Category: FIP

✌️Գերմանացի լրագրող Անգելիկե Գերայը ամիսներ շարունակ սոցցանցերում ապրել է երկու ինքնությամբ․ իրականում նա RTL-ի հետաքննող լրագրող էր, իսկ համացանցում՝ «Կատյա»՝ պրոռուսական հայացքներ ունեցող ինֆլյուենսեր։
«Կատյայի» էջը ստեղծվել էր մեկ նպատակով՝ ներսից հասկանալու, թե ինչպես է գործում Գերմանիայի պրոռուսական սոցցանցային միջավայրը, ինչպես են տարածվում ապատեղեկատվական նարատիվները և ինչ կապեր կարող են ձևավորվել այդ ցանցերի ներսում։
🙊Ամիսներ շարունակ լրագրողը զարգացրել է իր կեղծ թվային անհատականությունը, մեծացրել էջի հասանելիությունն ու կապեր հաստատել։
Շուտով «Կատյային» նկատել է Յովիցա Յովիչը՝ Գերմանիայի պրոռուսական սոցցանցային միջավայրի հայտնի ներկայացուցիչներից մեկը, որը TikTok-ում շուրջ 35 հազար հետևորդ ունի։
Մանրամասները՝ այստեղ

📱Telegram-ում գործող անանուն ալիքներից մեկը շուրջ մեկ ամիս շարունակ թիրախավորում էր տարբեր մարդկանց՝ առանց նրանց համաձայնության հրապարակելով լուսանկարներ, դրանց կից վիրավորական ու նվաստացուցիչ գրառումներ տարածելով, ապա դրանք հեռացնելու դիմաց գումար պահանջում թիրախավորված անձանցից։
 
👮ՆԳՆ ոստիկանության Կիբերհանցագործությունների դեմ պայքարի վարչության ղեկավար Հայկ Մկրտչյանի հիմնական խորհուրդն է՝ նման իրավիճակներում հայտնվելու դեպքում հնարավորինս արագ պետք է դիմել իրավապահ մարմիններին։
 
‼️Կարևոր է նաև մինչև հրապարակման կամ ամբողջ ալիքի հնարավոր ջնջվելը պահպանել հասանելի ապացույցները՝ հրապարակումների սքրինշոթները, ալիքի անվանումն ու հղումը, օգտահաշիվների տվյալները, հաղորդագրությունները, գումարի պահանջը և փոխանցման համար տրամադրված տվյալները։
 
Մանրամասները` https://fip.am/51389

😉Այսուհետ դուք նույնպես կարող եք առաջարկել՝ ինչ ստուգի ՖԻՊ-ը։
🙂Եթե սոցիալական ցանցերում կամ լրատվամիջոցներում հանդիպել եք կասկածելի պնդման, լուսանկարի կամ տեսանյութի, կարող եք այն ուղարկել «Փաստերի ստուգման հարթակին»։
✌️Մենք կուսումնասիրենք ձեր առաջարկը և, եթե այն հնարավոր է ստուգել, արդյունքները կներկայացնենք հոդվածի տեսքով։
Իսկ ի՞նչ կարող եք ուղարկել մեզ։

📛Telegram-ում անանուն ալիքը մարդկանց լուսանկարներ էր հրապարակում՝ վիրավորական գրառումներով, ապա դրանք հեռացնելու դիմաց գումար պահանջում։
Հետագայում նույն ալիքում սկսեցին հայտնվել թմրանյութերի վաճառքի ու մարդկանց հավաքագրման հայտարարություններ և պոռնոգրաֆիկ բնույթի նյութեր։
🤐Առաջին ալիքի հեռացումից հետո գործունեությունը տեղափոխվեց մեկ այլ ալիք։
🔎 FIP.am-ն ուսումնասիրել է այս սխեման և Կիբերհանցագործությունների դեմ պայքարի վարչության ղեկավարի հետ պարզել՝ ի՞նչ անել, եթե հայտնվել եք նման ալիքի թիրախում, ի՞նչ ապացույցներ պահպանել և ինչո՞ւ շանտաժի դեպքում չպետք է գումար վճարել։
Մանրամասները՝ հոդվածում

👀Հայաստանը առաջին անգամ մասնակցել է PISA միջազգային գնահատմանը, իսկ արդյունքները մտահոգիչ պատկեր են ցույց տալիս։
🤼‍♀️Հայաստանի 15-ամյա աշակերտները ՏՀԶԿ երկրների միջինից զգալիորեն ցածր արդյունքներ են գրանցել՝
🌵բնագիտությունից՝ 113 միավորով,
👩‍🏫ընթերցանությունից՝ 113 միավորով,
👨‍🏫մաթեմատիկայից՝ 87 միավորով։
Հաշվողական խնդիրների լուծման գնահատման աղյուսակում Հայաստանը 354 միավորով հայտնվել է ստորին հատվածում։
Միաժամանակ, հայաստանցի աշակերտների շրջանում արհեստական բանականության գործիքների օգտագործումը ՏՀԶԿ միջինից ավելի տարածված է։
FIP–ի բացատրականի մանրամասները այստեղ

