 Քաղաքականության հարց են լուծում, կապիկներ… մարդն այսքան բան է ստեղծել, որ գան, տան գետնին՝ տանե՞ն. «Մուլտի Տաբակի» աշխատակից
«Մուլտի Տաբակի» աշխատակիցները պահանջում են վերաբացել գործարանը՝ նշելով, որ հարյուրավոր ընտանիքներ զրկվել են աշխատանքի հնարավորությունից։ Նրանց խոսքով՝ աշխատողները չպետք է տուժեն քաղաքական գործընթացների հետևանքով և ցանկանում են միայն վերադառնալ իրենց աշխատանքին։
Աշխատակիցները նաև մտահոգություն են հայտնել հարկադիր պարապուրդի և աշխատատեղերի պահպանման հարցի վերաբերյալ՝ կոչ անելով հնարավորինս արագ լուծել ստեղծված իրավիճակը։
aravot.am | @aravot