Category: Գեոպոլիտիկա

🔥Փաշինյանը քաղաքական պայքարը տեղափոխում է հաշվեհարդարի դաշտ
Ընտրական գործընթացի նախաշեմին «Քաղաքացիական պայմանագիր» կուսակցությունը «մեծ հանդիսավորությամբ» ընդունեց «էթիկայի կանոնագիրք», որտեղ խոսվում էր հանդուրժողականության, քաղաքական հակառակորդների նկատմամբ հարգանքի, զսպվածության և ատելության խոսքի մերժման մասին։
Սակայն այս «արժեհամակարգային» հայտարարություններից անմիջապես հետո Նիկոլ Փաշինյանն այսօր հրապարակային ելույթում հայտարարում է․
«Չոքացնելու եմ, Ծառուկյան Գագիկ, լեզուդ երկարե՞լ ա, լակոտիտ Բելառուսից բերելու եմ, ենթարկեմ պատասխանատվության, ոչ ոք չի փրկելու»։
Սա պետական իշխանության ղեկավարի կողմից հնչեցված բացահայտ սպառնալիք է, որը բառացիորեն փոշիացնում է սեփական կուսակցության ընդունած «էթիկական նորմերը» և մերկացնում իշխանության իրական քաղաքական մշակույթը։
Փաշինյանի այս հայտարարությունից անմիջապես հետո հայտնի դարձավ, որ դատախազությունը Բելառուս է ուղարկել Նվեր Ծառուկյանին Հայաստանի իրավապահ մարմիններին հանձնելու միջնորդություն։
Այս հաջորդականությունը քաղաքական առումով չափազանց վտանգավոր է։
Ստեղծվում է մի պատկեր, որտեղ վարչապետի հրապարակային սպառնալիքներին գրեթե ակնթարթորեն հաջորդում են իրավապահ և դատախազական պատժիչ գործողությունները։ Նման պայմաններում այս գործընթացը սկսում է ընկալվել որպես քաղաքական պատվերի իրականացում։
Սա արդեն ոչ միայն քաղաքական էթիկայի խախտում է, այլ պետական ինստիտուտների հեղինակազրկման գործընթաց։
Երբ երկրի ղեկավարը հրապարակային սպառնալիքներ է հնչեցնում, իսկ դրանից անմիջապես հետո ակտիվանում են ուժային կառույցները, առաջանում է չափազանց վտանգավոր տպավորություն, որ իրավապահ համակարգը վերածվում է քաղաքական հաշվեհարդարի գործիքի։ Ժողովրդավարական պետություններում սա այն կարմիր գիծն է, որի հատումը պետությունը տանում է դեպի վախի, ճնշման և ընտրովի արդարադատության մթնոլորտ։
Առավել ցնցող է այն, որ Փաշինյանը քաղաքական պայքարը գիտակցաբար տեղափոխում է անձնական և ընտանեկան տիրույթ։ Քաղաքակիրթ քաղաքական մշակույթում անթույլատրելի է քաղաքական հակառակորդի ընտանիքի անդամներին թիրախավորելը, առավել ևս՝ երկրի ղեկավարի մակարդակով։ Սա Փաշինյանի քաղաքական և հոգեբանական նյարդային վիճակի ցուցիչ է։
Փաշինյանի բառապաշարը վաղուց արդեն դուրս է պետական գործչին վայել հռետորաբանության սահմաններից։ Այն ավելի ու ավելի է հիշեցնում փողոցային հաշվեհարդարի լեզու, որտեղ քաղաքական հակառակորդը դիտարկվում է «ոչնչացման ենթակա թիրախ»։
Սա չափազանց վտանգավոր միտում է հատկապես ընտրություններից առաջ, երբ իշխանությունը պարտավոր է երաշխավորել հավասար մրցակցություն, քաղաքական հանդուրժողականություն և իրավապահ մարմինների չեզոքություն։ Սրա փոխարեն, հանրությունը տեսնում է սպառնալիքների, ագրեսիվ հռետորաբանության և ուժային մեխանիզմների քաղաքականացման վտանգավոր համադրություն։
Փաշինյանի հիստերիկ և ագրեսիվ հռետորաբանությունը քաղաքական անապահովության, աճող վախերի և վերահսկողության կորստի զգացողության արտահայտություն է։
Այս իրավիճակում առավել կարևոր է, որ ընդդիմադիր քաղաքական ուժերը չտրվեն սադրանքներին և շարունակեն պայքարը՝ հունիսի 7-ն իրական փոփոխությունների, իշխանափոխության օր դարձնելու համար:
«Բարգավաճ Հայաստանը» բազմիցս հայտարարել է, որ կողմնակից է մրցակցային, քաղաքակիրթ և բովանդակային ընտրապայքարի։ Սակայն ակնհայտ է նաև, որ գործող իշխանությունը փորձում է քաղաքական գործընթացը տեղափոխել ճնշումների, վախի և ռեպրեսիվ մեթոդների դաշտ։
Հունիսի 7-ի ընտրություններն այսպիսով դառնում են ոչ միայն իշխանափոխության հնարավորություն, այլ նաև Հայաստանի պետական և քաղաքական ապագայի վերաբերյալ հանրաքվե՝ ժողովրդավարության և իրավունքի՞, թե՞ սպառնալիքի, վախի և քաղաքական հաշվեհարդարի պետության միջև։

🇦🇲 Ես նրա հետ կվարվեմ այնպես, ինչպես իր սիրելի օլիգարխն էր վարվում իր հետ:
Ռուբեն Հայրապետյանը` Ալեն Սիմոնյանի մասին

@armgeopolitic

🇦🇲 Նարեկ Կարապետյանը թիմակիցների հետ Նոյեմբերյանում է:
@armgeopolitic

🇦🇲 Լակոտ, ոչ մի տեղ չես փախչելու, հերդ էլ քեզ չի փրկելու, չոքացրած բերելու եմ նստացնեմ, Ռոբիկ հորողբերդ էլ քեզ չի փրկելու։
Հունից դուրս եկած Նիկոլ Փաշինյանը դիմել է Գագիկ Ծառուկյանի որդուն՝ Նվերին
@armgeopolitic

🇺🇸🇬🇪 Թրամփները Trump Tower կկառուցեն Թբիլիսիում
ԱՄՆ նախագահի որդի Էրիկ Թրամփը հայտարարել է, որ Trump Tower Tbilisi շենքը կդառնա Վրաստանի ամենաբարձր կառույցը։
Նրա խոսքով՝ սա իր առաջին նախագիծն է տարածաշրջանում։ Թրամփը նաև ներկայացրել է շենքի ճարտարապետական նախագիծը։
@armgeopolitic

🇦🇲 «Ուժեղ Հայաստան» կուսակցության առաջնորդ Սամվել Կարապետյանի պաշտպան Արամ Վարդեւանյանը դատարանին միջնորդեց փոխել նրա նկատմամբ ընտրված խափանման միջոց տնային կալանքը։
@armgeopolitic

🇦🇲🇷🇺 Հայաստանի օրակարգում ԵԱՏՄ-ից դուրս գալու հարց չկա։
ՀՀ էկոնոմիկայի նախարար Գևորգ Պապոյան
@armgeopolitic

Տիկին նախարար, ո՞նց կարելի է պետական բյուջեում տուգանք պլանավորել. Մարուքյան

Իշխանափոխության հնարավորության գնահատման դիսկուրսի մեջ կարմիր թելով անցնում է «ռուսները արդեն լուրջ են տրամադրված» թեզը: Էս դիսկուրսը ամենուր է` հարցազրույցներից մինչև սրճարաններ ու զրուցարաններ: Ամբողջ քաղաքական միտքը նեղացվել է այդ կարմիր թելի բարակության:
Մոտավորապես այդպիսի մի թել էլ թելվել էր 2021թ. ընտրություններից առաջ:
Ցավալի է, իհարկե…
Իսկ այս ընթացքում ԱԺ խոսնակը DW-ին հարցազրույց է տալիս ու պնդում, որ ՆԱՏՕ չենք մտնելու, ռուսական ռազմաբազան չենք հանելու:
Վարազդատ Հարությունյան
@armgeopolitic

🇷🇺🇬🇪🇪🇺 Եվրամիությունը պահանջում է, որ Վրաստանը դադարեցնի Ռուսաստանի հետ ավիահաղորդակցությունը, հայտարարել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։
Նրա խոսքով՝ Բրյուսելը նաև հրապարակավ պահանջում է, որ Թբիլիսին միանա ԵՄ հակառուսական պատժամիջոցներին, սահմանի էներգետիկ էմբարգո և դադարեցնի Մոսկվայի հետ տրանսպորտային կապերը։
Կալուգինը հավելել է, որ այս պահանջների կատարումը լուրջ հետևանքներ կունենա Վրաստանի տնտեսության համար։
«ԵՄ-ի գլխավոր նպատակն է վնասել Ռուսաստանին, նույնիսկ Վրաստանի շահերի հաշվին», — ընդգծել է դիվանագետը։
@armgeopolitic