Category: Infocom

📽 Սոցիալական ցանցերում տարածվում է տարիներ առաջ թողարկված ֆիլմից մի հատված, որտեղ ներկայացվում են իբր գործող զինվորականների մասնակցությամբ խիստ դատապարտելի, իրականության և բանակի հետ աղերս չունեցող տեսարաններ:
❗️Պաշտպանության նախարարությունը հայտնում է, որ նմանօրինակ ֆիլմերն ու  սերիալները չեն արտացոլում զինված ուժերում գործող միջանձնային և կանոնագրքային հարաբերությունները, ավելին՝ խեղաթյուրված են ներկայացնում ՀՀ բանակի սպաների և առհասարակ զինծառայողների վարքագիծը, արատավորում նրանց պատիվն ու հեղինակությունը։
📢 Պաշտպանական գերատեսչությունը ստեղծագործական թիմերին, կազմակերպություններին ու անհատներին հորդորում է զերծ մնալ բանակի հեղինակությունը վարկաբեկող նմանատիպ բովանդակությամբ ֆիլմերի ստեղծումից և տարածումից։ [ՀՀ ՊՆ]

ԿԿՀ-ն անկախ մարմին է, թող լիազորությունը կատարի․ Նիկոլ Փաշինյանը՝ «Ինֆոքոմի» հարցին ի պատասխան
Վարչապետ Նիկոլ Փաշինյանի այսօրվա մամուլի ասուլիսի ընթացքում համընդհանուր հայտարարագրման վերաբերյալ  հարց ուղղեց «Ինֆոքոմի» լրագրող Հայարփի Բաղդասարյանը։
Ինֆոքոմի լրագրողը հարցրեց. «Այս իրավիճակում, երբ պետությունը, տվյալ դեպքում՝ ձեր կառավարությունը, չի կարողանում արդյունավետ իրացնել կոռուպցիայի դեմ պայքարի արդեն իսկ առկա և ավելի պարզ գործիքակազմը, ինչու՞ է առաջ բերում առավել բարդ մեխանիզմներ և ինչու՞  է անարդյունավետ աշխատող համակարգը  քաղաքացու վրա դնում հավելյալ պարտականություններ՝ որպես հիմնավորում բերելով այդ անարդյունավետության հետևանքները»։

Փաշինյանը պատասխանեց. «Համընդհանուր հայտարագրումը մեկ նպատակ չունի, հիմա երբ ասում եք՝ ինչու է հավելյալ պարտականություն դնում, ձեր նշած բոլոր մարդիկ քաղաքացի էին, հիմա դուք որ նշեցիք և նվիրատվություն տվողը և ստացողը, նվիրատվությունների հեղինակներին և այլնին բոլորը քաղաքացի են։ Բա հիմա իրենք չունեն ոչ մի պարտականություն, հիմա իրանց վրա դնե՞նք պարտականություն, թե չդնենք, որովհետեւ նույն Կոռուպցիայի կանխարգելման հանձնաժողովը ձեր ասած քաղաքացիներին հարց տալու ոչ մի իրավունք ու հիմք չունի»։ 
Լրագրողի դիտարկամանը, որ ԿԿՀ-ն ունի լիազորություն հարց տալու և իրավիճակային հայտարարագիր պահանջելու նրանցից, ովքեր նվիրատվություններ են կատարել պաշտոնյաներին, Փաշինյանը պատասխանեց․ «Դե այդ դեպքում թող լիազրությունը կատարի, ԿԿՀ-ն անկախ մարմին է, թող կատարի»։

📢 ՀՀ բարձր տեխնոլոգիական արդյունաբերության նախարարությունը զգուշացնում է, որ սոցիալական ցանցերում տարբեր օգտատերեր ներկայանում են որպես նախարարության աշխատակից և կեղծ տեղեկություն տարածում, թե իբր նախարարությունը տեղեկատվական հարթակ է ստեղծում:
❗️«Հայտնում ենք, որ նախարարությունը որևէ տեղեկատվական հարթակ չի ստեղծել և չի նախատեսում ստեղծել։ Խնդրում ենք անտեսել տարածվող հաղորդագրությունը և չբացել կցված հղումը»,- նշված է ԲՏԱ նախարարության տարածած հայտարարության մեջ:

