Category: Infocom

🌡 Օդի ջերմաստիճանը հունվարի 15-16-ին հատկապես գիշերային ժամերին կբարձրանա 5-7 աստիճանով։
🌧 Երևանում հունվարի 14-ի ցերեկը, 17-19-ին սպասվում է առանց տեղումների եղանակ: Հունվարի 15-16-ին հնարավոր են թույլ և կարճատև տեղումներ։
❄️ Մարզերում հունվարի 15-17-ին, 18-ի ցերեկը և 19-ի գիշերն առանձին շրջաններում սպասվում է թույլ ձյուն։ Հունվարի 14-15-ին Շիրակում, Արագածոտնում և Կոտայքում սպասվում է մառախուղ, ճանապարհներին` մերկասառույց։
[«Հիդրոօդերևութաբանության և մոնիթորինգի կենտրոն»]

📣 Մի շարք հասարակական կազմակերպություններ հայտարարություն են տարածել և ՀՀ կառավարությունից ու վարչապետից պահանջում են․
📌 որևէ պայմաններում և հանգամանքներում չհրաժարվել Ադրբեջանի դեմ ներկայացված միջպետական դատական գանգատներից և՛ Մարդու իրավունքների եվրոպական դատարանում, և՛ ՄԱԿ Արդարադատության միջազգային դատարանում,
📌 շարունակել անհրաժեշտ ռեսուրսներ ներդնել և պատշաճ ջանասիրություն գործադրել դատական գանգատների արդյունավետ ներկայացման և պաշտպանության ուղղությամբ,
📌 հրաժարվել ԵԱԿՀ Մինսկի խմբի լուծարման մտադրությունից։

🔍 ԱԱԾ-ն բացահայտել և կանխել է կազմակերպված խմբի կողմից առանձնապես խոշոր չափերի թմրամիջոցներ Իրանից ՀՀ տարածք տեղափոխելու դեպք:
🔸 Հունվարի 10-ին Մեղրիին հարակից տարածքում հանցավոր խմբի անդամները նախապես ընտրված թաքստոցից վերցրել են դեռևս ինքնությունը չպարզված անձի կողմից հայ-իրանական պետական սահմանով մաքսանենգ ճանապարհով ՀՀ ներկրված առանձնապես խոշոր չափերի թմրամիջոցի խմբաքանակը, որը պատրաստվում էին տեղափոխել Երևան:
🔸 Խուզարկության արդյունքում ավտոմեքենաներից մեկում հայտնաբերվել է 10 կգ թմրամիջոց, որից 8 կգ «Մարիխուանա» և 2 կգ «Մետամֆետամին» տեսակի։
⚖️ ՀՀ 3 քաղաքացու նկատմամբ խափանման միջոց է կիրառվել կալանքը: Հայտնել են ԱԱԾ-ից:

Ուժային կառույցների ներկայացուցիչները խոշոր նվիրատվություններ են հայտարարագրում, որոնց ծագման աղբյուրը հետագծելի չէ
2023 թվականին ուժային կառույցների՝ Գլխավոր դատախազության, Քննչական կոմիտեի, Ներքին գործերի նախարարության, Հակակոռոպւցիոն կոմիտեի և Ազգային անվտանգության ծառայության 85 աշխատակիցներ ստացել են 343 մլն դրամի նվիրատվություն։
Գումարային արտահայտությամբ ամենամեծ նվիրատվությունները ուժային կառույցների աշխատակիցները ստացել են ծնողներից՝ մոտ 95 մլն դրամ։
2023 թվականին ուժային կառույցների ներկայացուցիչների 105 նվիրատուներից 96-ը հայտարարատու չեն եղել և նրանց նվիրաբերված գումարի ծագման աղբյուրը հանրության համար տեսանելի չէ։ Ավելին՝ անգամ հայտարարատու նվիրատուների դեպքում Կոռուպցիայի կանխարգելման հանձնաժողովը միշտ չէ, որ ուսումնասիրում է այդ հայտարարագրերը։ Սա այն դեպքում, երբ պաշտոնյաների մի մասի դեպքում նվիրատվությունների ստացումը պարբերական բնույթ է կրում, իսկ բոլոր նվիրատվությունների միջին գումարը մոտ է Հայաստանում 1 տարվա միջին աշխատավարձին։