🔎🔎 «TRIPP-ն Իրանի դեմ ուղղված ռազմաքաղաքական նախագիծ է» թեզը կրկին շրջանառվում է հայաստանյան տեղեկատվական տիրույթում։
Այս անգամ այն տարածվել է երեք ճանապարհով՝
1️⃣իրանցի գեներալին վերագրվող, բայց սկզբնաղբյուր չունեցող հայտարարությամբ,
2️⃣ Թեհրանին վերագրվող անանուն «կոշտ պայմանով»,
3️⃣ ռուսաստանցի պաշտոնյայի՝ փաստաթղթերով չհաստատվող պնդումներով։
FIP.am-ը պարզել է, որ իրանցի գեներալ Ռահիմ Սաֆավիին վերագրվող խոսքերի միակ աղբյուրը ռուսալեզու ոչ պաշտոնական տելեգրամյան ալիք է։
Մանրամասները այստեղ

🧑‍💻 Ոստիկանության գվարդիա՝ նախկին ոստիկանության զորքերի փոխարեն
👨‍✈️2025 թվականի նոյեմբերից գործող կառույցում կենտրոնացվել են մի քանի ստորաբաժանումների գործառույթներ, վերացվել է նախկին ռազմական բաղադրիչը, իսկ օրինակ, հավաքներում ուժի կիրառման համար սահմանվել են նոր չափանիշներ և պատրաստության պահանջներ։
🦾Գվարդիան նաև բանակցային խմբեր ունի, իսկ նրա գործառույթները չեն սահմանափակվում միայն հավաքների ժամանակ հասարակական կարգի պահպանմամբ։
👀2026 թվականի առաջին կիսամյակում Գվարդիայի ծառայողները հայտնաբերել և բացահայտել են հանցագործության շուրջ 600 դեպք։
FIP.am-ը բացատրում է՝ ինչ է նորաստեղծ գվարդիան ու ինչ գործառույթներ ունի
Մանրամասները՝ այստեղ

🚍 Կառավարությունը 2021-ին խոստացել էր Հայաստանի ամբողջ տարածքում ներդնել միասնական երթուղային ցանց։ Հինգ տարի անց խոստումը կրկին հայտնվել է կառավարության նոր՝ 2026–2031 թթ. ծրագրում։
Իսկ ի՞նչ է արվել անցած հինգ տարիներին։
🔹 10 մարզից միասնական երթուղային ցանցն ամբողջությամբ ներդրվել է միայն Կոտայքում և Արագածոտնում։
🔹 Արմավիրի մարզում այն գործում է միայն Վաղարշապատի տարածաշրջանում։
🔹 Մյուս մարզերում ներդրումը դեռ չի ավարտվել։
🔹 Նախատեսված էլեկտրոնային տոմսավորման համակարգը նույնպես չի գործարկվել։
FIP.am-ի ուսումնասիրությունը՝👉 https://fip.am/51316

☝️ՈւՇԱԴՐՈւԹՅՈւն․ Սոցիալական ցանցերում տարածվում է այսպես կոչված Սահմանադրության նախագծի մի տեքստ, որը կեղծ է, պաշտոնական չէ:
FIP.am-ի ուսումնասիրությունը ցույց է տվել նաև մի շարք ուշագրավ հանգամանքներ:
Ավելին՝ https://fip.am/51286

‼Ընդամենը 5 օր առաջ ստեղծված կայքում հայտնվել է այսպես կոչված Սահմանադրության նախագծի մի տեքստ, որը պաշտոնական փաստաթուղթ չէ։
🔎 FIP.am-ի ուսումնասիրությունը ցույց է տվել նաև մի շարք ուշագրավ հանգամանքներ․ կայքի դոմեյնը գրանցվել է միայն սեպտեմբերի 3-ին, իսկ այնտեղ հրապարակված տեքստի առանցքային դրույթները զգալիորեն նման են Արտաշես Իկոնոմովի և «ՆԺԱՐ» շարժման՝ դեռ 2025-ին ներկայացրած սահմանադրական մոդելին։
Հենց Իկոնոմովն էլ այն ներկայացրել է որպես «սենսացիոն հայտնագործություն» և կոչ արել տարածել։ Տեղեկությունը տարածել է նաև «Մեդիամաքսը», որի իրական շահառուներից Իկոնոմովն է՝ 40% մասնակցությամբ։
Մանրամասները՝ 👉 https://fip.am/51286