Category: Infocom

🇹🇷 Թուրքիայի ԱԳՆ-ն անդրադարձել է Հայոց ցեղասպանության տարելիցի կապակցությամբ հնչող հայտարարություններին՝ նշելով՝ «մերժում են 1915 թվականի իրադարձությունների վերաբերյալ որոշ ռադիկալ շրջանակների հաճոյանալու նպատակով արված միակողմանի հայտարարարությունները»։
🔸 «Պատմության վերաբերյալ այս կանխակալ և կողմնակալ հայտարարությունները ոչ միայն վնասում են երկու համայնքների միջև հաշտեցման ջանքերին, այլ նաև քաջալերում են արմատական խմբերին, որոնք հակված են ատելության հողի վրա հանցագործություններ կատարելու:
🔸 Բոլոր կողմերին կոչ ենք անում աջակցել Համատեղ պատմական հանձնաժողովի ստեղծման մեր առաջարկին, ինչպես նաեւ Հայաստանի հետ սկսած կարգավորման գործընթացին», – նշված է հայտարարության մեջ։
📌 Նշենք, որ Հայոց ցեղասպանության վերաբերյալ պատմաբանների ընդհանուր հանձնաժողովի ստեղծումը թուրքական կողմից տարածված վաղուցվա առաջարկ է։

🇦🇿 Ադրբեջանի նախագահի հատուկ հանձնարարություններով ներկայացուցիչը հայտարարել է, թե Հայաստանի Սահմանադրության մեջ պետք է փոփոխություններ մտցվեն, «քանի որ դրանց ներկայում գործող տարբերակում պնդում կա, որ Ղարաբաղը Հայաստանի մաս է»։
🗣 «Դա Հայաստանի կողմից Ադրբեջանին ներկայացվող տարածքային պահանջ է», – հայտարարել է Էլչին Ամիրբեկովը։
📌 Ադրբեջանցի պաշտոնյան հավելել է, որ սահմանազատման վերաբերյալ համաձայնությունը ձեռք է բերվել կողմերի միջև երկկողմանի անմիջական շփման արդյունքում և առանց որևէ երրորդ կողմի մասնակցության. «Սա ցուցանիշ է, որ մենք կարող ենք ինքներս լուծել խնդիրները»։
📌 Ամիրբեկովի խոսքով՝ «Հայաստանն ու Ադրբեջանը այսօր ավելի քան երբևէ մոտ են խաղաղությանը»։

🇺🇸 Ջո Բայդենը Հայոց ցեղասպանության 109-րդ տարելիցի կապակցությամբ հանդես է եկել ուղերձով․
🗣 «Այսօր մենք կանգ ենք առնում՝ հիշելու Մեծ եղեռնի՝ Հայոց ցեղասպանության ժամանակ կորցրած կյանքերը, և վերահաստատում ենք այն երբեք չմոռանալու մեր խոստումը։
🔸 «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը։ Մարդկության պատմության ամենամութ գլուխներից մեկն ապրելուց հետո՝ վերապրածները սկսեցին կառուցել ավելի լավ ապագա մեր աշխարհի համար։ Քաջությամբ և նվիրվածությամբ նրանք վերակառուցեցին իրենց կյանքը: Նրանք պահպանեցին իրենց մշակույթը։ Նրանք ամրապնդեցին երկրների կառուցվածքն ամբողջ աշխարհում, այդ թվում՝ մեր երկրում: Եվ նրանք պատմեցին իրենց պատմությունները՝ վստահ լինելու, որ 109 տարի առաջ այս օրը սկսված զանգվածային կոտորածներն այլևս երբեք չեն կրկնվի:
🔸 Սա մնում է մեր հանդիսավոր ուխտը։ Այսօր և ամեն օր Միացյալ Նահանգները կշարունակի պաշտպանել մարդու իրավունքները և հանդես գալ անհանդուրժողականության դեմ», – նշված է ուղերձում: |factor.am|

🇬🇷 Օսմանյան Կայսրության վերջին շրջանում 1․5 միլիոն հայերի պլանավորված բնաջնջումից անցել է 109 տարի։ Սա ցեղասպանություն է, որը գրեթե բնաջնջեց հնագույն ժողովրդին, Կովկասի հարավային հատվածում ծաղկող քրիստոնեական միջուկը։
🗣 Այսպիսի ողբերգական իրադարձությունների ճանաչումը, ինչպես նաև մարդկության նկատմամբ բռնության ու ատելության դեմ մշտական զգոնությունը անհրաժեշտ պայման են այսպիսի հանցագործությունների չկրկնվելու և ազգերի ու ժողովուրդների խաղաղ գոյակցության համար։ Հայոց ցեղասպանության զոհերը երբեք չպետք է մոռացվեն:
[Հունաստանի նախագահ Կատերինա Սաքելարոպուլուի հայտարարությունը Հայոց ցեղասպանության տարելիցի կապակցությամբ] |armenpress.am|

🇦🇲🇹🇷Թուրքիայի նախագահ Էրդողանը Պոլսո Հայոց պատրիարքին և հայ համայնքին ուղղված ուղերձով է հանդես եկել՝ նշելով, թե իբր «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»։
🗣️ Էրդողանը նշել է, թե իրենք «թույլ չեն տալու Թուրքիայի ոչ մի հայ քաղաքացու իրեն օտարված կամ երկրորդ կարգի մարդ զգալ».
🔸 «Գալիք սերունդներին աշխարհը շրջապատող բռնության և պատերազմի պարույրից պաշտպանելու ճանապարհը մեր ապագան միասին կառուցելն է՝ այն դասերի լույսի ներքո, որոնք կքաղենք մեր ընդհանուր ցավից»։  |armenpress.am|

❗Բաղանիս-Ոսկեպար ճանապարհը, որի մի հատված, պայմանավորված դելիմիտիացիայի գործընթացով, ոստիկանները փակել էին, այսօր բացվել է։

🗣Այսօր Հայոց ցեղասպանության 109-րդ տարելիցն է: Անցյալի ճանաչումն ու անպատժելիության դեմ պայքարը վճռորոշ նշանակություն ունեն պատմական արդարության վերականգնման և նոր ցեղասպանությունների ու մարդկության դեմ նման վայրագությունների կրկնությունը կանխարգելելու համար:
🔸Մենք խոնարհվում ենք Հայոց ցեղասպանության 1,5 միլիոն զոհերի հիշատակի առջև։
[ՀՀ նախագահ Վահագն Խաչատուրյան]

📌Խոսել ենք բերման ենթարկվածների հետ, նաև հայտարարություն ենք տարածել, որտեղ անընդունելի ենք համարել թե՛ հավաքի մասնակիցների, թե՛ ոստիկանների և թե՛ բոլոր դերակատարների կողմից որևէ տեսակի բռնության կիրառումը։ Դա իրավաչափ երևույթ չէ, կոչ ենք արել ընդհանրապես զերծ մնալ նման գործողություններից։
🗣 Հատուկ շեշտադրել ենք, որ այդ դեպքով [ԵԿՄ մեքենայի՝ քաղաքացու ուղղությամբ վարելը-խմբ.) բռնության կիրառումը որևէ դերակատարի կողմից ուղղակի անթույլատրելի է, պահանջել ենք իրավասու մարմինների կողմից այդ հարցով պատշաճ քննության իրականցում։
⚖️ Սուրեն Պետրոսյանի հետ էլ ենք հանդիպել, արձանագրել ենք իր կողմից բարձրաձայնված խնդիրերը։
[ՀՀ ՄԻՊ Անահիտ Մանասյան]