🗣 Գնահատում եմ ձախողում, գնահատում եմ խայտառակություն, գնահատում եմ շատ վատ․ Փաշինյանը՝ ANIF-ի մասին
🔸 «Ու՞մ է պետք դատել, պե՞տք է դատել, թե՞ պետք չի դատել, ես կարող եմ կարծիք ունենալ, բայց իմ կարծիքը դե յուրե այս դեպքում իրավական ուժ չի կարող ունենալ։ Պետք է համապատասխան ընթացակարգերով առաջ գնալ։ Ես դա համարում եմ նաեւ վստահության անթույլատրելի չարաշահում, անթույլատրելի, խայտառակություն, ինչ բառ ուզում եք ասեք։ Ես համաձայն կլինեմ այդ բառերի հետ», — ասաց Փաշինյանը։
🔸 Անդրադառնալով այս ամենի քաղաքական հետևանքներին՝ Փաշինյանը նշեց, որ նախ պիտի պարզեն դրա հաշվապահությունը․ «Սա շատ ավելի խոր վերլուծության անհրաժեշտություն ունի եւ ուսումնասիրության, եւ իրավապահները պետք է դրանով զբաղվեն։ Բայց եթե քաղաքական գնահատականի մասին է, քաղաքական գնահատականը՝ ձախողում է եւ խայտառակություն»։

🗣 Մենք չենք կարող հրաժարվել անկլավի օրակարգից․ եթե ես ասեմ` անկլավի օրակարգ չկա, դա քրեական պատասխանատվության հիմք է. Փաշինյան
📌 «ՀՀ-ն ունի ինքնիշխան տարածք, ի դեմս Արծվաշենի, որից մենք չենք կարող հրաժարվել։ Անկախ նրանից Ադրբեջանը բարձրացնում է, թե չի բարձրացնում [հարցը], մենք ենք բարձրացնում», — ասաց Փաշինյանը՝ նշելով, որ այդ թեման անխուսափելիորեն լինելու է քննարկումների տիրույթում եւ կողմերից ամեն մեկն «իր փաստարկներով գնալու է»։

🇦🇲🇷🇺 Ռուսաստանը իհարկե պրոցեսի [ԵՄ-ին անդամակցելու գործընթացի մեկնարկի -խմբ․] հետ կապված որոշակի անհանգստություններ ունի, բայց մեր հարաբերությունները և խոսակցությունները երբեք չեն եղել և չեն լինի սպառնալիքի լեզվով․ Փաշինյան
❓ Այս մասին ասաց Փաշինյանը՝ պատասխանելով հարցին, թե ՌԴ նախագահի հետ վերջին հեռախոսազրույցի ժամանակ արդյոք եղե՞լ են սպառնալիքներ ՀՀ-ի կողմից ԵՄ-ին անդամակցելու գործընթաց պաշտոնապես մեկնարկելու դեպքում ՌԴ-ի կողմից ՀՀ-ի նկատմամբ պատժամիջոցներ սահմանելու սպառնալիք:
🗣 «Այն, որ ՌԴ-ն ունի որոշակի անհանգստություններ, դա ակնհայտ է, այն, որ մենք էլ ունենք որոշակի անհանգստություններ՝ ՌԴ դիրքորոշումների և անհանգստությունների հետ կապված, դա էլ է փաստ: Բայց այն, որ մենք շարունակում ենք ՌԴ-ի հետ երկխոսությունը, դա էլ է փաստ, այն, որ շարունակելու ենք ՌԴ-ի հետ երկխոսությունը, դա էլ է փաստ, այն, որ շարունակելու ենք խորացնել հարաբերությունները ԵՄ-ի հետ, դա էլ է փաստ»:

❗️ ՈՒզում ենք համոզվել, որ Մինսկի խմբի լուծարումը Ադրբեջանի համար էլ է այս նույն բանը նշանակում։ Այս մասին ասաց Փաշինյանը՝ նշելով, որ համաձայն են լուծարմանը՝ հիմնավորմամբ, որ եթե չկա կոնֆլիկտ, կոնֆլիկտի սպասարկմամբ զբաղվող Ֆորմատի իմաստ էլ չկա։
📌 Փաշինյանի խոսքով՝ եթե Ադրբեջանի համար ՄԽ լուծարումը կարող է նշանակել կանաչ լույս՝ Հայաստանի դեմ տարածքային պահանջներ ներկայացնելու եւ խորացնելու համար, ապա ի՞նչ իմաստ ունի այդ գործողությունը։
🗣 Նա նշում է, որ հիմքեր կան՝ մտածելու Ադրբեջանի նման մտադրության մասին։ Փաշինյանի խոսքով՝ Արեւմտյան Ադրբեջան խոսույթը հենց ՀՀ տարածքային ամբողջականության նկատմամբ ուղիղ ոտնձգություն է․ «Ոչ միայն այն պատճառով, որ Ադրբեջանը Հայաստանի ինքնիշխան տարածքի շուրջ 60%-ը անվանում է Արեւմտյան Ադրբեջան, այլեւ համապատասխան անունով կազմակերպության հայեցակարգում ձեւակերպումներ են դրած, որը նշանակում է, որ ոչ միայն այդ կազմակերպությունը, այլեւ այդ խոսույթը օգտագործող ցանկացած մարդ չի ճանաչում ՀՀ տարածքային ամբողջականությունը, առնվազն 60%-ով չի ճանաչում»։