🇦🇲🇺🇸 Հունվարի 14-15-ը ՀՀ ԱԳ նախարար Արարատ Միրզոյանն աշխատանքային այցով կգտնվի Վաշինգտոնում:
🤝 Ծրագրված են հանդիպումներ ԱՄՆ գործընկերների, այդ թվում՝ ԱՄՆ պետքարտուղար Էնթոնի Բլինքենի հետ: [ՀՀ ԱԳՆ]

📝 Լյովա Սարգսյանը նշանակվել է արդադարադատության նախարարի խորհրդական։
[ՀՀ արդարադատության նախարարություն]

❗️Հունվարի 13-ին՝ ժամը 16:41-ի սահմաններում, ՆԳՆ ՓԾ 911 ծառայություն է զանգահարել մի քաղաքացի և հայտնել, որ Երևան-Մեղրի ճանապարհի 90-րդ կմ հատվածում՝ ձորում, նկատել է ընկերոջ՝ շրջված վիճակում գտնվող «Հոնդա» մեքենան։
📌 Ըստ նախնական տեղեկությունների՝ մեքենայում եղել է ՀՀ ԱԺ պատգամավոր Մհեր Սահակյանը, որը մահացել է։
[ՆԳՆ խոսնակ Նարեկ Սարգսյան]

⚖️ Գյումրիի «Երեխաների տուն» ՊՈԱԿ-ի նախկին բուժքույրն ու դայակը 2024 թվականի ընթացքում՝ իրենց հերթափոխի ժամանակ, պարբերաբար, հարվածներ են հասցրել և բռնի այլ գործողություններ են կատարել երեխաների նկատմամբ:
👩‍⚖️ 2025 թվականի հունվարի 3-ին Ռ.Մ.-ի և Ն.Մ.-ի վերաբերյալ հաստատված մեղադրական եզրակացությունը վարույթի նյութերի հետ հանձնվել է իրավասու դատարան:
📌 «Երեխաների տուն» ՊՈԱԿ-ի բուժքույր Ն.Մ.-ն և դայակ Ռ․Հ․-ն ազատված են աշխատանքից:
[Գլխավոր դատախազություն]

🇮🇷 Իրանի ԱԳՆ խոսնակ Էսմայիլ Բաղաեին հայտարարել է, որ իրենց համար Հարավային Կովկասի անվտանգությունը շատ կարևոր է, և այդ անվտանգությունն ու կայունությունը պահպանելու և ամրապնդելու համար օգտագործում են ցանկացած հնարավորություն։
📌 Այս մասին նա ասել է՝ անդրադառնալով Ազգային անվտանգության գերագույն խորհրդի քարտուղար Ալի Աքբար Ահմադիանի՝ Երևան և Բաքու այցի մասին հարցին։
🗣 Վստահ ենք՝ դրանք պետք է ապահովեն տարածաշրջանի երկրները՝ հեռու արտաքին միջամտությունից։ Այս այցերն էլ այդ երկու երկրի հետ հարաբերություններն ու քննարկումներն ամրապնդելու նպատակով էին, որպեսզի վստահ լինենք, որ տարածաշրջանում խաղաղության պահպանմանն ու ամրապնդմանն ուղղված նախկին գործընթացները, այդ թվում՝ «3+3»-ը, դեռ կշարունակվեն, և Իրանը պատրաստ է աջակցություն ցուցաբերել այս ուղղությամբ՝ ունեցած հնարավորություններով»։|1lurer.am|