Category: Aravot

🤼 Հայաստանի հավաքականը Եվրոպայի Մ20 առաջնությունում արդեն ունի 1 ոսկի, 2 արծաթ և 1 բրոնզ
Սկոպյեում ընթացող հունահռոմեական ըմբշամարտի Եվրոպայի մինչև 20 տարեկանների առաջնությունում Սամվել Տերտերյանը հաղթել է ադրբեջանցի Ջավիդան Նահմատովին և դարձել Եվրոպայի չեմպիոն։
Հայաստանի հավաքականի կազմում Էդգար Պետրոսյանն ու Ալեքս Մարգարյանը նվաճել են արծաթե, իսկ Յուրիկ Պետրոսյանը՝ բրոնզե մեդալ։
🔗 aravot.am | @aravot

#վերլուծական
🎯«Թրամփի ուղու» ռուսական «քարքարոտ» ճանապարհը
TRIPP նախագծի շուրջ քննարկումները վաղուց դուրս են եկել տնտեսական նախաձեռնության շրջանակներից՝ վերածվելով աշխարհաքաղաքական մրցակցության առանցքային թեմայի։ Ռուսաստանը փորձում է նախագիծը կապել ԵԱՏՄ իրավական դաշտի, անվտանգության համակարգի եւ տարածաշրջանային ազդեցության պահպանման ռազմավարության հետ։
Երեւանը փորձում է հավասարակշռման քաղաքականությանը՝ ԱՄՆ-ի եւ ԵՄ-ի հետ համագործակցությունը խորացնելու, բայց միաժամանակ ԵԱՏՄ շրջանակում ստանձնած պարտավորությունները պահպանելու համատեքստում։
🖋️Էմմա Գաբրիելյանի վերլուծականը | @aravot

⚖️ Դադարեցվել է Նինա Կարապետյանցի անդամակցությունը «Հելսինկյան ասոցիացիա» կազմակերպությանը
«Հելսինկյան ասոցիացիան» հայտարարել է, որ դադարեցրել է նախկին ղեկավար Նինա Կարապետյանցի անդամակցությունը՝ նշելով, որ նա չի մասնակցել կազմակերպության վերջին երեք ժողովներին և զբաղվում է գործունեությամբ, որը, ըստ կազմակերպության, հակասում է իր նպատակներին ու արժեքներին։
Կարապետյանցը հրապարակել է ստացված ծանուցումն ու արձագանքել՝ գրելով, որ իր կայացրած որոշման ճշտության մեջ հերթական անգամ համոզվել է։
🔗 aravot.am | @aravot

#Բիզնես
💳 ArcaPay, ArcaQR, Arca-ով վճարումների հնարավորություն ՀՀ-ից դուրս. Arca-ն ներկայացրեց առկա և ապագա ծրագրերը
Arca-ն ներկայացրել է իր զարգացման ծրագրերը՝ ընդգծելով ArcaPay-ի, ArcaQR-ի, ինչպես նաև ՀՀ-ից դուրս Arca-ով վճարումների հնարավորությունների ընդլայնումը։ ArcaPay-ին արդեն միացել է 12 բանկ, ArcaQR-ին՝ 8-ը, իսկ համակարգից օգտվում են ավելի քան 3 մլն քարտապան և 100 հազարից ավելի տնտեսվարող։
aravot.am | @aravot

🩺 31-րդ բժշկական առաքելությունը Հայաստանում․ ճապոնացի բժիշկը նորից երեխաներին լսելու հնարավորություն տվեց
Ճապոնացի բժիշկ Ակիրա Իշիյաման և դոկտոր Սալբի Ագարակյանի ղեկավարած թիմը Հայաստանում ավարտել են կոխլեար իմպլանտացիայի 31-րդ բժշկական առաքելությունը՝ ևս մի քանի երեխայի հնարավորություն տալով առաջին անգամ լսել։
«Խոսքը միայն մեկ երեխայի կյանքը փոխելու մասին չէ․ այդ երեխան հետագայում փոխում է իր ընտանիքն ու հասարակությունը»,- նշել է բժիշկ Իշիյաման՝ ամփոփելով ծրագրի շուրջ 300 հաջող վիրահատությունները։
🔗 aravot.am | @aravot

🎯 Ընդդիմության առանձնահատուկ հնարավորությունը
Խորհրդարանական մանդատները ընդդիմության համար ոչ միայն ներքաղաքական աշխատանքի, այլեւ արտաքին քաղաքական ակտիվության կարեւոր գործիք են։ Պատգամավորի կարգավիճակը հնարավորություն է տալիս միջազգային գործընկերների հետ ձեւավորել սեփական օրակարգն ու ներկայացնել քաղաքական դիրքորոշումները։
Տարիներ շարունակ ընդդիմությունը հիմնականում սահմանափակվել է իշխանության արտաքին քաղաքականության քննադատությամբ։ ժամանակն է, որ այն դառնա նաեւ արտաքին քաղաքական բովանդակություն ձեւավորող ինքնուրույն դերակատար։
🖋️ Հակոբ Բադալյանի մեկնաբանությունը | @aravot

🥇 Սամվել Տերտերյանը հաղթել է ադրբեջանցի մրցակցին և դարձել Եվրոպայի մինչև 20 տարեկանների չեմպիոն
Հայ ըմբիշ Սամվել Տերտերյանը (77 կգ) Եվրոպայի մինչև 20 տարեկանների առաջնության եզրափակչում 4:0 հաշվով հաղթել է Ադրբեջանի ներկայացուցիչ Ջավիդան Նահմաթովին և նվաճել ոսկե մեդալը՝ հռչակվելով Եվրոպայի չեմպիոն։
aravot.am⁠ | @aravot

📌 Արկադի Ղուկասյանը պահանջել է արդարացնել իրեն, Դավիթ Բաբայանը կրկին հայտարարել է՝ մեղավոր չէ
Բաքվի վերաքննիչ դատարանում շարունակվել է ապօրինի պահվող հայ գերիների բողոքների քննությունը։ Արկադի Ղուկասյանի փաստաբանը պահանջել է չեղարկել նրա նկատմամբ կայացված դատավճիռը և արդարացնել պաշտպանյալին, իսկ Դավիթ Բաբայանը կրկին հայտարարել է, որ իրեն մեղավոր չի ճանաչում։
aravot.am⁠ | @aravot

Ինչպես է ԱԱԾ-ն ներխուժում Գագիկ Ծառուկյանի առանձնատուն և գետնին տապալում նրան

Ծառուկյանը կտեղափոխվի «Կենտրոն» ՔԿՀ, որոշումն ստանալուց հետո կբողոքարկենք։
Փաստաբան