Category: Infocom

Գործարարների աշխատակիցներն ու համակարգված նվիրատվությունները․ ովքեր և ինչպես ֆինանսավորեցին ՔՊ-ին 2025-ին
💰2025 թվականին «Քաղաքացիական պայմանագիր» կուսակցությունը 1216 անձից ստացել է 1688 նվիրատվություն՝ ավելի քան 416 մլն դրամի չափով։ Միայն մարտին կուսակցությունը ստացել է ամբողջ նվիրատվության 46%-ը։
🔍 «Ինֆոքոմը» նույնականացրել է նվիրատուներից գրեթե կեսին՝ 598-ին։ Նրանցից 508-ը պաշտոնյաներ են և պաշտոնյաների հետ համատեղ բնակվող անձինք, որոնք կատարել են ընդհանուր նվիրատվությունների շուրջ 27%-ը՝ փոխանցելով 114 մլն դրամ։
📍Իսկ նույնականացրած բիզնեսների սեփականատերերը և տնօրենները կատարել են ստացված նվիրատվությունների շուրջ 35%-ը՝ առնվազն 146 մլն դրամ։ Միայն երեք խոշոր գործարար շրջանակից՝ Ալեքսանյաններ, Սուքիասյաններ, Արսենյաններ, կուսակցությունը ստացել է առնվազն 72,5 մլն դրամի նվիրատվություն կամ ընդհանուր նվիրատվությունների 17%-ը։
📎 Առավել մանրամասն՝ մեր հոդվածում

❌ Ապատեղեկատվություն է. Առողջության համընդհանուր ապահովագրության հիմնադրամը հերքում է, որ ապահովագրության համար հատկացված բյուջետային միջոցները սպառվելու պատճառով բժշկական կազմակերպությունների կողմից փոխհատուցման համար ներկայացված դեպքերը մերժվում են:
🔸 «ՀՀ պետական բյուջեով առողջության համընդհանուր ապահովագրության ֆինանսավորումն իրականացվում է նախատեսված ժամանակացույցին և ծավալներին համապատասխան:
🔸 Բժշկական կազմակերպությունների կողմից փոխհատուցման դեպքերի մերժումներն իրականացվում են […] սահմանված կարգով և հիմքերով։ Դրանք կրում են ընթացիկ աշխատանքային բնույթ և որևէ առնչություն չունեն ֆինանսական միջոցների սահմանափակության կամ բացակայության հետ»,- ասվում է հաղորդագրության մեջ:

‼️ «Հանրապետություն» կուսակցությունը «Ուժեղ Հայաստան» դաշինքի ընտրական ցուցակի գրանցումը ուժը կորցրած ճանաչելու հարցով փաստաթղթեր ներկայացրեց ՀՀ կենտրոնական ընտրական հանձնաժողով:
✅ Առաջին կետով պահանջում են, որ անվավեր ճանաչվի դաշինքը գրանցելու ԿԸՀ որոշումը, իսկ եթե ԿԸՀ-ն համարի, որ իր որոշմամբ այդ գրանցումը անվավեր ճանաչելու համար հիմքերը բավարար չեն, երկրորդ կետով պահանջում են, որ ԿԸՀ-ն դիմի ՀՀ վարչական դատարան:
🗣 «Արտաքին ազդեցության մասին, ֆինանսական թափանցիկության մասին, խոսույթ կա արտասահմանից ՀՀ քաղաքացիների վրա ճնշում գործադրելով Հայաստան տեղափոխելու մասին… Այս ամենը միտված է խափանելու ընտրությունների բնականոն ընթացքը: Եվ կարծում ենք՝ ՀՀ իշխանությունները ունեցել են անելիք և չեն արել»,- ասաց կուսակցությունից պատգամավորության թեկնածու Գրիգոր Առաքելյանը:
📌 Այս հարցը պետք է հանգուցալուծվի մինչև ընտրությանը նախորդող օրվա ավարտը: Կախված ԿԸՀ որոշումից՝ կուսակցությունը քաղաքական որոշում կկայացնի այն բողոքարկելու կամ չբողոքարկելու:

