Category: Aravot

☕️ Սուրճը պարզապես ըմպելիք չէ
Սուրճը դարեր շարունակ եղել է ոչ միայն համ ու բույր, այլև մարդկանց կապող մշակույթ։ Հայ վաճառականները 17-րդ դարում իրենց առևտրային կապերի միջոցով նպաստել են սուրճի տարածմանը Եվրոպայում, իսկ սրճարանները դարձել են գաղափարների, քննարկումների և գործարքների ձևավորման վայրեր։
Հայկական միջավայրում «մի բաժակ սուրճ խմելու» առաջարկը հաճախ նշանակում է ոչ միայն ըմպելիք, այլ շփման, վստահության և մտերմության հրավեր։
🔗 aravot.am | @aravot

⛪ Դատարանը թույլատրել է Բագրատ Սրբազանին կիրակնօրյա պատարագն անցկացնել Գեղարդում
Բագրատ Սրբազանի գործով դատարանը բավարարել է պաշտպանական կողմի միջնորդությունը, որով թույլատրվել է կիրակնօրյա պատարագներն անցկացնել Գեղարդի վանական համալիրում՝ Էջմիածնի փոխարեն։
Նիստի ընթացքում պաշտպանները նաև միջնորդել են, որպեսզի մեղադրյալները հնարավորություն ունենան չմասնակցել դատական նիստերին, իսկ Բագրատ Սրբազանը նշել է, որ նման իրավունքի առկայության դեպքում ինքն էլ կօգտվեր դրանից։
aravot.am⁠ | @aravot

🏛️ Մետաքսե Հակոբյան․ Արցախի ԱԺ նախագահի ընտրությունը պետք է կայանա
Արցախի նախկին պատգամավոր Մետաքսե Հակոբյանը հայտարարել է, որ Արցախի ԱԺ նախագահի և փոխնախագահի ընտրությունը պետք է անպայման կայանա, իսկ լուծումների շուրջ քննարկումները կշարունակվեն մինչև օգոստոսի կեսերը։
Նրա խոսքով՝ գործընթացի վրա ճնշումներ են գործադրվում, և հապաղողները կամ լռողները «դավաճանների նույն ցանկում են լինելու»։
aravot.am | @aravot

🏛️ Արթուր Սարգսյանը՝ Փաշինյանին․ «Ես նույն Սարգսյան Արթուրն եմ, պայքարել եմ և պայքարելու եմ»

9-րդ գումարման ԱԺ պատգամավոր ընտրված Արթուր Սարգսյանը, անդրադառնալով Նիկոլ Փաշինյանի հայտարարություններին, ասել է, որ «2020-ին էլ էր սպառնում, բայց ես նույն մարդն եմ մնացել», և ընդգծել, որ շարունակելու է իր պայքարը։
Նա նաև հայտարարել է, որ իր կալանքը երկարաձգելու որոշումը կանխատեսելի էր, իսկ ԱԺ-ում իր գործունեությունը պատկերացնում է՝ շարունակելով պայքարել «հայրենիքի, եկեղեցու և իր սկզբունքների համար»։
aravot.am | @aravot

🚗 ՆԳՆ-ն՝ վարորդական իրավունքից զրկված արցախցիների մասին
Aravot.am-ի հարցմանն ի պատասխան ՆԳ նախարարի մամուլի քարտուղար Նարեկ Սարգսյանը հայտնել է, որ վարորդական իրավունքից զրկված արցախցիները ևս պետք է վարորդական վկայական ստանան օրենքով սահմանված կարգով։
Միաժամանակ վարչապետ Նիկոլ Փաշինյանը նշել է, որ հարցը լրացուցիչ կուսումնասիրվի, և դրանից հետո կորոշվի՝ հնարավոր են արդյոք լուծումներ։
aravot.am | @aravot

🚔 Ոստիկանությունը ծառայողական քննություն է նշանակել Ավետ Կոնջորյանին ուղեկցած պարեկի առնչությամբ
Ոստիկանությունը Aravot.am-ին հայտնել է, որ ԱԺ փոխնախագահի թեկնածու Հայկ Կոնջորյանի եղբոր՝ Ավետ Կոնջորյանին ուղեկցած պարեկի մասնակցությամբ միջադեպի առնչությամբ ծառայողական քննություն է նշանակվել։
Գերատեսչությունից հավելել են, որ քննության արդյունքներով լրացուցիչ տեղեկատվություն կտրամադրվի, սակայն չեն հայտնել՝ արդյոք արդեն պարզվել է պարեկի ինքնությունը։
aravot.am | @aravot⁠

🎓 Տնտեսագիտական համալսարանի նախկին պրոռեկտորը դատի է տվել բուհին
Հայաստանի պետական տնտեսագիտական համալսարանի նախկին պրոռեկտոր Մխիթար Ասլանյանը դատական կարգով պահանջում է անվավեր ճանաչել իրեն աշխատանքից ազատելու հրամանը և վերականգնել պաշտոնում։
Aravot.am-ի հետ զրույցում Ասլանյանը նշել է, որ վիճարկում է ազատման հրամանի իրավական հիմքերը, իսկ բուհի ռեկտոր Արմեն Գրիգորյանը հայտնել է, որ թեմայի վերաբերյալ մեկնաբանություն չունի։
aravot.am | @aravot⁠

#Բիզնես
📊ՎՏԲ-Հայաստան Բանկը «Կայուն» ավանդն առաջարկում է մինչև 10% տոկոսադրույքով
ՎՏԲ-Հայաստան Բանկի ֆիզիկական անձ հաճախորդները կարող են ձևակերպել «Կայուն» ավանդը՝ տարեկան մինչև 10% տոկոսադրույքով՝ ՀՀ դրամով միջոցները 12 ամիս ժամկետով ներդնելու դեպքում։
aravot.am | @aravot⁠

⚖️ Դատարանը մեկ ամսով երկարաձգել է Արթուր Սարգսյանի կալանքը
Բագրատ Սրբազանի և մյուսների գործով դատական նիստում դատարանը մեկ ամսով երկարաձգել է ԱԺ պատգամավոր ընտրված Արթուր Սարգսյանի կալանքի ժամկետը։ Մինչ այդ Սարգսյանը հայտարարել էր, որ, իր կարծիքով, դատարանն արդեն կանխորոշել էր կալանքը պահպանելու որոշումը։
Պաշտպանական կողմը միջնորդել էր կալանքը փոխարինել տնային կալանքով կամ մինչև 25 մլն դրամ գրավով, սակայն դատարանը մերժել է միջնորդությունը։
aravot.am⁠ | @aravot

🪖 Փաշինյանը ներկայացրել է բանակում ոչ մարտական մահերի հիմնական պատճառները
Վարչապետ Նիկոլ Փաշինյանը հայտարարել է, որ բանակում ինքնասպանությունների և ոչ մարտական մահերի հիմնական պատճառներից են խաղադրույքներից առաջացած պարտքերը, ընտանեկան կամ անձնական խնդիրները, ինչպես նաև մարտական դիրքում հերթապահության ժամանակ քնելու հետևանքով առաջացող հոգեբանական ճնշումը։
Նրա խոսքով՝ վերջին դեպքում զինծառայողը հաճախ ենթարկվում է ծառայակիցների մեկուսացման և արհամարհանքի, ինչի պատճառների շուրջ, ըստ նրա, անհրաժեշտ է քննարկում։
aravot.am⁠ | @aravot