Category: Infocom

🇹🇷 5 մագնիտուդով երկրաշարժ է գրանցվել Թուրքիայի հարավ-արևելյան Մալաթիա նահանգում։ Նախնական տվյալներով՝ տուժածներ չկան, շաբաթ օրը հայտնել է Աղետների կառավարման վարչությունը (AFAD):
📢 «5.0 մագնիտուդով երկրաշարժը տեղի է ունեցել առավոտյան ժամը 6:20-ին, էպիկենտրոնը գտնվել է Բաթալգազի շրջանի մոտակայքում, իսկ օջախը՝ 15.5 կիլոմետր խորության վրա», – ասվում է մամուլի հաղորդագրության մեջ։ |shantnews.am|

👩‍🎓 2026 թվականի բուհերի ընդունելության համար կառավարությունը հատկացրել է 12,720 տեղ, որից 2,133-ը՝ անվճար, 10,587-ը՝ վճարովի։ Այս մասին հայտնել է ԳԹԿ մամուլի քարտուղար Խաչանուշ Գրիգորյանը։
📢 «Բուհ է ընդունվել 9 620 մարդ, որից անվճար հիմունքներով, ներառյալ նաև պահուստային և նպատակային տեղերը, 1 875 հոգի, վճարովի տեղերը զբաղեցրել է 7 799 դիմորդ։
📌 Ընդունելության արդյունքները կհրապարակվեն հուլիսի 18-ին՝ ընդունվածների ցուցակները կփակցվեն բուհերում»,- նշել է նա:

🔸 Բաքվի վերաքննիչ դատարանում այսօր տեղի է ունեցել հայ գերիների բողոքների վերաբերյալ «նիստ»։
📣 Ելույթ են ունեցել մեղադրյալ Մադաթ Բաբայանի ու Արցախի նախկին նախագահ Արայիկ Հարությունյանի «պաշտպանները», հայտնում են ադրբեջանական ԶԼՄ-ները։
🔸 Խորհրդարանի նախկին խոսնակ Դավիթ Իշխանյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը միջնորդություններ են ներկայացրել։
🔸 Ընդմիջումից հետո «դատարանը» հայտարարել է, որ միջնորդությունները «մասնակիորեն բավարարվել են»։
📌 Հաջորդ «դատական նիստը» տեղի կունենա հուլիսի 21-ին։ |arm.sputniknews.ru|

❗️🌨 Ուժեղ կարկտահարության հետևանքները Շիրակի մարզի գյուղ Բագրավանում։
📌 Այս մասին գրել և տեսանյութ է հրապարակել Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

🇦🇲🇨🇳 ՀՀ քննչական կոմիտեի նախագահի տեղակալ Արմեն Գևորգյանի գլխավորած պատվիրակությունն աշխատանքային այցով գտնվում է Չինաստանում։
🤝 Այցի շրջանակում Արմեն Գևորգյանը հանդիպել է ՉԺՀ Հունան նահանգի փոխնահանգապետ, Հանրային անվտանգության վարչության պետ Վան Իոուին:
📌 Կողմերը կարևորել են նմանատիպ հանդիպումները՝ ընդգծելով իրավական ոլորտում համագործակցության ընդլայնման տեսանկյունից դրանց արդյունավետությունը:
[ՀՀ քննչական կոմիտե]

🇦🇲🇱🇹 Վարչապետ Նիկոլ Փաշինյանը շնորհավորական ուղերձ է հղել Մինդաուգաս Սինկյավիչյուսին` Լիտվայի վարչապետի պաշտոնում նշանակվելու առիթով:
🗣 «Լիտվան 1991 թվականին առաջինն էր, որ ճանաչեց ՀՀ անկախությունը, և այդ ժամանակից ի վեր՝ մեր երկրների միջև ձևավորվել է ամուր համագործակցություն, որը որակապես նոր մակարդակի բարձրացավ 2026 թվականի մայիսի 19-ին Երևանում ստորագրված՝ «Հայաստանի Հանրապետության և Լիտվայի Հանրապետության միջև ռազմավարական գործընկերության մասին» համատեղ հռչակագրով:
🔸 Մենք բարձր ենք գնահատում Հայաստանում իրականացվող բարեփոխումներին և հատկապես Հայաստան–Եվրոպական միություն գործընկերության խորացմանը ցուցաբերվող՝ Լիտվայի շարունակական և անվերապահ աջակցությունը»,- մասնավորապես նշված է ուղերձում։
[ՀՀ վարչապետի աշխատակազմ]

🇷🇺 ՌԴ-ն պատրաստ է նպաստել Երևանի ու Բաքվի միջև տրանսպորտային և տնտեսական կապերի հաստատմանն ու մարդասիրական հարցերի լուծմանը։
🗣 Այս մասին հայտնել է ՌԴ ԱԳ նախարար Սերգեյ Լավրովը Ադրբեջանի ԱԳ նախարարի հետ ասուլիսի ժամանակ:
💬 «Մենք անդրադարձանք արևմտյան երկրների կողմից Հարավային Կովկասը որպես աշխարհաքաղաքական դիմակայության ասպարեզ օգտագործելու փորձերի հարցին։ Այս համատեքստում մենք տեսնում ենք տարածաշրջանային համագործակցության զգալի ներուժ «3+3» հարթակի շրջանակներում, որը միավորում է Հարավային Կովկասի երեք երկրներին՝ Ադրբեջանին, Հայաստանին, Վրաստանին և նրանց հարևաններին՝ Ռուսաստանին, Իրանին և Թուրքիային»,- ասել է Լավրովը: |armenpress.am|

⚖️ ՍԴ նախկին դատավոր Հրայր Թովմասյանն ընդդեմ Հայաստանի գանգատ է ներկայացրել Մարդու իրավունքների եվրոպական դատարան՝ Factor.am-ին հայտնել է Թովմասյանի պաշտպան Արամ Օրբելյանը։
📌 Հրայր Թովմասյանը 2024-ի սեպտեմբերին մեղավոր է ճանաչվել արդարադատության նախարար եղած ժամանակ չարաշահումներ կատարելու մեջ, սակայն նա մեղադրանքը չի ընդունել, բազմիցս պնդել է, որ իր նկատմամբ քաղաքական դրդապատճառներով հետապնդում է իրականացվել։

🇦🇿🗣 Ադրբեջանի ԱԳ նախարար Ջեյհուն Բայրամովը հայտարարել է, որ Հայաստանի և Ադրբեջանի միջև դե ֆակտո խաղաղություն է:
🔸 Մոսկվայում ՌԴ արտաքին գործերի նախարար Սերգեյ Լավրովի հետ համատեղ մամուլի ասուլիսի ընթացքում Բայրամովը նշել է, որ Հայաստանի և Ադրբեջանի միջև կարգավորման գործընթացում վերջին շրջանում տեղի ունեցած իրադարձությունները, այդ թվում՝ խաղաղության համաձայնագրի նախաստորագրումը, հնարավորություն են ստեղծում տարածաշրջանում ապահովելու կայուն խաղաղություն, անվտանգություն և բարեկեցություն։ |armenpress.am|