Category: Infocom

👮 Երևանի Սուրբ Աննա եկեղեցու բակից երկու քաղաքացի է բերման ենթարկվել:
🗣 «Ոստիկանության ծառայողները խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով ձերբակալել են 2 անձի», – փոխանցել է ՆԳՆ ոստիկանության խոսնակ Նարեկ Սարգսյանը։

🔸 Նրանցից մեկի մասնակցությամբ մոտ 2 ժամ առաջ միջադեպ էր գրանցվել, երբ վարչապետը եկեղեցում էր: Մասնավորապես, երբ վարչապետի անվտանգության աշխատակիցները ճանապարհ էին բացում, ամբոխից մի երիտասարդ վրդովվել է՝ հորդորելով չհրել․ «Տենց չնայես ինձ»,- դիմել է երիտասարդը վարչապետին, ինչից հետո փորձել ձեռքով հարվածել։ |azatutyun.am|

🇮🇷🇵🇰 Իրանը թույլատրել է Պակիստանի դրոշի ներքո գտնվող ևս 20 նավերի անցումը Հորմուզի նեղուցով։ Երկու նավերի թույլատրվել է ամեն օր տարանցել:
🇹🇭 Bangkok Post-ը իր հերթին հայտնել է, որ Թեհրանը նաև համաձայնել է թաիլանդական նավթային լցանավերը բաց թողնել նեղուցով:|azatutyun.am|

🇾🇪 Եմենի հութիները 24 ժամվա ընթացքում երկրորդ հրթիռային համազարկն են արձակել Իսրայելի ուղղությամբ:
📌 Հութիների ներկայացուցիչ Յահյա Սարին հայտարարել է, որ խմբավորումը Իսրայելի մի քանի կենսական և ռազմական օբյեկտներ է թիրախավորել:
🇮🇱 Իսրայելցի զինվորականները հաստատել են, որ հրթիռ է արձակվել Եմենից, և որ այն որսացել են նախքան Իսրայելի տարածք հասնելը: |azatutyun.am|

🇮🇱 Իսրայելում շաբաթ երեկոյան Իրանում պատերազմի դեմ ցույցեր են տեղի ունեցել։ Մի քանի խոշոր քաղաքներում բողոքի ցույցերը բռնի ցրվել են։ Այս մասին հաղորդել է Times of Israel-ը։
📌 Ձերբակալվել է առնվազն 18 մարդ։ Բողոքի ցույցեր են տեղի ունեցել նաև Երուսաղեմում և Բեեր Շևայում։ |news.am|

🇺🇸 ԱՄՆ-ի բազմաթիվ քաղաքներում տեղի են ունեցել լայնամասշտաբ բողոքի ցույցեր ընդդեմ Թրամփի վարչակազմի՝ «Ո՛չ թագավորներին» կոչերով։ Այս մասին գրում է BBC-ն։
📢 Կազմակերպիչների փոխանցմամբ՝ իրենք բողոքում են ԱՄՆ նախագահ Դոնալդ Թրամփի կողմից իրականացվող քաղաքականության, այդ թվում՝ Իրանի դեմ պատերազմի, դաշնային ներգաղթի վերահսկողության խստացման և ապրուստի ծախսերի մեծացման դեմ։
📌 Շաբաթ օրվա ընթացքում ցույցեր են տեղի ունեցել ԱՄՆ-ի գրեթե բոլոր խոշոր քաղաքներում, այդ թվում՝ Նյու Յորքում, Վաշինգտոնում և Լոս Անջելեսում:

🇦🇪 Հաղորդակցությունը՝ որպես անվտանգության գործիք. ԱՄԷ արձագանքը ճգնաժամին
🇮🇷🇺🇸 ԱՄՆ–Իրան ատոմային բանակցությունների ձախողման արդյունքում իրավիճակը, ինչպես կանխատեսվում էր, սրվեց փետրվարի 28-ին՝ վերածվելով ամերիկաիսրայելական համատեղ ռազմական գործողությունների Իրանի տարածքում։
⚔️ Այս հարձակմանը հաջորդեցին Իրանի կողմից հարևան այն երկրների ռմբակոծությունները, որտեղ տեղակայված են ամերիկյան ռազմաբազաները և ռազմական հենակետերը, նավատորմը։ Ռմբակոծվող երկրների շարքում է նաև Արաբական Միացյալ Էմիրությունները։
❓Ինչպիսի՞ ներքին ճգնաժամային հաղորդակցություն է վարում ԱՄԷ կառավարությունը և որո՞նք են դրանց կարճաժամկետ ազդեցությունը հանրային ընկալումների, վստահության, սոցիալական և տնտեսական կայունության տեսանկյունից։
🔗 https://infocom.am/10027870/

🇱🇧 🇮🇱 Լիբանանի հարավում երեք լիբանանցի լրագրող է զոհվել մեքենայի ուղղությամբ իսրայելական հարվածի հետևանքով:
◼️ «Ալ-Մանար» հեռուստաալիքի լրագրող Ալի Շոեյբը, նույն ԶԼՄ-ի լրագրողներ Ֆաթիման և Մոհամեդ Ֆետոնին սպանվել են Ջեզզին քաղաքում:
📌 Մարտի 28-ի դրությամբ Լիբանանում իսրայելական ավիահարվածների հետևանքով զոհվել է ավելի քան 1100 խաղաղ բնակիչ, այդ թվում՝ 120 երեխա և 42 բուժաշխատող: |azatutyun.am|

⛈ Երևանում մարտի 29-31-ին, ապրիլի 2-ի երեկոյան ժամանակ առ ժամանակ սպասվում է անձրև։ Ապրիլի 1-ին, 2-ի գիշերը սպասվում է առանց տեղումների եղանակ։
🌧 Հանրապետության տարածքում մարտի 29-31-ին, ապրիլի 2-ի ցերեկը ժամանակ առ ժամնակ շրջանների զգալի մասում սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով։
🔸 Ապրիլի 1-ին, 2-ի գիշերը սպասվում է առանց տեղումների եղանակ։
[Հիդրոօդերևութաբանության և մոնիթորինգի կենտրոն]

🇮🇷 Իրանի մի շարք պետական մարմիններ, այդ թվում՝ խորհրդարանը, հրատապ կերպով քննարկում են Միջուկային զենքի չտարածման պայմանագրից (ՄԶՉՊ) դուրս գալու հարցը։
☣️ Tasnim գործակալությունը հաղորդում է, որ Իրանում վերջնականապես ամրապնդվում է այն տեսակետը, որ ՄԶՉՊ-ում մնալու համար որևէ հիմնավորում չկա։
❗️«Միջուկային զենքի չտարածման պայմանագրից դուրս գալը չի նշանակում շարժվել դեպի միջուկային զենք, այլ նպատակ ունի կանխել ԱՄՆ-ի և իսրայելական ռեժիմի կողմից լրտեսության շարունակումը՝ ԱԷՄԳ տեսուչների անվան տակ»,- նշում է գործակալությունը։