Category: Aravot

🎬 Ինչո՞ւ է «Վաղարշ և որդիներ կոնցեռն»-ը դատի տվել ԿԳՄՍ նախարարությանը
ԿԳՄՍ նախարարությունը հայտնել է, որ ստացել է «Վաղարշ և որդիներ կոնցեռն» ՍՊԸ-ի հայցադիմումը, որն այժմ ուսումնասիրվում է։ Նախարարության փոխանցմամբ՝ «Գողություն հայկական ձևով» ֆիլմի վերաբերյալ որևէ հայտ իրենց չի ներկայացվել, քանի որ ներդրումների մասնակի վերադարձի հայտերը ներկայացվում են Հայաստանի կինոյի հիմնադրամին։
Ըստ նախարարության՝ 2025 թվականի կառավարության 412-Ն որոշումը տարածվում է միայն 2025 թվականի մայիսի 10-ից հետո ծագած իրավահարաբերությունների վրա, իսկ հետագա գործողությունները կիրականացվեն օրենքով սահմանված կարգով։
aravot.am⁠ | @aravot

🏛️ «Պատասխանեիք ՎիվաՍելի գործարքի մասին»․ Մեսրոպ Մանուկյանը՝ Ռուբինյանին
ԱԺ-ում «Ուժեղ Հայաստան» խմբակցության պատգամավոր Մեսրոպ Մանուկյանը հայտարարեց, որ Ռուբեն Ռուբինյանը չի պատասխանել իր բարձրացրած հարցերին՝ ՎիվաՍելի կասկածելի գործարքի վերաբերյալ։ Նա նաև հիշեցրեց, որ անվտանգության ռիսկերի մասին խոսելու փոխարեն անդրադարձ է կատարվել իր կնոջը։
Մանուկյանը պատմեց նաև, որ իր կինը 2020 թվականին հղիության ընթացքում հեռացվել է ԱԺ-ից, և, նրա խոսքով, միայն մամուլի ճնշումից հետո այդ որոշումը վերանայվել է։
aravot.am⁠ | @aravot

🏛️ «Լուրեր են պտտվում, որ ԲՀԿ-ն ստեղծվել է Ռոբերտ Քոչարյանի քաջալերմամբ»․ Մարիա Կարապետյան
ԱԺ-ում ՔՊ պատգամավոր Մարիա Կարապետյանը, արձագանքելով ընդդիմության քննադատություններին, հայտարարեց, որ «մանդատագող» որակումը փորձ է սրել իրավիճակը և հարցադրումներ հնչեցրեց «Հայաստան» խմբակցության ու ԲՀԿ-ի հարաբերությունների վերաբերյալ։
Կարապետյանը նաև դիմեց Աննա Գրիգորյանին՝ կոչ անելով բացատրել իր քաղաքական ուղին և «Վերածնվող Հայաստան» կուսակցությունից հեռանալու պատճառները։
aravot.am | @aravot

🎬 «Ճիշտ է ասում վարչապետը»․ ռեժիսոր Հրանտ Վարդանյանը՝ Փաշինյանի կոչի մասին
Aravot.am-ի հետ զրույցում ռեժիսոր Հրանտ Վարդանյանը համաձայնել է Նիկոլ Փաշինյանի դիտարկմանը, որ կարևոր իրադարձությունների մասին պետք է ավելի շատ ֆիլմեր նկարահանվեն՝ նշելով, որ խնդիրը ոչ թե թեմաների, այլ ֆինանսավորման և պետական քաղաքականության բացակայությունն է։
Նրա խոսքով՝ Հայաստանում անհրաժեշտ է մեծացնել կինոարտադրության աջակցությունը և նկարահանել ինչպես պատմական, այնպես էլ խաղաղարար ու վավերագրական ֆիլմեր։
aravot.am | @aravot

🏛️ «Չկա նման մեխանիզմ․ Նարեկ Կարապետյանը չի կարող հրաժարվել աշխատավարձից»․ Ռուբեն Ռուբինյան
ԱԺ նախագահ Ռուբեն Ռուբինյանը հայտարարեց, որ պատգամավորի աշխատավարձից հրաժարվելու իրավական մեխանիզմ չկա, և Նարեկ Կարապետյանը կստանա այն՝ ցանկության դեպքում օգտագործելով այլ նպատակներով։
Ռուբինյանը նաև տեղեկացրեց, որ Ազգային ժողովում կստեղծվի էթիկայի հանձնաժողով, որը կքննարկի պատգամավորների վարքագծին առնչվող հարցերը։
aravot.am | @aravot

🎖️ «Գերիների վերադարձի ուղղությամբ աշխատանքը երբեք չի դադարում»․ Ռուբեն Ռուբինյան

ԱԺ նախագահ Ռուբեն Ռուբինյանը հայտարարեց, որ Բաքվում պահվող հայ գերիների վերադարձի ուղղությամբ աշխատանքը շարունակվում է ամեն օր՝ նշելով, որ այդ աշխատանքի շնորհիվ արդեն ավելի քան 200 գերի վերադարձել է հայրենիք։
Նրա խոսքով՝ խորհրդարանական մակարդակում ևս շարունակելու են աշխատել այդ ուղղությամբ, որպեսզի մնացած հայ գերիները հնարավորինս արագ վերադառնան։
aravot.am | @aravot

📮 «Հայփոստը» պետական կառավարման անցնելուց հետո ՀՀ-ին վճարել է զրո դրամ դիվիդենտ»․ Նարեկ Կարապետյան
ԱԺ-ում «Ուժեղ Հայաստան» խմբակցության ղեկավար Նարեկ Կարապետյանը Հայկ Կոնջորյանից հետաքրքրվեց «Հայփոստի» շահաբաժինների մասին։ Կոնջորյանը պատասխանեց, որ ընկերության տնօրենը իր կինն է, իսկ ինքը չի մասնակցում «Հայփոստի» կառավարմանը։
Կարապետյանի խոսքով՝ պետական կառավարման անցնելուց հետո «Հայփոստը» պետությանը դիվիդենտ չի վճարել, մինչդեռ սակագները բարձրացվել են։
aravot.am | @aravot

⚖️ ՄԻՊ-ը դեռ չի ավարտել Գագիկ Ծառուկյանի ձերբակալության ուսումնասիրությունը

Մարդու իրավունքների պաշտպան Անահիտ Մանասյանը հայտնել է, որ Գագիկ Ծառուկյանի ձերբակալության իրավաչափության ուսումնասիրությունը դեռ շարունակվում է։ Նրա խոսքով՝ վերջնական գնահատականը կտրվի միայն իրավապահ մարմինների պարզաբանումներն ուսումնասիրելուց հետո՝ գնահատելով գործողությունների համաչափությունը, անհրաժեշտությունն ու իրավական հիմքերը։
Անդրադառնալով «Մուլտի Գրուպ»-ի շուրջ 10 հազար աշխատակիցների աշխատանքային իրավունքների վերաբերյալ հարցին՝ ՄԻՊ-ը առայժմ դիրքորոշում չի հայտնել, մինչդեռ բողոքի ակցիայի մասնակիցները պահանջել են նրա միջամտությունը։
aravot.am | @aravot

#Բիզնես
📊Viva-ի և «Արտիսիմո»-ի համագործակցությունը դրական արդյունքներ է տալիս
Viva-ի և «Արտիսիմո» մշակութային հասարակական կազմակերպության համագործակցության արդյունքում կրթության առանձնահատուկ պայմանների կարիք ունեցող երեխաների զարգացման ծրագրերում արձանագրվել են առաջին կարևոր հաջողությունները։
aravot.am | @aravot