Category: Azatutyun

Լոնդոնից հայտարարում են․ «Մեծ Բրիտանիան պատերազմ չի մտել»

Այս հայտարարությունը հնչում է այն բանից հետո, երբ իրանական անօդաչու սարքը հարվածեց Կիպրոսում Միացյալ Թագավորության ռազմաօդային ուժերի բազային։
Կիպրոսի նախագահ Նիկոս Խրիստոդուլիդեսը նշել է, որ հարձակումը տեղի է ունեցել կեսգիշերից անմիջապես հետո, երբ «Շահեդ» անօդաչու սարքը բախվել է Ակրոտիրիի բրիտանական ռազմաբազայի ռազմական օբյեկտներին՝ առաջացնելով փոքր նյութական վնասներ։

Փաշինյանը ցավակցական հեռագիր է հղել Փեզեշքիանին

«Մեծ անհանգստությամբ ենք հետևում Իրանի շուրջ տեղի ունեցող զարգացումներին։ Ընդունեք խնդրեմ իմ ցավակցությունները Իրանի Իսլամական Հանրապետության ղեկավարության և քաղաքացիների շրջանում գրանցված զոհերի կապակցությամբ։ Մշտապես կհիշենք Իսլամական հեղափոխության գերագույն առաջնորդ Ալի Խամենեիի անձնական դերը Հայաստան-Իրան հարաբերությունների զարգացման գործում», — Կառավարության լրատվականի փոխանցմամբ՝ ասված է հեռագրում:

Պայթյուններ են լսվել Երուսաղեմում

Իսրայելի պաշտպանական ուժերի (IDF)–ի հաղորդմամբ՝ Իրանից նոր հրթիռներ են արձակվել դեպի Իսրայելի տարածք:
«Պաշտպանական համակարգերն աշխատում են չեզոքացնել սպառնալիքը»,- ասված է Իսրայելի բանակի պաշտոնական հաղորդագրությունում:

«Հեզբոլա»-ի առաջնորդը հարձակման թիրախ է. Կաց
Իսրայելի պաշտպանության նախարարը X-ում գրել է, թե «Հեզբոլա»-ի ղեկավար Նաիմ Քասեմը Իրանի հրահանգով հարձակվել է Իսրայելի վրա, և զգուշացրել՝ խմբավորումն իր գործողությունների համար «ծանր գին կվճարի»։

Նիկոլ Փաշինյանը ցավակցել է Իրանի նախագահին
Վարչապետը ցավակցական հեռագիր է հղել Մասուդ Փեզեշքիանին՝ Իրանի ղեկավարության և քաղաքացիների շրջանում գրանցված զոհերի կապակցությամբ:
«Մշտապես կհիշենք Իսլամական հեղափոխության գերագույն առաջնորդ Ալի Խամենեիի անձնական դերը Հայաստան-Իրան հարաբերությունների զարգացման գործում», նշված է հեռագրում:

🔸Միրզոյանը Երևանի պատրաստակամությունն է հայտնել՝ Իրանին մարդասիրական աջակցություն ցուցաբերելու

Հայաստանի արտգործնախարար Արարատ Միրզոյանը իրանցի պաշտոնակցի հետ հեռախոսազրույցում Երևանի պատրաստակամությունն է հայտնել անհրաժեշտ ցանկացած մարդասիրական աջակցություն ցուցաբերելու ուղղությամբ: Նա նաև հույս է հայտնել, որ ստեղծված իրավիճակը դիվանագիտական հանգուցալուծում կստանա, հայտնում է ՀՀ-ում Իրանի դեսպանությունը:

Գերմանիան չի մասնակցի Իրանի դեմ ԱՄՆ-ի և Իսրայելի հարձակումներին

Ի տարբերություն Միացյալ Թագավորության, որը թույլ է տալիս ԱՄՆ-ին տարածաշրջանում օգտագործել իր ռազմաբազաները՝ իրանական հրթիռներն ու արձակման հարթակները ոչնչացնելու համար, Գերմանիան նման բազաներ տարածաշրջանում չունի։
«Մենք նաև չունենք անհրաժեշտ ռազմական ռեսուրսներ»,- նշել է Գերմանիայի արտգործնախարարը