❗️ «Միասնության թևեր» կուսակցությունը հայտարարում է, որ ահազանգեր է ստացել, որ Երևանի Րաֆֆու անվան թիվ 36 հիմնական դպրոցի ուսուցիչներին վարչական շրջանից (համայնքապետարան) հանձնարարել են գնալ այսօր հանրապետության հրապարակ՝ ՔՊ-ի հավաքի, հակառակ դեպքում՝ գրել աշխատանքից ազատման դիմումներ։
📣 «Այսպիսի ահազանգեր բազմաթիվ ենք ստանում։ Տեղի է ունենում վարչական ռեսուրսի համատարած կիրառում»,- հայտնում են կուսակցությունից:

🇦🇿 Ադրբեջանի ԱԳՆ-ն հայտնել է՝ Ազովի ծովում ԱԹՍ-ների հարձակման է ենթարկվել երկու բեռնատար նավ՝ երկրի 25  քաղաքացիներով, ինչի հետևանքով զոհվել է նրանցից հինգը։
🗣 «Հունիսի լույս 5-ի գիշերը «Նատրա» և «Ցիրկոն» նավերը ենթարկվել են անօդաչու թռչող սարքերի հարվածներին։ Այդ երկու նավերի անձնակազմերում Ադրբեջանի 25 քաղաքացի էր ընդգրկված, սակայն տրանսպորտային միջոցները Ադրբեջանի Հանրապետության սեփականություն չեն հանդիսանում»,- մանրամասնել է Ադրբեջանի ԱԳՆ պաշտոնական ներկայացուցիչ Այխան Հաջիզադեն։
🇺🇦 Ուկրաինայի ԶՈՒ անօդաչու համակարգերի ուժերի հրամանատար Ռոբերտ Բրովդին հայտնել էր, որ հարվածներ են հասցրել բեռնատար նավերի Ազովի ծովի հյուսիսային ափի նավահանգիստներում:
🇷🇺 Ռուսաստանի ԱԳՆ-ն միջադեպի համար մեղադրել է պաշտոնական Կիևին:

‼️ Ժամը 16:00-ից կսահմանափակվի Հանրապետության հրապարակ մտնող փողոցների երթևեկությունը՝ պայմանավորված կայանալիք հանրահավաքով:
[Երևանի քաղաքապետարան]

⚖️ 🗳 Ընտրությունների գործընթացի մեկնարկից մինչ այսօր դատարան է հանձնվել ընտրական հանցագործություններին վերաբերող 13 քրեական վարույթ՝ 40 անձի վերաբերյալ:
[ՀՀ գլխավոր դատախազություն]

‼️ ՄԻ պաշտպանի և ԵՄ դեսպանի հանդիպմանը քննարկվել է նաև Արտուր Օսիպյանի դեպքը:
🗣 Այս մասին հանդիպման վերաբերյալ X-ի գրառման մեջ գրել է ԵՄ դեսպան Վասիլիս Մարագոսը:
💬 Նա նշել է՝ Անահիտ Մանասյանի հետ քննարկել է ընտրություններից առաջ մարդու իրավունքների վիճակն ու դրան առնչվող գործերը, այդ թվում՝ Արթուր Օսիպյանի դեպքը։ Նա գրել է, որ լիովին աջակցում է ՄԻՊ դիրքորոշմանը՝ ատելության խոսքի և կալանքի չարաշահման հարցերին անդրադառնալու անհրաժեշտության վերաբերյալ։ |hetq.am|

🇦🇲🇺🇸 Հայաստանի քաղաքական ապագան պետք է որոշեն միայն ՀՀ քաղաքացիները. Պետդեպ
🗳 Պատասխանելով հունիսի 7-ի ընտրություններում արտաքին միջամտության մասին հաղորդումների և ամերիկացի օրենսդիրների նախազգուշացումների մասին «Ազատության» հարցերին՝ Պետդեպը նշել է, որ ԱՄՆ-ն սատարում է «Հայաստանի ինքնիշխանությանը, տարածքային ամբողջականությանը և անկախությանը, ներառյալ Հայաստանի՝ իր արտաքին քաղաքականությունը և հարաբերությունները որոշելու իրավունքը»։
🗣 «Մենք տեղյակ ենք Հայաստանի քաղաքական գործընթացներին արտաքին միջամտության վերաբերյալ լրատվամիջոցների հաղորդումների մասին։ Հայաստանի ժողովուրդն իրավունք ունի ընտրել իր ղեկավարությունն և կառուցել իր ապագան», — ասել է Պետդեպարտամենտի խոսնակը։ |azatutyun.am|