Category: Aravot

#հարցազրույց
🤝 «ՀԱԿ–«Ուժեղ Հայաստան» համագործակցությունը չկայացավ, քանի որ ոմանք հավատացին իրենց անխուսափելի հաղթանակին»․ Թելման Պետրոսյան
ՀԱԿ վարչության անդամ Թելման Պետրոսյանի խոսքով՝ ընդդիմության չմիավորվելը ընտրությունների գլխավոր սխալներից էր։ Նա նշել է, որ ՀԱԿ-ը բանակցություններին մասնակցել է առանց պաշտոնների կամ այլ նախապայմանների, սակայն համագործակցությունը չի կայացել, քանի որ որոշ քաղաքական ուժեր «ավելի շատ հավատացել են իրենց հաղթանակի անխուսափելիությանը, քան համախմբման անհրաժեշտությանը»։
aravot.am⁠ | @aravot

📬📬📬 Մամուլը գրում է
🔺Զառա Հովհաննիսյան․ Ընտրական իրավունքի ցանկացած սահմանափակում իր ետեւից բերելու է տարբեր խմբերի բացառումներ․ «Հրապարակ»
🔺Սխալի, կեղծիքի կամ պատմական ճշմարտութեան ուրացման վրայ կառուցւած որեւէ հաշտեցում իր էութեամբ դատապարտւած է մնալու մակերեսային եւ ժամանակաւոր․ «Ալիք»
🔺Ատոմ Մխիթարյան. Այս գաղափարը տեղավորվում է գործող կառավարության այն կոնցեպցիայի մեջ, որ մեզ մեծ բանակ պետք չէ, փոքր բանակը լրիվ հերիք է. «Փաստ»
🔺Տնտեսության արտաքին հատվածում բացակայում են այնպիսի հիմնարար գործոնները, որոնք կարող էին ապահովել արտահանման ինքնաբավ և շարունակական աճ․ «Փաստ»
🔺Զարուհի Փոստանջյան. Փաշինյանը ճիշտ է ասում, սակայն խոսքը ոչ թե ողջ դատական համակարգի մասին է, այլ, օրինակ, Փաշինյանի սրտի դատավոր Մասիս Մելքոնյանի. «Հրապարակ»
Մամուլի տեսությունն ամբողջությամբ

📰 Սփյուռքի ձայնը սահմանափակելը վտանգավոր ուղի է
Ես կարծում եմ՝ արտերկրում ապրող ՀՀ քաղաքացիների ընտրական իրավունքը սահմանափակելու նախաձեռնությունը միայն ընտրական գործընթացին չի վերաբերում։ Դրանով կտրվում է Հայաստան-Սփյուռք օրգանական կապի ևս մեկ կարևոր թել՝ այն դեպքում, երբ հենց այդ կապն է մեր պետականության կարևոր հենարաններից մեկը։
Իմ համոզմամբ՝ առանց Սփյուռքի հետ կենդանի կապի Հայաստանը վերածվում է պարզապես «կրծքանշանի»։ Այդ պատճառով այս նախաձեռնության խորքային հետևանքների մասին պետք է խոսել այսօր, քանի դեռ ուշ չէ։
Հակոբ Բադալյան
aravot.am | @aravot⁠

📹 ԱԱԾ-ն հաստատում է՝ Քոչարյանի կադրերը կառույցն է տրամադրել իշխանական ԶԼՄ-ներին
ԱԱԾ-ն հաստատել է, որ Ռոբերտ Քոչարյանի մասնակցությամբ «Զվարթնոց» օդանավակայանում նկարահանված տեսանյութը տրամադրել է իշխանական լրատվամիջոցներին։
Ծառայությունը նշել է, որ իրավասու է հրապարակել իր տնօրինվող տեղեկատվությունը, սակայն չի պարզաբանել հրապարակման նպատակը։
aravot.am | @aravot⁠

⚖️ ՍԴ-ն վաղը կհրապարակի ընտրությունների արդյունքների վիճարկման գործով որոշումը
Հայաստանի Սահմանադրական դատարանը հուլիսի 4-ին կհրապարակի որոշումը՝ 2026 թվականի հունիսի 7-ի Ազգային ժողովի ընտրությունների արդյունքները վիճարկող գործով։ Այս մասին տեղեկացրել է Բարձր դատարանը։
aravot.am⁠ | @aravot

🎬 «Ոսկե ծիրան»-ը կմեկնարկի հուլիսի 12-ին՝ 40 երկրից ընտրված 90 ֆիլմով
Երևանյան 23-րդ «Ոսկե ծիրան» միջազգային կինոփառատոնը կանցկացվի հուլիսի 12-19-ը։ Այս տարի փառատոնը ստացել է 600 հայտ 90 երկրից, որոնցից ընտրվել է 90 ֆիլմ՝ 40 երկրից։ Բացման ֆիլմը կլինի Թամարա Ստեփանյանի «Արտոյի երկիրը», իսկ հյուրերի թվում կլինեն աշխարհահռչակ կինոգործիչներ, այդ թվում՝ Պավել Պավլիկովսկին և Սիմոն Աբգարյանը։
aravot.am⁠ | @aravot

🎓 «Հայկական բուհերի խնդիրները շատ ավելի խորն են, քան միջազգային վարկանիշները»․ Սամվել Կարաբեկյան
Բարձրագույն կրթության ոլորտի փորձագետ Սամվել Կարաբեկյանը, անդրադառնալով QS 2027 վարկանիշին, նշել է, որ հայաստանյան բուհերի՝ լավագույն 1000-ից դուրս մնալը պայմանավորված է համակարգային խնդիրներով։ Նրա խոսքով՝ կրթական ծրագրերի ոչ ճկուն կառուցվածքը, հետազոտությունների թույլ ինտեգրումը և բարձրագույն կրթության ոլորտում առաջնահերթությունների սխալ ընտրությունը խոչընդոտում են բուհերի առաջընթացին։
aravot.am⁠ | @aravot

⚖️ Բագրատ սրբազանը դատարանում հաղթել է Անի Խաչատրյանի և Հայկ Սահակյանի դեմ հայցերը
Դատարանը վճռել է, որ «Հանրապետություն» կուսակցության անդամներ Անի Խաչատրյանն ու Հայկ Սահակյանը Բագրատ սրբազանին պետք է վճարեն յուրաքանչյուրը 750 հազար դրամ։ Այդ գումարից 300 հազար դրամը սահմանվել է վիրավորանքի, իսկ 450 հազար դրամը՝ զրպարտության համար։
aravot.am⁠ | @aravot

⚖️ «Ոչ մեկի փեսան չեմ, 27 տարի է՝ դատավոր եմ»․ Սևակ Համբարձումյան
ՀՀ վերաքննիչ քրեական դատարանի դատավոր Սևակ Համբարձումյանը, արձագանքելով վարչապետի հայտարարություններին, նշել է, որ առանձին դատավորների բարեկամական կապերը չեն նշանակում, թե դատական համակարգը կոռումպացված է։ Նա նաև ընդգծել է, որ դատավորների գործը օրենքին համապատասխան արդարադատություն իրականացնելն է։
aravot.am⁠ | @aravot