Category: Infocom

‼️ ՄԻ պաշտպանի և ԵՄ դեսպանի հանդիպմանը քննարկվել է նաև Արտուր Օսիպյանի դեպքը:
🗣 Այս մասին հանդիպման վերաբերյալ X-ի գրառման մեջ գրել է ԵՄ դեսպան Վասիլիս Մարագոսը:
💬 Նա նշել է՝ Անահիտ Մանասյանի հետ քննարկել է ընտրություններից առաջ մարդու իրավունքների վիճակն ու դրան առնչվող գործերը, այդ թվում՝ Արթուր Օսիպյանի դեպքը։ Նա գրել է, որ լիովին աջակցում է ՄԻՊ դիրքորոշմանը՝ ատելության խոսքի և կալանքի չարաշահման հարցերին անդրադառնալու անհրաժեշտության վերաբերյալ։ |hetq.am|

🇦🇲🇺🇸 Հայաստանի քաղաքական ապագան պետք է որոշեն միայն ՀՀ քաղաքացիները. Պետդեպ
🗳 Պատասխանելով հունիսի 7-ի ընտրություններում արտաքին միջամտության մասին հաղորդումների և ամերիկացի օրենսդիրների նախազգուշացումների մասին «Ազատության» հարցերին՝ Պետդեպը նշել է, որ ԱՄՆ-ն սատարում է «Հայաստանի ինքնիշխանությանը, տարածքային ամբողջականությանը և անկախությանը, ներառյալ Հայաստանի՝ իր արտաքին քաղաքականությունը և հարաբերությունները որոշելու իրավունքը»։
🗣 «Մենք տեղյակ ենք Հայաստանի քաղաքական գործընթացներին արտաքին միջամտության վերաբերյալ լրատվամիջոցների հաղորդումների մասին։ Հայաստանի ժողովուրդն իրավունք ունի ընտրել իր ղեկավարությունն և կառուցել իր ապագան», — ասել է Պետդեպարտամենտի խոսնակը։ |azatutyun.am|

Որ երկրներ հասցրեց այցելել Նիկոլ Փաշինյանը պաշտոնավարման 8 տարիներին, ում հետ ամենից շատ հանդիպեց, որ քաղաքներում ամենից շատ եղավ և ոչ միայն, իմացեք այս մասին՝ սքրոլելով ինտերակտիվ, դինամիկ և տվյալահեն սքրոլիթելինգը։
Փաշինյանի դիվանագիտական ճանապարհը. ուր է տարել նրան կառավարական ինքնաթիռը

⚖️ «Ուժեղ Հայաստան»-ի Քանաքեռ Զեյթունի գրասենյակի պատասխանատու անձինք, համակիրների և նրանց հետ համագործակցող մի խումբ անձանց հետ նախնական համաձայնությամբ ընտրողներին խոստացել, ինչպես նաև տվել են ընտրակաշառք․Հակակոռուպցիոն կոմիտե
📣 Ընտրակաշառք տալու, ստանալու հերթական դեպքերի առթիվ քրեական վարույթի շրջանակում ձերբակալվել է 5 անձ, որոնցից 2-ը կալանավորվել են։

⚖️ Ձերբակալվել է ՀՀ տրանսպորտի և կապի նախկին նախարար Գագիկ Բեգլարյանը՝ ՀՀ հակակոռուպցիոն կոմիտեում քննվող քրեական վարույթի շրջանակում։
📣 «Վերջինս մեղադրվում է պաշտոնեական լիազորությունների չարաշահման և առանձնապես խոշոր չափերի փողերի լվացման մեջ: Գ.Բ.-ին կալանավորելու միջնորդություն է ներկայացվել դատարան»,- հաստատեցին կոմիտեից: |1lurer.am|

⚖️ Հերթական մեղադրանքն է առաջադրվել Տիրան Խաչատրյանին․ փաստաբան
🗣 «Մեղադրանքն առաջադրվել է իբրև թե 2023 թ. սեպտեմբեր ամսին փողոց փակած քաղաքացիների ուղղությամբ բարձր արագությամբ վարող մեքենային հարվածելու միջոցով խուլիգանություն կատարելու համար: Ընդ որում` 3 տարի շարունակ (2023 թվականից նախաձեռնված վարույթով) որևէ գործողություն չկատարելուց հետո, օրերս միայն հապճեպ որոշում է կայացվել մեղադրանք առաջադրելու, ինչպես նաև նախաքննությունն ավարտելու և մեղադրական եզրակացությամբ դատարան ուղարկելու վերաբերյալ», — գրել է փաստաբան Վարազդատ Հարությունյանը։

⚖️ Ձերբակալվել, ապա 2 ամսով կալանավորվել է Պետգույքի կառավարման վարչության նախկին պետ, ՀՀԿ անդամ Արման Սահակյանը։
📌 Հակակոռուպցիոն կոմիտեից հայտնել են, որ Սահակյանը ձերբակալվել է ընտրակաշառք տալու կամ ստանալու դեպքի առթիվ նախաձեռնված քրեական վարույթի շրջանակում։ |arm.sputniknews.ru|

⚖️ Փաստական տվյալներ են ստացվել «Հայաստան» դաշինքի պատգամավորի թեկնածուի կողմից ընտրություններին իրենց դաշինքի օգտին քվեարկելու պայմանով ընտրակաշառք տալու դեպքերի մասին։
🚨 Դեպքի առթիվ ՀՀ հակակոռուպցիոն կոմիտեում նախաձեռնված քրեական վարույթով ձերբակալվել են մի շարք անձինք, կատարվել են խուզարկություններ և վարութային այլ գործողություններ։

‼️ Յոթ անձի, այդ թվում՝ Արմեն Աշոտյանին ձերբակալելու որոշում է կայացվել պաշտոնեական լիազորությունները չարաշահելու, դրա օժանդակության, խմբի կողմից առանձնապես խոշոր չափերով փողերի լվացման և դրանց օժանդակության համար:
📌 Ըստ ՔԿ-ի՝ Աշոտյանը Գագիկ Խաչատրյանի և նրա որդու համար օտարման ոչ ենթակա գույք ձեռք բերելն ապահովելու անձնական շահագրգռվածությունից և խմբային շահերից ելնելով, Բրյուսովի համալսարանի ղեկավար անձնակազմի, ինչպես նաև նրանց հետ փոխկապակցված անձի հանցակցությամբ ՀՀ սեփականության ֆոնդից կոռուպցիոն սխեմայի կիրառմամբ դուրս է բերել Պուշկին փողոցի ավելի քան 208 մլն դրամ արժեքով առանձնապես խոշոր չափերով 451.1 քմ մակերեսով անշարժ գույքը և դրա անբաժանելի մաս համարվող հողամասը և ոչ ուսումնական նպատակներով օգտագործելու համար փոխանցվել է բարձրաստիճան պաշտոնատար անձի և վերջինիս հետ փոխկապակցված անձի սեփականության ֆոնդ:
📌 Խաչատրյանն ու որդին որպես գույք ձեռք բերող ներկայացրել են Հ.Թ.-ին, ապա բարեխիղճ ձեռք բերող հանդես գալու ակնկալիքով վերջինիցս 75 մլն ՀՀ դրամով գնել են նշված գույքը՝ գրանցելով այն Ա.Խ.-ի անվամբ: