Category: Infocom

🇦🇲🇪🇺 ԵՄ անդամ 27 երկրների ԱԳ նախարարների խորհրդի նիստին վերջիններս վերահաստատել են իրենց աջակցությունը Հայաստանին՝ հիշեցնելով նոյեմբերին կայացած նիստի արդյունքներով հայտարարված բոլոր տարրերը, ինչպես նաև աջակցությունը ՀՀ-ԵՄ հարաբերությունների նոր օրակարգի աշխատանքներին, հայ-ադրբեջանական հարաբերությունների հետագա կարգավորմանը։
[ԵՄ արտաքին հարաբերությունների հարցերով գլխավոր խոսնակ Պետեր Ստանոն՝ «Արմենպրես»-ի թղթակցի հետ զրույցում]

🗣 Ընդդիմությունն ասում է՝ Տավուշի գյուղերն ուզում է տա: Տավուշի մարզում Խրեմլու անունով գյուղ կա՞, ո՞վ է այդ գյուղի վարչական շրջանի ղեկավարը, ուզում եմ ծանոթանալ: Տավուշում Ասկիպարա անունով գյուղ կա՞, այդ գյուղի բնակիչներն ովքե՞ր են: Ստանալու համար այն, ինչ լեգիտիմ մերն է, պետք է պատրաստ լինենք տալ այն, ինչ լեգիտիմ մերը չի:
📌 Ես եկել եմ ձեզ տեղյակ պահելու և խնդրելու, որ էդ բարոյական, քաղաքական հնարավորությունը տաք, որ մենք այդ ճանապարհով գնանք (1991թ․ քարտեզներով առաջնորդվելու՝ խմբ․):
[Փաշինյանը՝ Կիրանցում հանդիպման ժամանակ]

🇬🇪 ՆԱՏՕ-ի գլխավոր քարտուղար Յենս Ստոլտենբերգը Վրաստանում է։
🤝 Վրաստանի վարչապետ Իրակլի Կոբախիձեի հետ հանդիպմանը նա նշել է՝ Հարավային Օսիան և Աբխազիան Վրաստանի տարածքներ են․ «ՆԱՏՕ-ն շարունակում է կոչ անել Ռուսաստանին չեղարկել վրացական տարածքների ճանաչումը որպես անկախ պետություններ», – նշել է Ստոլտենբերգը։
🗣 ՆԱՏՕ-ի Գլխավոր քարտուղարը նշել է, որ Վրաստանը դաշինքի մերձավոր գործընկերներից մեկն է և այժմ՝ «անվտանգային լուրջ մարտահրավերների է բախվում»։ |azatutyun.am|

🇷🇺 Քվեաթերթիկների 100%-ի մշակման արդյունքներով ՌԴ նախագահական ընտրություններում Պուտինը հավաքել է ձայների 87,28 տոկոսը։
🗳️ Երկրորդ տեղում ՌԴ Կոմունիստական ​​կուսակցության թեկնածու Նիկոլայ Խարիտոնովն է, որ ստացել է ձայների 4,31 տոկոսը։ Հաջորդում է «Новые люди» կուսակցության թեկնածու Վլադիսլավ Դավանկովը՝ 3,85 տոկոսով։
📌 Չորրորդ տեղում Ռուսաստանի լիբերալ-դեմոկրատական կուսակցության թեկնածու Լեոնիդ Սլուցկին է՝ ձայների 3,20%-ով։
[ՌԴ ԿԸՀ]|tass.ru|

🇦🇿🇺🇸 Հանդիպում են ունեցել Ադրբեջանի ԱԳ նախարար Ջեյհուն Բայրամոն ու ԱՄՆ Պետդեպարտամենտի Հարավային Կովկասում բանակցությունների գծով ավագ խորհրդական Լուի Բոնոն։
🇦🇲🇦🇿 Ըստ Ադրբեջանի ԱԳՆ հաղորդագրության՝ կողմերը քննարկել են իրավիճակը տարածաշրջանում, մասնավորապես՝ Բաքվի և Երևանի միջև հարաբերությունների կարգավորման գործընթացի ասպեկտները։ Բայրամովը Բոնոյի ուշադրությանն է ներկայացրել Բաքվի դիրքորոշումը խաղաղության գործընթացի մի շարք հարցերի վերաբերյալ, որոնք բաց են մնում։