Category: Infocom

🇮🇷 Լիբանանում հրադադարով պայմանավորված՝ Հորմուզի նեղուցը բաց կլինի բոլոր առևտրային նավերի համար մինչև հրադադարի ժամկետի ավարտը։
🗣 Այս մասին «X»-ում հայտնել է Իրանի ԱԳ նախարար Աբբաս Արաղչին։

🪧 Սամվել Կարապետյանի գործով նիստին զուգահեռ ընթացող ակցիայի ընթացքում քաշքշոցը սկսվեց, երբ ոստիկանները որոշեցին բացել ճանապարհը: Քանի որ քաղաքացիները ճանապարհը չէին բացում, ոստիկանները հրելով հեռացրին նրանց այդ հատվածից։ Ապա ոստիկանները սկսեցին բերման ենթարկել քաղաքացիներին:
🚔 ՆԳՆ-ից հայտնում են, որ վարչական իրավախախտումների վերաբերյալ ՀՀ օրենսգրքի 182-րդ հոդվածով նախատեսված արարք կատարելու համար 17 անձ ձերբակալվել և տեղափոխվել է Համայնքային ոստիկանության ստորաբաժանումներ։ |azatutyun.am|

⚖️ Այսօր շարունակվում է Սամվել Կարապետյանի խափանման միջոցի քննությունը։
🪧 Դատական նիստին զուգահեռ Կարապետյանին ազատ արձակելու պահանջով բողոքի ակցիա են անում նրա աջակիցները։ Նրանք երթով շարժվում են դեպի Հակակոռուպցիոն դատարան, որտեղ ընթանում է նիստը։
👮‍♂️ Մի պահ իրավիճակը երթի մասնակիցների ու ոստիկանների միջև լարվեց, ապա հանդարտվեց։

🇦🇲🇦🇿 Հայաստանի և Ադրբեջանի խորհրդարանների նախագահներն ընդգծել են կառուցողական խորհրդարանական երկխոսության շարունակման կարևորությունը:
🤝 Սիմոնյանն ու Գաֆարովան դրական են գնահատել միջազգային կազմակերպությունների շրջանակներում խորհրդարանական պատվիրակությունների միջև շփումները, որոնք սկսվել են 2025թ. հոկտեմբերին Ժնևում կայացած նրանց հանդիպումից հետո, և պայմանավորվել են շարունակել այդ շփումները:
Լուսանկարի կենտրոնում՝ Միջխորհրդարանական միության գլխավոր քարտուղար Մարտին Չունգոնգը

«Անկախության մեր ճանապարհը» ֆիլմը հասանելի է Հանրայինի յութուբյան ալիքում. Պասկևիչյանի խոսքով՝ այդ լուծումն իր առաջարկն էր
🔻 Հանրային ՀԸ տնօրեն Հովհաննես Մովսիսյանը հայտնել է. «Երբ վերականգնվել են Հանրային ՀԸ իրավունքները, Հանրային հեռարձակողի խորհրդի համաձայնությամբ ֆիլմը դարձնում ենք հրապարակային հասանելի, որ բոլորը կարողանան գնահատել այն»:
🔻 Տիգրան Պասկևիչյանն էլ, ֆեյսբուքյան էջում տեղադրելով ֆիլմի հղումը, գրել է. «Միթե արժե՞ր հասնել դատարան, դատարանում չլսել ու հաշվի չառնել հարցի լուծման՝ իմ կողմից հնչեցված ամենահեշտ տարբերակը, այն է՝ տեղադրել ֆիլմը Յութուբում, և փորձել ներկայացնել դա որպես ՀՀԽ-ի առաջարկած լուծում»:
🔻 Իսկ ՀՀԽ նախագահ Վասակ Դարբինյանը հույս է հայտնել, որ Պասկևիչյանը հրապարակավ ներողություն կխնդրի բոլոր նրանցից, «որոնց հանիրավի մեղադրել էր իր ֆիլմը արգելելու և գրաքննելու մեջ»:

👨‍⚖️ Տնային կալանք խափանման միջոց է կիրառվել «Ուժեղ Հայաստան» կուսակցության գրասենյակից բերման ենթարկված անձանցից 6-ի նկատմամբ, ևս 1-ի նկատմամբ միջնորդությունը մերժվել է, ու նա ազատ է արձակվել: 
🗣 Այս մասին հայտնել է կուսակցության անդամ Գոհար Մելոյանը։